ديرونا شويا كوراج الركبة فشلت

[BOUSS]

سلام عليكم ناس بلادي انشاء الله لباس عليكم صحة او عافية ياخوتي هذو اليمات الكوراج راه خاصني او مالقيتش الحل والمشكل راني حاب اندير اشويا اسبور والوقت ما عنديش امضاري كنت كل ما انكمل الخدمة انتاعي نرفد الساك انتاعي والروح نطريني اي ستة خطرات في الاسبوع ام اليوم عدت ندخل لدار امعا العشية ايطيح عليا واحد العيا والله نفشل باش اروح نطريني. ولا وقتي قاع عطيه لدار و لاولادي حتي انسيت روحي وين راكي ييامات ازمان رنا ولينا كي الشيوخا نطرينو غير الويكاند

 

[SaMi_o7]

سلام عليكم ناس بلادي انشاء الله لباس عليكم صحة او عافية ياخوتي هذو اليمات الكوراج راه خاصني او مالقيتش الحل والمشكل راني حاب اندير اشويا اسبور والوقت ما عنديش امضاري كنت كل ما انكمل الخدمة انتاعي نرفد الساك انتاعي والروح نطريني اي ستة خطرات في الاسبوع ام اليوم عدت ندخل لدار امعا العشية ايطيح عليا واحد العيا والله نفشل باش اروح نطريني. ولا وقتي قاع عطيه لدار و لاولادي حتي انسيت روحي وين راكي ييامات ازمان رنا ولينا كي الشيوخا نطرينو غير الويكاند

شوية إرادة و صلاة

 

[fufa22]

اخطف روحك من ويكاند لويدانك دير سبور
اجري ختى نص ساعة​

 

[بشيرز]

لازملك شوية إرادة

 

[BOUSS]

شوية إرادة و صلاة

ربي يحفظك اخي انحاولو انشاء الله مع اف شكر

 

[BOUSS]

اخطف روحك من ويكاند لويدانك دير سبور


اجري ختى نص ساعة​

صحيت فوفا مي نصف ساعة ما يكفيش الحال لازم اكثر ربي يقدرنا ان شاء الله

 

[BOUSS]

لازملك شوية إرادة

هذا هوالمشكل ادانا الوقت وحنا مازلنا اصغار مشكور اخي

 

[إيـــ م ـــآن]

كي جيت داخلة للموضوع حسباتلي كاش واحدعندو امتحانات وماقدرش يريفيزي

معليش حاول تتفاهم مع صحابك وهما يجو يزقولك وتروحو كيف كيف خير من ماتكون وحدك تعجز تروح ​

 

[SO GooD]

حتشي نورمال :angel_not:



​

 

[Rahal Oualid]

أهلاااااا بالغالي ... كيف الحال ان شاء الله تمام الصحة و العافية


أخي عليك بالصلاة و التلاوة فهي تريح البال و ترفع المعنويات ...
آلا بذكر الله تطمئن القلوب ... و كان الله في عونك أخي


في آمان الرحمان ...
​

 

[Manar19]

غير بلعقل بوص ....اخطف ساعة وللا ساعتين من وقتك وروح اونطريني.. بويسك كون نتبعو لخدمة...منقدرو نديرو والو...ولعمر يخلص ولخدمة متخلصش ...good luck bouss

 

[dahman kz]

الواحد كان ولى خدام مايصيبش ..وزيد انت متزوج المشاغل تكون عندك ياسر..
ربي يعينك خويا وتهلى فلولاد.

 

[الورد الأحمر]

لابغا اجري في الكولوار تاع الدار لا ما قدرتش تخرج
ههههه،ولا دور على الطابلة تاع الصالامونجي
ههههههههههههههه
♥ ♥ ♥
​