غدا يمر عام على تسجيل tarkan ... او Moha le sage

[Moha le sage]

يصادف يوم غدا .. 16 مارس ..ذكرا مرور عام على تسجيلي بهاذ المنتدى .. الذي اكيد ترك في نفسي اثر عميق كوني تعرفت فيه على اعضاء كثير .. و تعلمت من كل عضو حاجة .. وعطاني كل واحد تجربة ..

في عام كونت شخصية افتراضية لم اكن انا اعرفها اللي هي tarkan .. هاذ العبد ..عفوا العضو اللي كل مرة كان يحاول يقارب بين الواقع و الافتراضية .. لكن للاسف ما نجحش في مرات كثار ..لان ببساطة الفرق شاسع .. وشاسع كثير .. كشساعة الفرق بين الميكرو فيزياء و الماكروفيزياء ...

الحمد لله على هاذ الساعة .. ما ندعيش بلي تجاربي مع الاعضاء كانو ملاح ..لكن قدرت نكسب حب البعض واحترام البعض .. والشيء الاهم اني تجنبت كره البعض ..

بهته المناسبة التي لا اعرف ان كانت حزينة ام سعيدة .. بقدر ما نعرف انها تشكل عمر زمني قضيتو هنا لن انساه .. بهته المناسبة حبيت نحيي جميع احبابي و اصحابي و اخواني ..

دمتم بود ................................

محمد

​

.
​

 

[مفآهيمـ الخجل]

مبرووووك عليك خو

و ان شاء الله العقوبة لـلعام الجاي و اللي بعدو

و كيما قلت اعضاء بزاف نلت احترامهم و انا وحدة منهم
​

 

[nada242008]

الف مبروووووووووك وعيد ميلاد سعيد للعضوية في اللمة ونتمنالها مزيدا من التالق والنجاحات
وعقبال ما ترشى في اللمة هههههههه
ربي يوفقك ان شاء الله

 

[هــــيلدا]

ألف مبروووووووووك
عيد ميلاد سعيد لعضويتك بمناسبة مرور عام عليها
تكبار نشالله في عزك وعزنا:001_wub:
مناسبة سعيدة موح والله مكانش مثل الواحد يصادف ناس هايللين في عالم افتراضي
واللمة ولات دارنا والله نتوحشها أكثر من مانتوحش نروح وهدا من لعباد للي نلقاهم فيها
عندك عام وانا معرفتي بيك اقل من عام والله تحسرت علا ليامات للي فاتو ومعرفتكش فيهم
نتا انسان هايل في كلش
ربي يحفظك ويخليك
ونشالله ديما معانا وربي يهنيك ويهنينا
ومبرووووووووووووووووووووووووووووووووك ثانيا

عضويتك راهي كتكوتة:angel_not:هدا وين بدات تكبار تدير لقباحة تضربها عضويتي راهي اكثر منها بعامين:biggrin::biggrin::biggrin::001_wub:
​

 

[ايمان 02]

اكيد مناسبة سعيدة والانسان لازم يكتشف في هاذ الدنيا ويتقبل كل شي كان حلو او مر
مبروووك عليك خويا محمد ولعقوبة للاعوام اخرى ان شاء الله

 

[حسان]

و الله يا اخي اللمة كلها متشرفة بك فعندما سجلت تنفست اللمة و عندما أستمريت استمرت اللمة ليس كقبل إنظمامك بل اكثر حيويوية و نشاط

فاللمة كونت شخصيتها منك أقولها شخصيتك مثالية الغنسان الجزائري حقيقي

و كلما نشاهد صورتك نحس بإني تعرفت عليك يوم من الأيام

فقد كان لي صديق في صغر يشبهك تمام في صورتك و شخصيتك و كان افضل مني حيوية و نشاط لهذا كنت أغار منه
تاخذن الغيرة من شخصيته محبوبة و الذكاء الخارق و لسان فصيح و طريف و احترام من الجميع و حتى نختلف معه و تبدأ الدبزة حقيقة معه

و للأسف حتى في الدبزة نشيط جدا فقد كان يغلبني في بعض الاحيان فهو سريع جدا

اما الآن فلا اعرف أين هو توحشته كثير جدا جدا فقد ترك لنا فراغ كبير برغم من وجوده في مكان ما هنا في بلدتنا و هذا فراغ كبير ملئها تركان في اللمة
فكل ما أقرا مواضيعه و حتى غضبه و نشاهد صورته نتذكر ذالك صديق مثالي نشيط ذكي محبوب

صدقني اخي محمد انا أقول حقيقية

تقبل تحياتي ​

 

[Voyage dans un rêve]

مبروك عليك عام في اللمة لعقوبة لمية سنة مع احبابك:thumbup1: ..المهم هي تجربة و التجارب نستخلصو منها المليح و الدوني نورمالمون. الفرق شاسع صح و الله ما غلطت في هادي
ماراكش بعيد عليا بزاف في التسجيل قبلي غير بشهر و انا كي سجلت في اللمة نهار اللول عمبالي نتا هو المشرف و لا كاش حاجة هههه ...
ياك عرفتني؟؟؟؟
سلام

 

[السلطانة]

يووووووووووووووووووووووووووووو يووووووووووووووووووووووووووووووووووووو
عام سعيد
يووووووووووووووويووووووووووووووووووووووووووووووووووووووووووووووووووووو
تحية عطرة اما بعد:
اخي موحا كل عام وانت بخير
وانت قدرك عالي وراح تبقى ديما عالي
الحمد لله كيما قلت راك اكتسبت احترام البعض وحبهم

 

[*ليديا*]

السلام عليكم ورحمة الله وبركاته
آموح من كبار الشخصيات في اللمة كل عام وانت بخير خويا
الله يبارك شفنا منك غير الخير ربي يحفظك
والله ليا الشرف نعرف ناس من أمثالك واكيد هذي مناسبة سعيدة وعيد لماوي وان شاء الله ديما مع احبابك واصحابك والكبير ديما كبير وانت مكانتك معروفة:thumbup:

 

[حفيد هواري بومدين]

:biggrin:
سنة حلوة يا موح

كون ماكونتيش انت سمانة لي فاتت شكون استقبلني في سطيف؟؟؟
:biggrin:


والله متشرفين بمعرفتك ربي يدومها
سي موح :001_wub:
​

 

[مروة MARWA]

الف مبرووووووووووووووك
ولعقوبة للذرية الصالحة في اللمة ههههههههههههه

دمت للمة
​

 

[sleepingbeauty]

الف مبروك خويا العزيز محمد انا عرفتك بالاسم تاع تاركان و انا من الناس اللي يعزوك بزاف و يحتارموك لعقوبة للعام الجاي ان شاء الله و ربي يحفظك ان شاء الله ​

 

[anissa 13]

مبروووووك موحا والله انت أكثر واحد نحبوا فهاد المنتدى نشاءالله تبقى معانا كامل لعوام الماجيين و الله اللمة سامطة بلا بيك

 

[إحســاس بــراءة]

مبروك عليك خويا محمد و لعقوبة ان شاء الله للاعوم الجاية

 

[**@sami@**]

مبروك أخي محمد، راك تشوف !!!!!!!! عام فات كشغل شهر.

 

[habib2]

منذ وصولك الى المنتدى وسجلت فيه
بدأ المنتدى بتحسن واضع وأكثر عندما كان منتدى العام ملوث ب المواضيع المكررة والمنقولة
أصبح هذا القسم أجمل وأحسن قسم في المنتدى
أخي الكريم نتمنى أن تكون سعيد معنا في المنتدى
نتمنى لك أوقات سعيدة
مع أجمل تحية منـــــــــــــــــــــــــي

 

[فؤاد الورقلي]

السلام عليكم
ماعنديش بزاف من نهار لعرفت انك غيرت اسمك يا موح
وشحال من واحد قالي وينوا تركان قلت له بلاك اعتزل او تزوج ههه
مي هو غير اسمه مليح
عقوبا لمئة عام ان شاء الله
جزاك الله خيرا

السلام عليكم​

 

[نور الصباح الجزائرية]

الف مبروك لعقوبة لي ان شاء الله

 

[hicham500]

الف مبروك اخي محمد
عقبال 100 عام باللمة الجزائرية حتى العضوية تاعك يتوارثوها احفادك
خخخخخخخ​

 

[كاترين]

الف الف مبرووووووك و انا اكثر من عامين هههههههههههههه