السلام عليكم اخواني واخواتي في اللمه
ان شاء الله عديتو نهار مليح ما فيهوش مشاكل
انا حبيت نطرح هذا الموضوع على الشباب واتمنى من البنات يشاركو زادة , انا دايما نسمع في لاتيلي ولا نقرا في الجورنال وسمعت قداه مرة يقولو لي الراجل دايما تعجبو المراة الذكية لي شخصيتها قوية ما تعول على حتى واحد في حياتها قيادية بطبعها ما تحتاجش راجل معاها باش تقدر تكمل حياتها هكا ينجذب ليها على خطراكش ما تحتاجوش بصح باش يعول يزوج بيها ما يقدرش خاطر قوية وما يقدرش يتحكم فيها يفضل وحدة تكون تحت يدو هو لي يسيرها وتولي دايما تابعة ليه ما تقدرش تكمل حياتها بلا بيه.ان شاء الله عديتو نهار مليح ما فيهوش مشاكل
حبيت نعرف لكان هاد الشي صح وكل الشباب يفكرو هكا ولا لا؟ واي نوع يفضل الذكية القوية المعولة على روحها ولا لي تحت يديه ويقدر يتحكم فيها؟
نتمنى تجاوبوني بكل صراحة:biggrin:
