يا اخوتي كونو صريحين

[جزائرية2009]

السلام عليكم

راني حابة نفرغ قلبي و نحكيلكم على مشكل حصلي وانتو عليكم تحكمو بالحق

انا متزوجة وساكنة مع ناسي بصح عندي اسقلالية عليهم في كلش معاد المدخل الواحد
المهم عندي مرت لوسي تحب درلي المشاكل تدي كلام وتجيب بالكدب هاد المرة زودتها
واسفزتني:angry: بالفاظ قبيحة بزاف و حبت تظربني انا سبقتها وعطيتها كف
ضرك قولولي انا غلطت ولا هي وصلت روحها ارجو التفاعل

 

[nawal1980]

ربي يجيب الخير خيتو والله هدا المشاكل عشتهم مع مرة لوسي حتا وليت نغسل حوايجي في البيت باش ما نشوفهاش ودرك الحمد لله ربي فرج وكل وحدة وحدها لكن ساكنة فوقي وكل يوم ترمي الما عليا و تنفض حوايجها كي تشوفني حليت الطاقة بصح نوكل عليها ربي لانها كبيرة عليا وما نحبش نخسر رجلي امالا نسكت وما نحكيلو والو باش ما يزعفش امالا انتي حاولي تصلح الامر يذاحكي لرجلك الحكاية وقوليلو نطلب السماح منها هكدا رجلك يقدرلك هد الجاست ومن بعد كل واحدة تعرف قدرها يعني افيتيها خير كي تكون هي ما تكونيش انتي واقتليها بالبارد يعني قيمي روحك قزبي لعجوزتك وشيخك ولا كاين لواسك اخرين عامليهم خير حتى يجي نهالر لوستك تعرف قيمتك وهي الي تطلب السماح

 

[nada242008]

تعرفي يا اختي الناس اللي من هذا المستوى من الافضل ماترديش عليهم
خطراه كون تعانديها رايحة تولي كيفها
الفاظها القبيحة المستفزة كون تعانديها تولي كيفها
مالا انا نقلك كون ماضربتيهاش .باش ما يلصقش فيك المشكل
احقريها ديري روحك كلي ماسمعتيهاش
احسبيها حيط وفرات ومتقيمهاش خلاص
ضرك تكره وتخطيك
انا مافهمتش كلمة لوستي بصح من الحكاية باينة بلي زوجة خو راجلك
للاسف وصلت للضرب يعني هذا مابقى
صمطيها وما تعانديهاش

 

[جزائرية2009]

يعطيكم الصحة
الي راني نحكي عليها رابحة العيب لكل واحد و انا مكاش الي يجبد عليا حاجة حاكمة داري هي جات ليا انا راجلي عطاني الحق والبارح وحدو عاداني ومحبش يهدر معايا ماصبت كيفاش ندير

 

[nada242008]

يعطيكم الصحة
الي راني نحكي عليها رابحة العيب لكل واحد و انا مكاش الي يجبد عليا حاجة حاكمة داري هي جات ليا انا راجلي عطاني الحق والبارح وحدو عاداني ومحبش يهدر معايا ماصبت كيفاش ندير

يا اختي ماتوصليهاش للضرب
الواحدة كون يضربها راجلها بكف تقلب الدنيا
وينك يا مرة سلفك
يعني غلطتي كي ضربتيها.
روحي اطلبي السماح من راجلك وماتزيديش تكسريلو راسو بحكايات النسا خطراه تبانلو هي المظلومة
راكي تولي في مشاكل كي تحكيلو عليها
مالا خرجيها من حياتك وانسايها

 

[جزائرية2009]

صحيتي اختي ندى راني حابة الصراحة
صح غلطت كي ضربتها بصح هي وصلتني دات الهدره للوستي بالكدب عليا وقالتلي هدرة عليهابالكدب و سكتنا في زوج. يلي سقسينا بعضنا البعض وعرفناها تشيطن مقراتهاش في راسها ولات تعاير وتسب وصلت تقلي مكيش مربية ويديها في وجهي انا هنا ضربتها

 

[nada242008]

صحيتي اختي ندى راني حابة الصراحة
صح غلطت كي ضربتها بصح هي وصلتني دات الهدره للوستي بالكدب عليا وقالتلي هدرة عليهابالكدب و سكتنا في زوج. يلي سقسينا بعضنا البعض وعرفناها تشيطن مقراتهاش في راسها ولات تعاير وتسب وسلت تقلي مكيش مربية ويديها في وجهي انا هنا ضربتها

صح يعني كي يحصلو فيك حوايج مدرتيهمش يغيضك الحال
بصح كي تجيك من واحدة كيما هذي .يعني متوقعة منها الشر
كون راكي ضحكتي عليها وهي اللي تبخصت بيناتكم
يعني هي اللي تحشم من الموقف
بعدي عليها على قد ماتقدري وماتعمريش راسك بيها
والسكوت عن الاحمق جوابه

كل تصرالنا مشاكل في حياتنا بصح كون نبقاو نتبعو فيهم تروح حياتنا في الباطل
مالا عيشي حياتك ومن اليوم ما ترديلها هدرة وديري روحك ماشفتيها ما تعرفيها

 

[AMOUNA+MIMA]

حقيقتا انا صغيرة مارانيش متزوجة​

راني خايفة كي نكبر ونتزوج نخلطها​

جو سوي تري نارفوز ومانحبش ليرميلي الكلام
ولتخلط فيا راني نضربها نمسكريها
واش نقلك ختيتو ربي يصبرك على هذي الموصيبة
والكبير يبقى كبير​

 

[جزائرية2009]

يعطيكم الصحة خياتي راكم ريحتوني بزاف
الله يعطيكم واش تتمناو امين

 

[AnGeL*dZ]

انتي نورمالمون تكوني خير عليها
هي فايحة واستغلت نقطة ضعفك
لازم انتيا توكلي عليها ربي
وخليها واش تدير تدير
وكوني عاقلة وقتليها بالملاحة
ربي يكون في العون
​

 

[وردة الامل]

ربي يهديها ويبعد عليك بنات الحرام​

 

[جزائرية2009]

والله غير نحيتولي على خاطري
الله يبارك فيكم كامل
نوال 1980
ندى242008
امونة ميمة
كوثر
وردة الامل

 

[أماني2]

السلام عليكم

راني حابة نفرغ قلبي و نحكيلكم على مشكل حصلي وانتو عليكم تحكمو بالحق

انا متزوجة وساكنة مع ناسي بصح عندي اسقلالية عليهم في كلش معاد المدخل الواحد
المهم عندي مرت لوسي تحب درلي المشاكل تدي كلام وتجيب بالكدب هاد المرة زودتها
واسفزتني:angry: بالفاظ قبيحة بزاف و حبت تظربني انا سبقتها وعطيتها كف
ضرك قولولي انا غلطت ولا هي وصلت روحها ارجو التفاعل

ربي يكون معاك ان شاء الله
مي انا نقولك
ماتتسرعيش وخدمي عقلك وعرفي كيفاش تتعاملي معاها
باش تجبديها ليك وماتوصلش لهاذيك الدرجة
تبدى هيا تحترمك وتديرلك الف قيمة كي تشوفك
وماشي مليح المدابزة قادرة توصلك للشي اللي ماشي مليح
وربي يستر ويجيب الخير ان شاء الله
ربي يهنيك

تحياتي
​

 

[جزائرية2009]

شكرا على الرد اختياماني2
شوفي اختي دايما نربحلها الملاحة بصح هاد المرة بلغ السيل الزبى
حسبت كي نسكت ونخليها خفت منها ولا هي عندها الحق هكا باش تعرف روحها وماراهيش من الغاشي الي تكسبيهم هي مالي مدبيك تبعدي عليهم

 

[* أميرة الأحلام *]

اختي هي غلطت انها قالت كلام ماش مليح وانها تكذب وكدليك انت غلطتي كي ضربتيها بكف لان في وقتنا هذا طفل صغير كي تضربه امه ولاباباه مايرضاش ويزعف يا عزاك كي تعود مرأة كبيرة
انت حاولي انك تروحليها وتطلبي السماح ومن بعد تجنبيها كي عدتي عارفة عمايلها وربي يهديها
ماتقلقيش روحك اختي وانشاء الله خير ​

 

[nawal1980]

ربي يفرج عليك خيتو وينصرك حنونة

 

[جزائرية2009]

اختي هي غلطت انها قالت كلام ماش مليح وانها تكذب وكدليك انت غلطتي كي ضربتيها بكف لان في وقتنا هذا طفل صغير كي تضربه امه ولاباباه مايرضاش ويزعف يا عزاك كي تعود مرأة كبيرة

انت حاولي انك تروحليها وتطلبي السماح ومن بعد تجنبيها كي عدتي عارفة عمايلها وربي يهديها

ماتقلقيش روحك اختي وانشاء الله خير
شكرا ليك على الرد اختينبع الاحساس
وعلاش حبيتي نروح نسامحها
باش تزيد تركب فوق راسي انا درت غلطة و دربتها وهي دارت شعال من غلطه ومااعترفتش حتى تطلب السماح .منقدرش نروح ليها منكدبش عليك
​

 

[nermina]

ماديريش عليها ربي معاك و كي ضربتيها ما غلطتيش ماشي على خاطر تستاهل مي احيانا تحدث منا هفوات و صعب نتحكم في أعمالنا
ربي سبحانو يكون معاك
تحياتي​

 

[جزائرية2009]

اختي نبع الاحساس شكرا على الرسالة الخاصة راكي مسامحة على التدخل
مانوعدكش ندير واش قلتي بصح نخمم
ونكررلك شكريييييييييييييييييييييييييييييييييييييييييييييييييييييييييييييييييييييييييييييييي

 

[faroudjase]

أختي العزيزة ربي يكون في عونك .كوثر عندها الحق هي تستفزك ونجحت في ذلك وأنت لم تتحكمي في نفسك لأن كلامها لا يحتمل صعب جدا تقولي للواحد أنت مش متربي.خذي براي نوال أطلبي السماح منها ومرة أخرى دري كما يقول المثل"الكلب ينبح والقافلة تمر"ربي معاك من أعماقي قلبي.