انا منهارة بعد امتحانات اليوم ساعدوني

[عاشقة جبور]

لقد انجزنا اليوم إختبار الاعلام الالي و التكنولوجيا و لم اعمل جيدا مع العلم اني ادرس في السنة الاولى ثانوي علمية و لم اعمل ايضا في الفروض و بقي لدي فرصة اخيرة وهي الامتحانات المتبقية بعد العطلة اود كلمات ترفع من معنوياتي انا منهارة ساعدوني كيف ساراجع نفسي و انسى الماضي و احفظ لكي اعمل في الامتحان للتعويض عن الفروض بعد النقاط الكارثية

 

[أميرة الحكم]

اختي اللي فات مات و درك رانا ولاد زمان

ما راح تقدري ترجعي الوقت للوراء
بصح تقدري تستغليه ...تراجعي روحك واش من اخطاء درتيها في هذا الامتحان
و تحاولي انك تعاودي تصححيها
انساي باللي ما خدمتيش في هذا الفصل و هذا ما يعنيش نهاية المستقبل
لا...ما زال الوقت بصح اذا بقيتي مغلقة على روحك و متشائمة اكيد ما راح تتنفعي باي شي
و لا زم تحطي حاجه في بالك انو انت تقدري تصلي واش عملتي
و انو اذا خدمتي راح تتحصلي على واش تبغي
انتي اختي و حاسة واش تحسي و متألمة
و لكن الالم مش الحل
ما زالك وقت و هاهو عندك 15 يوم كل يوم ادي ساعة واحده برك
و راجعي مادة واحدة و الله راح تستفيدي بزاف

و ربي يكون في عونك

----اختك اميرة الحكم---​

 

[aMiNa-K]

السلام عليكم و رحمة الله

اختي نورمال .. ديري شغل ماصرا والو ادخلي تقراي نورمال في الفصل الثالث و انساي الفصل الثاني
اللي فات مات ماعندك ماديري .. و بالموال الهابط هدا ماتقدريش تبدلي النتائج دياولك

عليك و على المجهود في الفصل الثالث و ان شاء فيها خير​

 

[عاشقة الكرة]

صح اللي فات مات مي حنا نديرو الامتحانات في العطلة نورمال راني كيفك ثاني علمية
المهم استغلي وقتك باه تعوضي بصحتك
​

 

[AnGeL*dZ]

اختي راكي عندك فرضة تعوضي في املواد الاخرين درت تكنولجيا صحها عندها المعامل بصح مزالو
وانتم ورا العطلة
فمبالك احنا من روا الاضراب دخلنا مدولنا برنامج امتحانات درناهم في اسبوع برك مالقيناش واش نراجعو وواش نخلو
حطي في بالك بللي لازم تعوضي والوقت قدامك
انا ننصحك خاطر تلعبت لي

 

[Oxygene2]

نورمال
تصرا
ضرك تعوضيهم

 

[مروة MARWA]

صح يا عاشقة جبور المورال يهبط مي نورمال اصلا الاعلام الي والتكنولوجيا معامل 2 ماشي حاجة
الضرب الكبير على اللي مازالو راجعي مليح وماتخميش في اللي فات puisque اي تأثر عليك بزاف انساي برك وحاولي تعوضي
ربي يوفقك ويوفقنا اجمعيين ان شاء الله
​

 

[ملاك الليل]

سلام عليكم
كيما قالك القاوري Quand tu v tu p
كل شي بالارادة اختي .....ديري اللي عليك واتكلي على ربي وادعيه
ربي ينجحك ​