واش من مشكله على الراجل مسكين

[belgacem39]

السلام عليكم كامل

حبيت نطرح عليكم هاد القضيه و ناقشوها معايا يا خاوتي و خواتاتي

المهم

عدنا واحد جارنا عندو طونوبيل

و كي يخرج معا دارهم مرتو تحب تقعد القدام بصيفتها الزوجه ديالو و هيا تاني مولات الطونوبيل

و امو كيف كيف بصيفتها امو تحب تقعد القدام

واش يدير باه يرضيهم في زوج

مسكين كره الخرجى معاهم على جال هاد السبه

مزاتهمش لمشاحنه في الدار يزيدو حتى على الطونوبيل

ارجو التفاعل

تحياتيييييييييييييييي​

 

[** غزال الصحراء **]

ساهلة يدير زوج كراسة لقدام و خلاص هههه , راني رايح نقرى ضرك

لي عودة في الموضوع .

 

[belgacem39]

ساهلة يدير زوج كراسة لقدام و خلاص هههه , راني رايح نقرى ضرك

لي عودة في الموضوع .

ههههههههه

ايه راه رايح يشري hilux

باه يقدر يرفدهم لزوج بصح مش راح يقبلو

تحياتيييييييييييييييييييي​

 

[belgacem39]

وين راكم باه تساعدونا على الحل

في انتضار تفاعلكم

تحياتيييييييييييييييييييييييييييي​

 

[nermina]

ههههههههههههههههههههه يخليها هي تسوق و تركب يماه قدامها و يقعد هو من اللور​

 

[belgacem39]

ههههههههههههههههههههه يخليها هي تسوق و تركب يماه قدامها و يقعد هو من اللور​

هههههههههههههههههه

والله فكره

 

[emy39]

حتى لو تكون طونوبيل بزوج بلايس لقدام يتعاركو شكون تقعد بحذاه هههههههههه معليش ربي يكون في العون​

 

[فريد43]

والله يا خويا انا نقولك الصح بدون مجاملة انا واحد من الناس نفضل امي ماتنساش راك 9 اشهر وانت في كرشها وزيد بالزيادة كون ما هي ما راك كبير ما تزوج ما تعرف هاذ المراة هاذي. بصح الوقت الي رانا فيها الا من رحم ربي على خاطر الرجال يتقودو من وذنيهم ولكان تعرف حكايت جحا قالولو النساء اكثر ولا الرجال اكثر قال لهم النساء اكثر تعرف علاش لان الرجال تخنثوا حاشا الي مايستاهلش
تقبل مروري اخي وتقبل ردي
​

 

[احلام 16]

ههههههههههههههههههه
و الله ياخويا مشكلة كبيرة بصح نورمالمو مرتو تفهم هادي يماه و مرا كبيرة لازم تقعد مالقدام و متعاندهاش و تحتارمها على خاطر هي كبيرة عليها و كي يكونو وحدهم تركب هي ملقدام.

ان شاء الله يعجبك الحل.و انا هاذا هو رايي.:biggrin:

 

[ديالى]

انا في رايي الحل انو زوجتوا لازم تتنازل
لان الام هي الاولى ويحاول هو ايفهمها هالشيء
باسلوب يخليها هيا تولي تطلب من امو تجلس في الامام
لانو هو وزوجتو راح تكون عقليتهم مثل بعض
بخلاف الاهل لانو لو كانو اهلها راح يعمل نفس الشيء معاهم ​

 

[Voyage dans un rêve]

يقعدهم بين زوج لور و خلاص....

 

[fufa22]

ما نحرجهمش خلاص
تهنى الفرطاس من حكان الراس
هههه
​

 

[samra106]

حاجة ساهلة في الخرجة تقعد مرتو وفي الرجعة تقعد امه بالدالة يعني ويتفاهم معاهم هكا قبل ما يخرجو

 

[fahima m]

هي نورمالمو الزوجة تتفهم وتقول بلي دي اموا وعجوزة وغايرة على وليدها
بصح كي ماعطاش الزوجة لعقل مسكين وش نقلو ربي يعاونو برك
ولا نقلك قلو يقلهم في زوج يركبو من اللور وحدة ماتركب من القدام ويفرق الحس
هههههههههههههه
​

 

[belgacem39]

 

[kaissoum_elsaker]

يبيع الطوموبيل ويعودوا يخرجوا يتمشاو تكون أفضل

 

[belgacem39]

يبيع الطوموبيل ويعودوا يخرجوا يتمشاو تكون أفضل

هادا حل تاع الصح مي كي يروحو بعيد و يماه ولات كبيره مسكينه متقدرش تمشي واش يدير؟؟؟؟؟؟؟

تحياتييييييييييييي​

 

[zagane]

السلام عليكم

لازم يطلعهم في زوج في الوراء و يمشي مارش-أريارMarche arrière يصبح هو في الوراء و هما في الأمام الأثنين الأم و الزوجة.

 

[belgacem39]

السلام عليكم

لازم يطلعهم في زوج في الوراء و يمشي مارش-أريارmarche arrière يصبح هو في الوراء و هما في الأمام الأثنين الأم و الزوجة.

ههههههههههههههه

و الله وجهت نضر فووووور خلاص

تحياتيييييييييييييي​

 

[Moha le sage]

يخرج يماه مرة ... و يخرج مرتو مرة اخرى

ماشي شرط يديهم في زوج في وقت واحد ..............


راك صحيت