راني جبتلكم شي يفرح

[فيصل ويستر]

سلام عليكم
واش راكم ca va ماعليكمش
الحمد لله
كل خطرة نجيبلكم حاجة جديدة
قادرة تفرحكم كيما قادرة تزعفكم أو تحزنكم على الأقل
اليوم راح نجيبلكم حاجة تفرحكم
فيصل ويستر راه ناوي يدخل حياة جديدة
واش هي يا ويستر ؟
راني نويت نبطل التمسخير تاع لبنات و المشيا معاهم
راني درت فيها وحدة تاع الزواج
وراني ناوي إن شاء الله نخطبها :001_wub::001_wub:
وهذا بعد معانات كبيرة مع نفسي الأمارة بالسوء دائما
عمري 25 سنة وبعد أشهر قليلة نقفل الـ 25 وندخل في 26 سنة
العمر يسير و الموت يطلبنا في أي لحظة
لازم الواحد يشوف للقدام مش يبقى في بلاصة وحدة
لازم يكبر و يحس بالمسؤولية
مكاش كيما لحلال
الحلال مذاقه حلو بعكس الحرام مذاقه مر
و الله العظيم راني نادم على واش درت
وبي إن شاء الله يغفرلي و يتوب عليا
نتوما تاني لراهو واقع في الحرام غير يتوب ويستغفر ربي
قبل أشهر شفت منامة
شفت روحي هاز قرع شراب و ساخف نشرب قلت و الله نجرب
سقسيت إمام في السعودية عن هادي لمنامة قالي
هاذا تحذير لك من معصية لابدأ أن تتوب إلى الله
ربي يقدرني ومانزيدش نشوف في الحرام
النسا خلاص بطلتهم
عندي حبيبتي هي لراهي تقوم بيا
لعقوبة ليكم خاوتي وخواتاتي
​

 

[فيصل ويستر]

العمر يسير و الموت يطلبنا في أي لحظة
​

 

[im£ne]

هيه كلش مبروك ..........و الله فرحتني خو
ربي يكملك بالهنا و الدرية الصالحة

 

[عابر سبيل12]

ربي يسهل

ياك تعرضنا للعرس والا لا هههههههههههه​

 

[POLIYANA]

ان شاء الله تكملك الحكاية على خير
وربي يقبل منك توبتك بالصح ماش على البنات برك لازم على كلش
وربي يخليكم لبعضاكم :001_wub:​

 

[w@hiba2010]

الف الف الف مبروك لك اخي

 

[mir@cle]

آلفْ مًبٌَِرٌٍوٍوٍوٍوٍوٍوٍوٍوٍكَ
​

 

[الورد الأحمر]

نورمالمو اللمة كاملة تعرضها للعرس
ولاّ واش قال ؟؟؟ هيا مبروك
دافونس لعقوبة لينا
...
​

 

[فيصل ويستر]

شكرا لكم شكرا
وراكم معرضون كامل
بلاكوا ماجيوش و الله نزعف
بلاكو

 

[أم أنس الموحّدة]

مليون مبرووك ليك اخونا وان شاء الله يعفو عما سلف ويستبدل سيئاتك حسنات ويباركلك في زواجك وفي اهلك وفي ذريتك وان شاء تعم التوبة لكل الشباب والشابات المسلمات يا رب

واش معروضة انا ولالا ههههههههه نجي بصح بشرط واحد برك
​

 

[فيصل ويستر]

مليون مبرووك ليك اخونا وان شاء الله يعفو عما سلف ويستبدل سيئاتك حسنات ويباركلك في زواجك وفي اهلك وفي ذريتك وان شاء تعم التوبة لكل الشباب والشابات المسلمات يا رب​

واش معروضة انا ولالا ههههههههه نجي بصح بشرط واحد برك​

راح ندير عرس إسلامي - إن شاء الله - و أنت من تقود عضوات اللمة
واش نسيت العرس بلابيك مر
تعلمهم كيف ينشدن الأشعار
خليونا من خلاص
بصح مافهمتش الشرط

 

[BARCA232]

 

[M!ss D!or]

مبروووووووووكـــــ إنشاء الله ربي يهنيكم ويسهللكم حياتكم و يرزقكم بالذرية الصالحة
بصح قوللها ما تنسنيش في كعبة الدراجي باش حتا أنا نلحقها و نتزوج موراكم ههههههه​

 

[أم أنس الموحّدة]

راح ندير عرس إسلامي - إن شاء الله - و أنت من تقود عضوات اللمة
واش نسيت العرس بلابيك مر
تعلمهم كيف ينشدن الأشعار
خليونا من خلاص
بصح مافهمتش الشرط

ان شاء الله خو ... الله يسلمك ويحفظك وان شاء الله نقوم بيه كما يلزم ...خلاص ماكانش شرط راك سبقتني بيها كنت حابة نشرط عرس اسلامي ومافيهش المعازف ولا الاختلاط هك باه ربي يبارك فيه ويبارك في الذرية ان شاء الله

............والله مشكلة عند الشباب اللي يبداو حياة جديدة (الزواج) بالمعازف والاختلاط وووو وحابين ربي يباركلهم ويسخرلهم وهوما الاساس تاع هذ الحياة دايرينو بالحرام ....ربي يهدينا الى سواء السبيل
​

 

[فيصل ويستر]

ان شاء الله خو ... الله يسلمك ويحفظك وان شاء الله نقوم بيه كما يلزم ...خلاص ماكانش شرط راك سبقتني بيها كنت حابة نشرط عرس اسلامي ومافيهش المعازف ولا الاختلاط هك باه ربي يبارك فيه ويبارك في الذرية ان شاء الله ​

............والله مشكلة عند الشباب اللي يبداو حياة جديدة (الزواج) بالمعازف والاختلاط وووو وحابين ربي يباركلهم ويسخرلهم وهوما الاساس تاع هذ الحياة دايرينو بالحرام ....ربي يهدينا الى سواء السبيل ​

ماتخافيش راني نفهمها وهيا طايرا
زواج إسلامي ولا لالا
ونقلك حاجة راح تفرحك
الأخت من الجامعة الإسلامية درست شريعة
مليح هكا عجباتك المفاجأة

 

[أم أنس الموحّدة]

ماتخافيش راني نفهمها وهيا طايرا
زواج إسلامي ولا لالا
ونقلك حاجة راح تفرحك
الأخت من الجامعة الإسلامية درست شريعة
مليح هكا عجباتك المفاجأة

ماشاء تبارك الرحمن...الله يكتبهالك ويتمم لك في الخير وييسرلك الامور كلها ويعجلك بيها
آمين يا رب ...ايا مليح راك في المستوى واصل :biggrin::biggrin:
​

 

[mir@cle]

زواج إسلامي

خٌِيَرٌٍ مًآ آخٌِتُِِّْرٌٍتُِِّْ بٌَِآرٌٍكَ آللهٍَ فْيَكَ

​

 

[امورة المنتدى]

ما تعرضناش ولا واااااااااااااااااااااااااااااااااااش ؟؟؟؟؟؟

 

[صفية الروح]

مبروووووووووووووك يا اخي ربي يسعدك ويهنيك ان شاء الله
سعداء لسعادتك ربي يتمم بخير
لكن سامحني لدي سؤال هل هذه الفتاة هي امينة التي حدثتنا عنها ؟؟؟؟؟؟
بالتوفيق لك ان شاء الله

 

[nermina]

كلشي مبروك و لعقوبة لما كثر و ربي يزين سعدكم و يبعد عليكم كل شر

تحياتي​