سؤال لكل فتيات المنتدى لكن بشرط الصراحة

[منار السبيل]

في رايي يا خويا هذا على حساب العلاقة بين الزوجين ويلا كانو متفاهمين ومتحابين مرايحش هاذ الشئ يفرق بيناتم ويقدرو يربو كاش ولد ويكسبو بيه حسنة مالقري مكان كي ولادهم

 

[ملاااااك]

شوف خيوو على حسب...
أنا نعرف وحدة تزوجت على حب و ضحات بكلشي على جالو و هو عقيم وبعد عشرة دامت 15 سنة بينهم و هي متحملة حقيقة أنو ما يجيبش لولاد تخيل قبل شهر قالها راح يتزوج و بدون أدنى احترام لمشاعرها مع العلم أنو هي تعشقو و أنا نعرفها ملييييييييح و درك بكل بساطة قرر أنو يخونها.تخيل خيو درك حتى هي راهي تنتقم فيه قالتلنا مش راح نطلب الطلاق حتى نهبلو.داتلو قاع دراهمو و نكدت عليه عيشتو و مازال حابة تنتقم في شرفوا قالتلي لازم نحط خشمو في التراب و نخلي سيرتو على كل لسان
الله يهدي ما خلق.. الزمن هدا ماعادش فيه الثقة>>>يقولك الثقة في الوثيقة خوو
و الله خيو من كثر الحكايات اللي رانا نسمعوهم الواحد ما يعرفش فيمن لازم يثق و على جال من لازم يضحي
أنا عن نفسي لوكان كنت نبغيه تاع الصح ممكن نرضى و نضحي في خاطره بالصح السؤال هو هل هو يستاهل أني نتقبلو زي ما هو؟؟؟؟؟؟
و هل راح يكون فيدال ليا و محب للأبد؟؟؟؟؟؟؟؟؟؟؟

و يبقى السؤال مطروحا
عموما خيو موضوع رائع مشكور عليه
بانتظار جديدك

 

[القطة الزهرية]

خير الكلام ماقل ودل انا نقلك مالزمش تخون العشرة وضحي اذا كان يستاهل...تقبل مروري

 

[NAOMA]

انا وحدة من الناس لي ما ننساش العشرة و م تهونش عليا ...................و الطفلة يمكن تلقا واحد يجيب الذراري و ما تتهناش معاه ....انا من رايي اذا كان عقلية مليحة نتحمل كل شيئ على جالو

 

[nassima dz]

صرااااحة إذا تزوجت و كان زوجي لا ينجب فوالله لن أتخلى عنه مهما يكن ساكون الى جنبه طول حياتي

 

[chiva.]

يا فاقو غير تهفوا

 

[BeSt GlAdiAtOr]

السلام عليكم أخي فريد أطلب منك السماح بالمرور لأن الموضوع خاص بالفتيات
المجتمع تاعنا ما يرحمش وتلقا والد هد الفتاة ووالدتها يظغطو عليها بزاف سيرتو إذا كان ما يضنيش
مي في رأيي أنو المشكل ماوش هنا لأن قضاء الله وقدرو ما نقدروش نتحكموا فيهم ​

 

[مايلي]

والله مانطقله نتزوج بيه ونتبناو كاش ذري من جنوب افريقيا كما مادونا

 

[كبرياء دمعة]

اكيد راح نقعد معاه و ما نخليهش
هادا مكتوب ربى ماشى بيدو هو
عادى نكملوا حياتنا و نربوا طفل و ندوا اجر و الحمد الله

 

[اية هبة الرحمان]

مع اني متزوجة ولحد الساعة ما عنديش اطفال لكن رايحة نعطيكم وجهة نظري لو كان السبب واضح من الاول يعني لو اعرف ان زوجي لا ينجب قبل الزواج لا اتزوج لكن اذا اكتشف الامر بعد الزواج رايحة نكمل معاه حتى اخر لحظة من حياتي المهم التفاهم نقولكم الصح الاطفال هما كل شي لكن قضاء الله و قدره فوق كل شي زواج بدون اطفال لا معنى له بصح الحياة تستمر حتى و لو بدون اولاد

 

[lamilam88]

بكل صراحة ادا كنت نحبو و نعرفو يحبني نبقى معاه مهما يكون حتى و يكون ما يشبه لوالو

 

[hanine_mona]

نتحمل وأكيد ربي يعوضني بالأولاد يوم القيامة
الصبر مفتاح الفرج​

 

[POLIYANA]

قليل وين تلقا الي يحبك وعندو اخلاق عالية كيما راك تقول
انا كون ليا مانفارقوش
وادا على الاولاد كي نكونو متفاهمين هاديك هيا الدنيا ومافيها
وقادرين نربيو وليد يتيم ونربحو فيه الاجر فالدنيا وفي لاخرة

 

[فراشة المنتدى]

ولله الصراحة موضوع هايل
وانا من وجهة نظري لوكان نحبو ويحبني ونكون متاكدة من حبه ليا
نرضى بالشيء الي كتبهلي ربي
ونعيش معاه حتى الموت
ونجيبو طفل نربيوه

ونتمى كيما احنا لبنات فضلنا البقاء مع ازواجنا رغم هادي المشكلة نتاع الاولاد
هنا الرجال يكون تاني موقفهم كيفنا علا خاطر
في مجتمعنا اليوم الواحد كيتكون مرته متولدش
يروح يتزوج امراة ثانية وانتهت المشكل

على العموم شكرا على الطرح الرائع
​

 

[02asma02]

ماذا بيا ندي واحد مدين ومتخلق باه يدخلني الجنة معاه
والشيء الثاني هذا مكتوب ربي وانا راني راضية بيه
​

 

[فريد43]

بارك الله فيكم جميع بنات بلادي عارفكم نساء وعليكم الكلام المهم عقلية dz
​

 

[sarah29]

لاخويا نجاوبك بكل صراحة
لاكان واحد نبغيه يكون يستاهل ومقدر بلي راني ضحيت عليه نديه نورمال ،وايلاكان بغيين لولان نجيبوا من الملجا نديروهم كيما اولادنا
ولوكان واحد مانعرفوش ويصارحني ف الاول بلي مايجيبش لولاد نتبع واش يقول لعقل
مانقبلش بيه
هدا هو رايي بكل صراحة

 

[** غزال الصحراء **]

مكانه قسم النقاش //

 

[فريد43]

مكانه قسم النقاش //

بارك الله فيك خويا تاركان بصح حبيت نقولك حاجة تعرف كرهتك بلا ما عرفتك من مدة بعيدة مالقري قديم عليك في المنتدى بصح الله غالب ماطاحتليش على القوستو المهم اسمحلي على الصراحة تاعي وهاذا اول رد تاعي عليك والاخير سوى على المواضيع ولا الردود تاعك على خاطر تبلالي انسان مانتفاهمش انا وياك
​

 

[somiasahraoia]

واللله ما جربتش الاحساس بصح يبان لي صعيب