طلبات الصداقة

[السلطانة]

ممكن ننطلب منك الصداقة ونشوف السوأل من عندك
وهكذا نشوف الرد انتاعك با الفعل
ههههههههههههههههههههههههه
يعني موضوعك نقلب ضدك
وشكرا


:cursing:ياو مافهمتيش مابين السطور:confused1::confused1:

 

[imen sana]

بالطبع طلب الصداقة ما عندو حتى معنى في المنتديات أجوتي و خلاص //

شافي خطرة هنا في اللمة كي كانت نافحتلي ناجوتي الناس قاعد الخاوة لمكونيكتيا قاع أجوتيتهم

بعثتلي وحدة ميساج قاتلي ( سمحلي خويا مي ما نقدرش نقبل طلب من عند طفل ) !

راصي حبس قتلها أنا أصلا ماشفتكش كي جيت ناجوتيك

و قتلها ديجا علاش ما رفضتيش الطلب و طفيتي الضوء

حتى الميساج كي تبعثيه لطفل ماشي مليحة ... هاذي قاع باش نقول بلي طلب الصداقة راهو 000.

السلام عليكم
حبيت نقتبس الرد تاعك بالذات على خاطر يهمني وأنا من الناس اللي ترفض طلب الصداقة من الطرف الآخر بارسكو ماعندو حتى معنى كيما قلتي .
راح أناقشك ونفس الوقت نرد على أختي العزيزة عائشة //أنا فكرة الصداقة بين المرأة والرجل رافضتها تماما وغير مقتنعة بيها حتى إذا كانت شكلية كيما راهو الحال في المنتديات.

راسي حبس// وعلاه راسك يحبس يا خويا سلامة راسك هي حرة واش تديروإذا كنت إنتا نيّتك سليمة كي تبعث طلب الصداقة (وكاين ناس ياسر كيفك) كاين اللي يحب حوايج أخرى من وراها وفهمك كفاية . إي مّالا نقص الحكاية من الأول.

أنا أيضا نبعث رسالة خاصة نعتذر فيها ونديرهكا على خاطر نحترم ونقدر الشخص اللي بعثلي طلب الصداقة.

تبعث ميساج لطفل ماشي مليحة // إمالا التسجيل في المنتدى اللي فيه الذكورة ماشي مليح والرد عليهم ماشي مليح و.........
خويا رانا هنا باش نتواصلو ونتناقشو ونحسنو من مستوانا ونفيدوا بعضانا من خلال طرح المواضيع والردود .

خويا أرجو إنك تتقبل وجهة نظري وأشكرك أختي عائشة على طرحك للموضوع.
تقبلي مروري.


​

 

[يسرى]

السلام عليكم
شكرا على الموضوع ادا جاني طلب صداقة اول نوافق ولكن في بالي ميكونش دراكت صديق تكون فترة تعارف برك ادا شفت انو يستاهل يكون صديق من خلال تعامله فانا نديرو في بالي صديقي ومشي سهلة كلمة صديق يعني معي في الفرح والقرح يعوني ادا حتاجت ونفس الشيئ ليه هو تاني فلازم تكون بينا تقة متبادلة وادا حسيت انو مشي قد هاد المسئولة منجرحوش ونرفد صداقة يبقا صديق ولكن من بعيد من مدلوش كلش ومنحكلوش كلش
شكرا اختي ولله موضوع مميز بارك لله فيكي

 

[tun_c4d]

انا عندي قصة طريفة لو كان تسمحولي نحكيها...
قبل 3 سنين كي كان السكايب فيه des salons كنت ديما ندخل نحط نسمع صالون من غير ما نشارك و نبقى نخدم في البروجي متاعي ( كنت نقرا architecture) . و في مرة مالمرات لقيت صالون عاملينها مصاروة تسب في تونس و الجزائر بالتحديد على خلفية فوز النجم الساحلي على الاهلي المصري 3-1 في القاهرة ( و مانيش عارف علاه جبدو الجزاير في الحكاية مع انو الفريق المعني تونسي) . ما نكذبش عليكم دخلت باش نسمعهم وسخ اوذانهم. لكن كي دخلت لقيت صاحبي هذايا اللي من دزاير بيراتا الصالون و قاعد يطلع و يهبط كيما يحب.
كي شاف البروفيل متاعي قالي "اطلع يا تونسي نديرو فيهم الباطل" . المهم كي طلعت لقيت روحي نحكي معاه على امور اخرى خلاص "( اول مرة نحكي مع واحد من دزاير ) "
حتان قلقو الكل و خرجو. المهم اجوتيتو و من وقتها عديت قرابة العامين و حنا كل ليلة بمعدل 3 او 4 سوايع مع بعضنا على سكايب و من بعد جاء لتونس و تلاقينا و الى الان هو من اعز اصحابي .
كي نجو نشوفو توافق العقلية هو الاساس و الانترنات ما هي الا عنصر وسع دائرة الاختيار .
اللى يسكن في دشرة عندو عدد اقل من المدينة و اللى من المدينة يتلاقى مع عدد اقل من اللي في العاصمة و الانترنات عبرت الحدود لا اكثر و لا اقل . ما هي الا اداة .
الاساس هو التوافق و تكامل العقليات . انا صاحبي هذا نتفاهم مهاه اكثر من ياسر ناس في تونس و هو اكيد كيف كيف .
طبعا هنا نحكي على صحبة 2 من نفس الجنس لان لو دخلت فيها طفلة ممكن تدخل الامور في متاهات اخرى .
لهذا فالانترنات كيما الموس لي ذو حدين اذا كانت امخاخنا نظيفة راهي رايعة و اللى مخو صغير باش يحصل سواء على الانترنات و الا في الواقع

 

[أماني2]

السلام عليكم

اللي يطلب صداقة وعلاش نردو
ها ناجوتيه وخلاص
غير باش يتعمر ملف الأصدقاء برك
مي ماشي ارواح ودير صداقة مع أي شخص
لازم تميز الأصدقاء الحقيقيين
وانا في بالي مكاش اصدقاء حقيقيين بزاف قليل وين نلقاوهم وصعيب باش نلقاوهم
رجع كل واحد يخمم على روحو وصلاحو
هاذا جيتينا على طلب الصداقة تاع المنتديات ها أجوتي وصاي

ميرسي ليك
تحياتي
​

 

[دحمان الحراشي]

عادي الصداقة صداقة عمرني ما فهمت غلط من الصداقة او فكرت علاش عرض عليا هاد الشي والصراحة انا كي نصيب واحد ضافني وارسل الطلب نحب يطور هاد الشي للايميل وطبعا تم يبان وش راح تكون هاد الصداقة والمستقبل ديالها..
شكراا على الموضوع

 

[N@riM@N]

هــادي غيبه ياجدارميه هااهاهاها
انا ملي دخلت اللمه جامي بعت صداقه لواحد لكوراج منعدم
مي نقبل كي جوني نورمال ​

 

[fufa22]

باش نكثرهم عندي برك
LoL

​

 

[Dr.CrAzY]

باش نكثرهم عندي برك
LoL

​

:sneaky2:
​

 

[MAN1850]

MrRRR وش من صداقة
علاه اذا بعثتلك اضافة نولوي أصدقاء
ولله والو ديجا نا مادبيا
ما نتعرف على حتى واحد ولا وحدة من اي منتدى

بصح اذا طلبو هوما التعرف مش راح نرفضهم .. آآكيد
​

 

[وليد الحضنة]

والله انا نقولك انا حرت كثر في هذه الظاهرة ؟؟
بعضهن يطلبن الصداقة ؟؟ ثم يتوقفن فجاة دون سبب باين او حتى توضيح الامر
وكاني بهم لايفرقن بين الصداقة والعلاقات الاخرى التي اكيد يميزنها
على كل يبقى لكل واحدة رايها في ذلك عندما تطلب الصداقة
​

 

[mahdi.dz]

السلام عليكم ورحمه الله وبركاته
وعليكم السلام ورحمة الله وبركاته



نفتحو النت وندخلوا للمنتديات نلقاو °طلب صداقة°


حبيت نسقسيكم كي تقبلو صداقة تاع احد ما زعمة توليو اصدقاء تع الصح؟؟؟؟؟؟؟؟؟؟؟
مازال مجربتش راني جديد ..... ممكن نولو أصدقاء علاه لالا
ولاتحب تفهم الغرض من الصداقة؟


اهيه كي تستلم صداقة من الجنس الاخر .تتردد في القبول ولاتقبل ليه ليه؟؟؟؟؟؟؟
نقبل ثم ثم ماعندها باه تضرني






تحسن الظن بطالب الصداقة وولاتسيئ بيه؟
نحسن الظن بيه انا مانعرفوش علاه يدير حاجة تضرني - ماعندو مايدير -






:scared: تحياتي

راني نستنى في اجاباتك انتي هههههه مشكووووووووورة تقبلي مروري
​

 

[السلطانة]

MrRRR وش من صداقة

علاه اذا بعثتلك اضافة نولوي أصدقاء
ولله والو ديجا نا مادبيا
ما نتعرف على حتى واحد ولا وحدة من اي منتدى​

بصح اذا طلبو هوما التعرف مش راح نرفضهم .. آآكيد​

:scared::scared:علاه انت جاكي شان

 

[س..ع..ي..د]

السلام عليكم ورحمة الله وبركاته

ان شاء الله تكون شرطية المنتدى بصحة جيدة

واسمحيلي لاني مقدرتش نقرا رسالتك لانو عدد مشاركتي لا يسمح لي بذلك

رسالتك عنوانها سلام حبيت نرد عليك السلام هنا ههه
​