يا اخوتي كونو صريحين

[joujou1986]

مليحلها هي وصلت روحها ولوكان تزيد تسكتيلها تقول خايفة مني ودزيد ودزيد

 

[عفاف الجزائرية]

شوفي اختي العزيزة انا نوصيك انت بعدي عن الشر وغنيلو يعني حتى ولوكان وصلاتك هي بالقباحة نتي ما توصليهاش مرة اخرى تندم هي وما تندميش نتي وديري في بالك اختي بلي كل شي راه يفوت تبقى غير الكلام اللي يجرح والمراة اللي ما تهزش المشاكل ماهيش رايحة تكون مراة ناجحة يعني فوتي وماكيش رايحة تندمي كي تفوتي
غدوا تولي نتي المليحة وكي تتفرق الاحوال يوليو يحكو عليك غير بالخير والله اعلم
​

 

[chouchita]

* لا اختي ماراكيش غالطة خلاص لانو هي اللي وصلت روحها و لا لا
* ربي يعطيك الصبر و يكون معاك ان شاء الله **
​

 

[عمو أحمد]

يا بنتي المشاكل هادو يصاروا بزاف

خاصة بين نساء الرجالة

المرأة اللي تشوف بلي مرت السلف او اللوس كيما يقولوا الشاوية او زوجة أخ الزوج

تكون مليحة مع العايلة تحاول تخلقلها مشاكل باش تكرهم فيها

حتى و لو كانت ماشي مليحة معاهم راح دير الأخرى كيما هاك

و زيد كاينين حتى اللي يهزوا منا و يحطوا منا

يعني يشعلوا في النار على الجيهتين

و بلا ما نحكي على مصلحتها من هاد الشيء

لأنو الكل يعرف

لا علينا

انت يا بنتي علبالك واش راها تحوس

امالا ما تعطيهاش الفرصة ابدا انها توصل وين راهي باغية

مادام راكي قاسمة و كل واحد في دارو يعني قادرة تتفادايها

معليش درك صرات الغلطة الأولى سواء انت الغالطة او هي

انسايها و خمي في الجاي

ديري في بالك : الراجل راه يكره المرى من هادوا المشاكل خاصة اللي يقسوا دارهم

حتى لو ان المرى نتاعو هي المظلومة

يعني يا بنتي ما دام راكي قاسمة يعني كاينة حساسية بينك و بين ناسك

و هي حبت تكب الزيت على النار

امالا نقولك : داري و وليداتي و رجالي

من وراء هادا الله من تخلى عليهم

ما نسمع اللي يجي و ييقولي فلانة قالت عليك ولا فلانة قالت هكدا

حتى انتي ما لازمش تحكي للناس راهي دارتلي و لا راهي قالت لي

نقصد بالناس هادوا الناس اللي عايشين معاك

راجلك : تخيلي منين تقعدي معاه و انت : ها درتلي ... ها قالتلي ...ها ما نعرف وشيه

راح يكره الدار و يظل هارب

و صدقيني راح تعطيه فرصة للخيانة الزوجية و العياذ بالله

خاصة اذا كانت امرأة قريبة منو في عمل او ما شابه

رايح يلقى معها الراحة و يشوف فيها مكان من غير مشاكل او شكاوي

عجوزتك : ياه على ذيك المرى تضال تشكي

و المعروف على النساء انهم يحكوا غالبا لأمهاتهم لأنهم الأقرب ليهم

انا نقلك حتى امك ما تحيرهاش عليك

صدقيني راح تشغليلها بالها

و ديما راه تقول : ها بنتي ماراهيش هانية

ها مانعرف واش راهي دير دركا

يا بنتي خبي في قلبك و اتبسمي يا لو كان فوق القلب

و اذا ذاق خاطرك

اقعدي وحدك و احكي مع روحك ولا واحد من أولادك اللي مزال ماهوش عارف صلاحه

والله راح تريحي

يا بنتي ما دام عندك النات

يا سيدي ندخل لمنتدى و ندير عضوية

و نحكي فيه حتى نكره

و الله راح تريحي نتع الصح

اما فيما يخص الخطأ :

يا بنتي انت راكي تقولي : كانت حابة تضربني

لكنها ما ضربتكش

و رغماتك انك انت اللي ترتكبي الخطأ

يعني كانت ذكية عليك

و درك واش يقولوا : يقولوا فلانة ضربت فلانة

ماشي : فلانة كانت حابة تضرب فلانة بصح الأخرى ضربتها

معليش هادي غلطة و فاتت

ان شاء ربي يزرع المحبة بينكم

والله قادر ربي تولي صحبتك المقربة

ما تعرفي ربي وين شايفلك الخير

ربي يكون معاك يا بنتي

اتهلاي في دارك و راجلك و اولادك

ما تخليهمش يضيعوا منك بسبة خلاف كيما هادا

​

 

[بنت الزيبان]

بصراحة غالطة مية في المية كون مقيمتهاش هدا هو دواها واحسن رد بالنسبة ليا هو عدم التقيام يقتل الي قدامك ومعليهش هدي توصي للجاية

 

[b.bouchra]

ختي حابة انقلك كوني انتي واعية عليها
بينيلها بلي هاد التصرفات تاع الجهال
اقتليها بالدرافة او حسن المعاملة اولا
وجعك راسك منها اقفلي بابك ماشي لازم تسمعي
لهدرتها الفارغة .هدا احسن حل بالنسبة ليا

 

[4taher]

بنسبة لي انا انت غلطتي لزام على المسلم ان يمتلك نفسها عند الغضب بصح روحي قوليها سمحيني كوني انسان سموحة وشوفي كيفش تربحي كل ناس و ربي معك انشاء لله

 

[Oxygene2]

هذيك هيا ختي أعطيها باه ما تزيدش تعاود
مع انو انا نفضل الدماغ بصح معليش

 

[yaki]

nn nn khti thabi sah nti rlati koun matsera3tiche drabtiha baf koun halitiha tahdar ou rohtu ou khalitiha koun ga3 ma3amertiche rassek biha koun ktaltiha ghir belbared elmohim bhar 3liha a
testhal psq hiya li waslat rouha lhad chi mais normal bhar 3liha ok khti

 

[RIDHA REAL]

كبري قلبك ختي
راه ربي يفرج
لاخاطر الي خلق ما يضيع
​

 

[dana1993]

هههه مليحا هاذي ههه و الله كيما تقولي ماما كني مظلومة و تكونيش ضالمي اتضربي ومتضربيش لوكان خليتيها وممبعد راكي تفريها ياهيا يا نتيا ههه

 

[rــآآآج ــــ الاميـرهـ ــo]

متاركة السفيه بلا جواب اشد على السفيه من الجواب
والسكوت عن الاحمق جوابه
يا اختي اسكتي عليها تربحي راحتك

 

[sam11]

شوفي اختي ما عليك غير تتحملي الامور هادي تصرا بزاف

كي يكونو لوسات ساكنين مع بعض انتي ما تخسريش زوجك وتكتري مشاكل

عليك ما ترديش عليها اربحي روحك وزوجك واهلو وراحة بالك كيما يقولو

دلاع وماء بارد درك تخطيك ويجي يوم وتعرف قيمتك وقيمتها