راني باغية نفوته direct

[جزائرية2009]

ربي يكون في العون ختي ولاااااااااااااااااااازم تحي لداركم اليوم قبل غدوا
لازم يتوقف عند حدو هاد الر...............................س
ماتخافيش كاين ربي سبحانه

 

[02asma02]

والله ياختي واش نقولك الحل راه عند والديك
هوما الي يقدروا يعاونوك ويهنوك منوا
ماكانش سبيل وحداخر
​

 

[chouchita]

*انت خبري امك باش كاشما يصرا عالاقل تكون عامبالها و مبعد قولي لباباك و لا خوك يعطيه طريحة و يخطيك
*ربي يكون معاك اختي و الله العبد ما يدريش منين يجيوه لماشاكل ربي يلطف برك**​

 

[AnGeL*dZ]

قولي لماماك تقول لباباك اذا حاشمة تقوليلو
ولا خايفة
mais في هاذو لحوايج ماتخافيش ختي
وفهمي باباك لحكاية
وان شاء الله مايصرا غير الخير

​

 

[الجندية]

شكرا لكم شكرا لكم

 

[إيمي88]

قولي لباباك او خاوتك
واذا لا شوفي اولاد اخوالك واعمامك ،، قوليلهم برك وهوما يحلوهالك ويهنيوك منو
تعرفي ليجان اعطيهم حكاية فيها دبزة وباقار وخليهم ،، يمووتو عليها :laugh:
وانتيا انتبهي على نفسك ملييييح ،، ماتخرجيش وحدك ،، ماتمشيش في اماكن وشوارع خالية
خلي معاك في الصاك ديما حاجة تقدري تدافعي على نفسك بيها ،، لاقدر الله
كونت رايحة نقولك جيبي pepper spray (بخاخ الفلفل) ولا عصا كهربائية بصح مانظنش يتعاملو بيه في الجزاير :biggrin:
+ دام يعرف صحاباتك والناس القريبة منك ،، مابقيتيش تديري فيهم لامان ،،
تخافي يكون شاريهم او مهددهم ،، ويورطوك ففي كاش حاجة ،، بعيد الشر

وربي يحفظك ​

 

[الميزان]

احكي ليماك وهي الي راح تنصحك
وتقدر تقولها لباباك ولا لخوك
وعندك ليطيحك فالفخ متسكتيش على روحك راها كل دقيقة تفوت راها تزيد تكبر الموضوع

 

[الجندية]

شكرا القضية فرات
شكرا لكم
​

 

[sami19280]

ساهلة ماهلة باباك يفريهالك

 

[ابتسامة بريئة]

على حساب كلامك شخص يستطيع عمل كل شيء الافضل لو حكيتي الامر لامك وهي تفهم باباك بلعقل امور كيما هادي متنحلش هكدا لازملها رجال يحلوها فسارعي لاخبار امك

 

[BAD BOY DZ]

هذا راه غير يزعق معاك حاب يهبلك برك خاطيه واش راكي تقصدي باينة من كلامك الفرق را 10سنين ياجدك واش داه ليك الا اذا كان مجنون انا تاني صراتلي وحد الطفلة هبلتني كبيرة عليا بعامين قالت بلي تحبني لصحابي للبنات الي يقرو معايا وليت قصة في اليسي وانا ماقيمتهاش ومبعد خرجت غير تتمهبل وتحوس تجربني وتلعب بيا
واذا كان كمل قولي لباباك
ولا قولي ليماك
وبعدي خوك من القصة
خاطرش علابالي انا ضربت واحد من قبل
خاطرش ختي قاتلي واحد كان يؤوماردي فيها رحت ليح بـ شفرة وبوشية شوي مانكمل عليه خرمطتلو وجهو برك هدا مكان​

 

[EL General]

روحي لهذا اللي يتبع فيك ، و قوليلوا في وجهو
واش تحوس عندي ؟؟؟؟؟ كيما هاك
لعل يقولك ،
تقبلوا مروري : مارادونا
​

 

[ملاااااك]

ما دام ما درتي حتى حاجة غير ما تخافيش قولي لماماك وهي تفريها لكان خفتي من باباك
لااااااااااااااازم تقولي لها خيتو سينو من بعد تلصق فيك و تتورطي
ربي يعاونك خيتو

 

[anissa 13]

حبيبتي مادامك انت بريئة و ماعندك معاه حتى علاقة ماخسرتي والو قوليها لبلباك و لا لخاك و لا لواحد من لافامي هو يروح يتفاهم معاه نتي راكي صغيرة بزاف ماتخليش واحد كيما هاداك يفسدلك السمعة تاعك

 

[azzedine02]

هههههههههههههههههههههههه