قالك لبنات يخافو من نيميرو جديد يتاصل بيهم

[belgacem39]

السلام عليكم

خواوتي و خوتاتي هادي صراتلنا اليوم في دارنا

اختي معندهاش ليزينيتي و قاتلي اعطيلي برطابلك نعيط لصاحبتي

اعطيتلها كي عيطت صاحبتها خافت ولا منعرف عليها عطات لخوها يرفد

المهم قاتلو و عطاها و هدرت معاها و من بعد حكات اختي واش صرى

ههههههههه

قاللها بابا ياخي بنات الوقة ياخي

المارشي و الترونسبورتروحلهم و تتخالط معا الرجال فيهم نورمال و نيميرو جديد في برتابل تاعها تخاف تلقاه راجل

احترامي ليكم خواتاتي مي الله غالب هادي العقليه منتاشرى بزاف في لبنات

سلالالالالالالالالالام​

 

[بنـ MaPa ـت]

ana netmaskhare bihoum hata :biggrin:nechba3 imposible nkhaf men numereau mana3arfouch....salaaam..
Mais c'est vrais ki ykoulou el portable yjib el machakil:thumbdown:

 

[shéryfa luna]

سا محني خويا نخالفك في الراي تمااااااااما
أنا وحده من الناس نيميرو منعرفوش نمد لخاوتي يريبونديو أحسن من اني نريبوندي و يصراو مشاكل لا في البال و لا في الخاطر كيما تعرف البورطابل خراب بيوت
اما على ترونسبور و المارشي ماعندهم حتى علاقة بعقلية متريبونديش على نيميرو متعرفوش
كاين رجال و نسا في المارشي في الترونسبور في لقرايه هادي هي سنة لحياة ولا كيما يريبوندي خوها في التيليفون لازم تديه معاها وين تروح؟؟؟؟
و كل واحد و كيفاش يشوفها الناس عقليات و كل واحد وش يخرج عليه​

 

[AnGeL*dZ]

تاع الاختلاط في الترونسبور والسوق والقراية عادي هكا تربينا
بصح تاع نومرو جديد يعيطلك ماتعرفوش صح تخوف وقادر يصراو للطفلة مشاكل
انا مانعبيش ولا ادا قلقوني كاين خويا يتفاهم معاهم

 

[السلطانة]

ياو ماش المشكل في نخاف من النيميرو ولانترعب منو
ياو الناس الجايحة لي تخوفك .
يغلط ويعيط ويقولك:°حاب نتعرف°
انا صراحة يعوقني واحد كيما هادا

 

[مفآهيمـ الخجل]

نورمال و الا راه واحد حاب يتمسخر ماشي تحصل مع دارهم

عندها الحق

انا شخصيا كي يكلم نيميرو ما نعرفوش ما نريبونديش عليه و لا نفوتلو الشيخ بابا و لا واحد م نخاوتي و هادي مش مشكل خوف

و مرسي عالموضوع
​

 

[Dr.CrAzY]

هههه قداه من مرة يعيطولي دي نيميرو يسمعو صوت راجل يكوpيو
*
عندهمـ الحق يخافو بارسكو كثرو لي مونغو
​

 

[اسماء16]

واش تحب خويا انا يدخلني نيميرو جديد منرفدش كامل يصوني ويحبس وحدو مي منمد لا حتى واحد يريبوندي على تيلفون ديالي ​

 

[السلطانة]

هههه قداه من مرة يعيطولي دي نيميرو يسمعو صوت راجل يكوpيو

*
عندهمـ الحق يخافو بارسكو كثرو لي مونغو​

راهم مدايرين حالة يطايشو في كل بلاصة خخخخ:biggrin:

 

[hicham500]

ياخويا عندها الحق في هذي شحال من نساء تطلقوا من جرة التيليفون هذا
بصح كيما قال الشيخ تاعك تاني عندوا الحق
يعني فيها رأيين وهدي قضية جدلية
حلل وناقش
:biggrin:​

 

[belgacem39]

سا محني خويا نخالفك في الراي تمااااااااما

أنا وحده من الناس نيميرو منعرفوش نمد لخاوتي يريبونديو أحسن من اني نريبوندي و يصراو مشاكل لا في البال و لا في الخاطر كيما تعرف البورطابل خراب بيوت
اما على ترونسبور و المارشي ماعندهم حتى علاقة بعقلية متريبونديش على نيميرو متعرفوش
كاين رجال و نسا في المارشي في الترونسبور في لقرايه هادي هي سنة لحياة ولا كيما يريبوندي خوها في التيليفون لازم تديه معاها وين تروح؟؟؟؟

و كل واحد و كيفاش يشوفها الناس عقليات و كل واحد وش يخرج عليه​

يعطيك الصحه اختي

مي انا نهدرلك على لي في المارشي

تتمسخر و تضحك و تدير قعدات معا مالي لحوانت نورمال و باه تريبوندي تلفون وتقول شكون معايا لالا

و الله يا اختي راه صعيب الحال تاع الصح

سلالالالام​

 

[belgacem39]

ياو ماش المشكل في نخاف من النيميرو ولانترعب منو
ياو الناس الجايحة لي تخوفك .
يغلط ويعيط ويقولك:°حاب نتعرف°
انا صراحة يعوقني واحد كيما هادا

يا اختي منيش نهدر على لي قلك راني باغي نتعرف ولا يقعد يصمط عليك

هاديك حتا حنا لولاد يعيطولنا بنات و يقولو في اخر الهدرى تقلك يا خويا راني بغيت نتعرف برك



انا نهدر على لي تدير روحها خاطيها في دارهم

مي في المارشي ولا الخدمه ولا لقرايه كل شيء نورمال

سلالالالالالالام​

 

[belgacem39]

راهم مدايرين حالة يطايشو في كل بلاصة خخخخ:biggrin:

والله هاد الضاهره منتاشرى بزااااف حتى لبنات يديروها اختي

ماشي غير لولاد برك لي يعطو و يقولو باغي نتعرف

سلالالالالالالالالالام​

 

[H@teM]

يبانلك برك يخافوا
​

 

[belgacem39]

يبانلك برك يخافوا ​

هاداك هوا المشكل المطرح خويا

حاااتم روح ريقل اللعبه​

 

[[ايمآن]]

انا كي يعيط نيميرو جديد نستنى حتى للابال الثالثة ولا الرابعة
ونهز عخاطر اللي يسحقني يبقى يعاود
نهز ونبقى ساكتة اذا عرف ت الصوت ولا عرف بروحو نهدر مكانش نكوpي
واذا سمطو نمد لخويا يتفاهم معاهم
والصح راهم ولاو سامطين وحابين يتعرفون
انا نهبل كي يقولو هاك
​

 

[belgacem39]

انا كي يعيط نيميرو جديد نستنى حتى للابال الثالثة ولا الرابعة

ونهز عخاطر اللي يسحقني يبقى يعاود
نهز ونبقى ساكتة اذا عرف ت الصوت ولا عرف بروحو نهدر مكانش نكوpي
واذا سمطو نمد لخويا يتفاهم معاهم
والصح راهم ولاو سامطين وحابين يتعرفون
انا نهبل كي يقولو هاك​

يعطيك الصحه اختي

نورتي موضوعي

سلالالام​

 

[Dr.CrAzY]

راهم مدايرين حالة يطايشو في كل بلاصة خخخخ:biggrin:

:biggrin:

عندك على روحكـ :001_unsure:


:angel_not:
​

 

[belgacem39]

:biggrin:​

عندك على روحكـ :001_unsure:​

:angel_not:​

ههههههههههه

و الله راك فوور خو

سلالالالالالالام​

 

[aMiNa-K]

السلام عليكم
موضوع شباب يا خو .. و تصرا بزاف .. بنات زعمة مايرفدوش لنيميرو مايعرفوهش :thumbdown:

اللي دير هكدا .. زعمة تخاف من نيميرو جديد يعيطلها .. تدير الشك لروحها و سورمو كاين نوامر راهم يهبلو فيها

bon نهدر على روحي .. يكون قدامي التلفون و يعيطولي من نيميرو جديد نرفد ديراكت .. وحد الوقت عندي ماكنت نجوز بيهم الوقت ههههه
و درك ادا شفت بلي واحد فارغ شغل حاب يتمسخر ساهلة نمد النيميرو لخاوتي يقضولو صوالحو

بصح يا خو كنت تزيد تهدر عالبنات اللي وحدهم يفورميو نوامر بارازار و هوما اللي يهبلو الغاشي
الله يهديهم

ميرسي عالموضوع​