سرك احكيه لقلبك

[AMOUNA+MIMA]

السلام عليكم ورحمة الله تعالى وبركاته
الموضوع .السر​

السر واش معنى السر معناه انو الواحد عندو حاجة في قلبو مخبيها
ومايقدر يقولها لحتى واحد واذا فاتت خرجت مابين الشوارب سي بون
ما يوليش اسمها سر باسكو السر جامي يتعاد لاي
انسان
اذا ماقدرش انت تخبي سرك
كيفاه تتطمع في لي حكيتلو رايح يخبيه امبوسيبل سورتو راه المجتمع مايرحمش
كل واحد يسنى في خوه غير يغلط
ويحكمو من يدو لي توجعوا
مالا
اطونسيو واحد يحكي حاجة لاي بنادم باسكو لقريب ليك ربما يكون سبق وخدعك:crying:
كيفاه راح دير كونفيونس في بنادم خلاف
ياما ديار تخربوا بسباب كلمة السرخرجت
ياما ناس ماتت بسباب انهم ماقدروش
يكتمو حاجة ضارتهم
ياما ناس صراولهم مشاكل ماتحملهم لا لرض ولسما
سرك خمم فيه بعقلك
سرك احكيه لقلبك

ان شاء الله نكون افدت
مرسي​

 

[Jagwar]

صحيتى اختى راكى جبتيها مليح
عندك الحق فى كلش
بصح علابالك بلى الواحد ما يقدرش يموت و يدى معاه السر تاعو
يعنى السر تاع البنى آدم لازم ينكشف عاجلا أم آجلا
مشكورة أختى Amouna على الموضوع العسل .




​

 

[زمردة الايمان]

عندك الحق هذا ديفو عند ناس بزاف
مشكورة على الموضوع أمونة
​

 

[AMOUNA+MIMA]

صحيتى اختى راكى جبتيها مليح

عندك الحق فى كلش
بصح علابالك بلى الواحد ما يقدرش يموت و يدى معاه السر تاعو
يعنى السر تاع البنى آدم لازم ينكشف عاجلا أم آجلا
مشكورة أختى amouna على الموضوع العسل .​

مرسي الله يخليك
كيما قلت لازم السر يتكشف في يوم
بصح اذا كان سر يخرب ديار
من الاحسن يتخبى ويروح للقبر​

ردك نور موضوعي​

 

[joujou1986]

ميرسي على الموضوع وانا تاني من راي الاخت يجي النهار وين ينكشف المستور

 

[AMOUNA+MIMA]

عندك الحق هذا ديفو عند ناس بزاف

مشكورة على الموضوع أمونة​

اهلا بيك ونورتي حنونة​

 

[AMOUNA+MIMA]

ميرسي على الموضوع وانا تاني من راي الاخت يجي النهار وين ينكشف المستور

وي عندك الصح مي اذا كان يخرب الديار يديه
الانسان معاه للقبر افضل
نورتي مرحبا بيك​

 

[nawal1980]

يا امونة غير شفت اسمك في المواضيع الجديدة قلت سور موضوع مهم وكي دخلت صبت كلامك الماس وجواهر يعطيك الصحة والله عندك الحق السر يقعد في القلب

 

[AMOUNA+MIMA]

يا امونة غير شفت اسمك في المواضيع الجديدة قلت سور موضوع مهم وكي دخلت صبت كلامك الماس وجواهر يعطيك الصحة والله عندك الحق السر يقعد في القلب

الله يخليك حنونة ويحفظك ردك اغلى من الذهب
نورتي موضوعي
وحقيقتا حشمتيني :001_wub:
مرسي على طلة الهايلة
مرحبابيك​

 

[poli]

نقلك سر هههههههههههه ما عندي حتى سر في قلبي .........اصلا ماعنديش اسرار و نكره الاسرار
باسكو يجي نهار و تتكشف و مدام علبالي حاجا رايحة تتكشف
....نكشفها في ضو الحال احسن
ولا واش قال .....هك تكوني صريحة مع نفسك و مع العباد واحد لا يقلك تكذبي هههههههههههه
و مارسي

 

[ahlam03]

عندك الحق أختي دجا رانا شايفينها في الواقع وكيما يقولو مانحكوش كلش كاينة حدووووووود.

 

[أماني2]

يعطيك الصحة
مواضيع دايما مميزة
ربي يبارك فيك

مالازم تخرجي السر لممن كان
لازم تعرفي السر اللي لازم ينقال ولمن ينقال واللي ماينقالش مكان لاه
كيما قلتي خليه مخبي ايلا كان يخرب

مشكورة
ربي يخليك

تحياتي
​

 

[AMOUNA+MIMA]

نقلك سر هههههههههههه ما عندي حتى سر في قلبي .........اصلا ماعنديش اسرار و نكره الاسرار
باسكو يجي نهار و تتكشف و مدام علبالي حاجا رايحة تتكشف
....نكشفها في ضو الحال احسن
ولا واش قال .....هك تكوني صريحة مع نفسك و مع العباد واحد لا يقلك تكذبي هههههههههههه
و مارسي

هدي ماكاش منها السر كاين ويكون في قلب كل واحد
وزيادة تقولي نكشف سري هدي فوتيها ماكاش واحد يكشف سرو
ولخبى سر خاص بيه يعني حاجة تخصو ماراهيش كدب على الناس
نورتي​

 

[AMOUNA+MIMA]

عندك الحق أختي دجا رانا شايفينها في الواقع وكيما يقولو مانحكوش كلش كاينة حدووووووود.

مرسي نورتي​

 

[AMOUNA+MIMA]

يعطيك الصحة​

مواضيع دايما مميزة
ربي يبارك فيك​

مالازم تخرجي السر لممن كان
لازم تعرفي السر اللي لازم ينقال ولمن ينقال واللي ماينقالش مكان لاه
كيما قلتي خليه مخبي ايلا كان يخرب​

مشكورة
ربي يخليك​

تحياتي​

وي هدا كلام صواب مرحبا بيك نورتي
مرسي على المشاركة المميزة​

 

[poli]

هدي ماكاش منها السر كاين ويكون في قلب كل واحد
وزيادة تقولي نكشف سري هدي فوتيها ماكاش واحد يكشف سرو
ولخبى سر خاص بيه يعني حاجة تخصو ماراهيش كدب على الناس
نورتي​

ممكن ........قادر نكتاشف بلي راني مخبية سر :angel_not:
مارسي

 

[nada242008]

يا امونة راكي خلعتيني
كان تشفاي درتي موضوع وقلتي قادر تعرف واحد في اللمة وبعد وقت تلقاه يعرفك ولا يكونلك
انا ماتوقعت يعرفني حتى واحد
وكنت نحكي مع صديقة تعرفت عليها في اللمة من الماريكان وبعد مدة لقيتها بلي راهي جارتي قبل ما تتغربhmy: وتعرفني مليح وزيد بعد مدة حكيت مع هيلدا وعرفت بلي رانا نسكنو قراب على بعضانا
ههههههه يعني المرة الجاية نطيح في اختي
وحكاية اليوم تاع السر ربي يستر:scared:
كون درتيه قبل راني ماحكيت سري لحتى واحد ربي يستر برك
شكراا امونة على المواضيع المميزة
بارك الله فيك ههههههه في انتظار مستجداتك في ركن الطبخ العالمي:001_wub:

 

[AMOUNA+MIMA]

يا امونة راكي خلعتيني
كان تشفاي درتي موضوع وقلتي قادر تعرف واحد في اللمة وبعد وقت تلقاه يعرفك ولا يكونلك
انا ماتوقعت يعرفني حتى واحد
وكنت نحكي مع صديقة تعرفت عليها في اللمة من الماريكان وبعد مدة لقيتها بلي راهي جارتي قبل ما تتغربhmy: وتعرفني مليح وزيد بعد مدة حكيت مع هيلدا وعرفت بلي رانا نسكنو قراب على بعضانا
ههههههه يعني المرة الجاية نطيح في اختي
وحكاية اليوم تاع السر ربي يستر:scared:
كون درتيه قبل راني ماحكيت سري لحتى واحد ربي يستر برك
شكراا امونة على المواضيع المميزة
بارك الله فيك ههههههه في انتظار مستجداتك في ركن الطبخ العالمي:001_wub:

الله الله نورتي مرحبا انا قتلك ردي بالك راكي طيح مع ناس تعرفيهم ولا يعرفوك
ههههههه شفت خذي الحكمة من افواه المجانين ههههه
الحمد الله لعرفتيهم على خير
وزيدي اليوم هذا موضوع لازم تديه بعين الاعتبار
مرحبا بيك في مواضيعي
بصح الطبخ العالمي
يليقلي ركن وحدي :angel_not:ههههه
باسكو عندي وصفات حصرية:biggrin: ههههه
مرسي​

 

[nina bonoise]

انا منظنش عندي سر كبير مخبي ضرك
باسكو نهدر كلش

 

[joubrane]

عندك الحق بارك الله فيك