الصيف راهوا على الابواب

[lina18258]

السلام عليكم واشراكم يا ناس اللمة ان شاء الله تكونوا بالف خير
انا راني قاصدتكم باه تعاونوني حابة تعطوني نوعية جيدة لانتي سولاي (anti soleil)
انا عندي بشرة دهنية مادا بيا تنعتولي نوع جيد
لي تقدر تساعدني يعطيها الصحة
وبارك الله فيكم
وتهلاو في رواحكم

 

[AMOUNAICHRAK]

اختي روحي للفارماسي وقوليلو لبو ديالك دهنية هو يمدلك على حساب بو
وينصحك خير من تمدلك اي وحدة مارك وماجيش عليك تصبحي في مشاكل
مرسي​

 

[lina18258]

الله يعطيك الصحة على الرد

 

[POLIYANA]

يا ختي ماتاخديش راي الي يدبرو عليك مناه كل بشرة وكيفاه وقادرين يمدولك وصفات مجربة وماتنفعكش نتي خاصة ان البشرة تاعك دهنية يعني قادرة نتي تجي تديري انتي سولاي يولي يديرلك منها الحب ولا تفسدلك البشرة تاعك
وننصحك روحي للطبيب ولا الفارماسي يشوفلك بشرتك ويعطيك واش يوالمك
انا تاني كانت بشرتي دهنية بزاف بزاف ونجي نحط عليها اي حاجة تتملا بالحب وتفسدلي وديما نسايس فيها مانحطش ماسكرا ومانستعملش كريمات ومانديرلها والو ورحت فاللخر للطبيب وعطاني comprime كليتهم والله نحمد ربي شغل كنت نكدب
ولات ماش دهنية وولينت نقدر نحط ماكياج كيما نحب وتهنيت من هدا المشكل​

 

[ليليا المغناوية]

vروحي فارمشي يعطيك avene +50