الربيـــع والخرجات

[fatima 87]

عاد كل مايجي الربيع ...تولي الخرجه انتاردي
غير من الشوفات الي تخرج القلب والتبهدايل الي يديروا فيها
والله الواحد يحير تقول منا عرب منا مسلمينـ
عقلية راشيهـ
يعطيك الصحه علي الطرح الواقعي
​

 

[السلطانة]

عندك الحق لي كوبل في كل بلاصة حرمو علينا القعدة مع والدينا في الطبيعة
خلي يزهاو وياكلو البك والقرنينة بصحتهم خليناهالهم ليهم
هاو لينا الميكرو

 

[Manar19]

عندك الحق لي كوبل في كل بلاصة حرمو علينا القعدة مع والدينا في الطبيعة
خلي يزهاو وياكلو البك والقرنينة بصحتهم خليناهالهم ليهم
هاو لينا الميكرو

كما قولتي نخليوهالهم ...نصبرو حتى نتزوجو بلاك يخرجونا نحوسو هههههههه مع راجلك تجي خفيفة شوية....مشكورة على مشاركتك...تحياتي

 

[Manar19]

a non 3la djalhoum nradi lkhardjate imposible​

هيه صح تغيض... بصح اكي درتي سوكسي في الموضوع تاعي هههههههه حتى شكيت بللي تاعك ....معليش ختي منورة...تحياتي

 

[BOUSS]

صحا اربيعك منار بالورد والياسمين انشاء الله قوليلي انتي وعلاه اتروحي وين الناس ايقلقوك انوصيك علي بلاصا شابة هي مكاش كيما تحويسا تاع اجبل ما تشوفي ليكوبل ما تسمي منهم اتشمي اهوا امقي وتبدلي عقلية هذا راي برك ولكي الاختيار مع الف تحية وشكر \\\بووووص\\

 

[samra106]

والله عندك الحق لبلايس لملاح الكل يخمجوهم وتحرم على العايلات يروحولهم كرهونا في الخرجات والتحواس تخرج تلم ذنوب وخلاص,

 

[Manar19]

من وين جاتكم لعقليه نتاع الربيع اصلا هاذا
وزيد اذا مكاش مشكل وحبتو تربعو زعما روحو شوفو بلاصه تكون فارغه كاين يعني علاه كامل تحبو تتجمعو في مكان واحد اكيد راح تلقاو ديك صوالح تما
انا منيش مع فكرة انو العائله تروح تربع في مكان عام خيرو بلاصه فارغه ويروحو معليش
هاذا رايي ختي
السلا م عليك

جاتنا من ناس بكري...الناس الكل تخرج تديفولي وتبدل الجو...مبقاوش كاينين بلايص فارغين بزاف...مشكور...وعليكم السلام

 

[manel06]

ماكان والو قاعدة في الدار و لا خرجة

 

[im£ne]

الربيع و التحواس...ياحسراه !!
راني غير في الدار..و في الدار قاسي يموت

 

[MARIA_4algeria]

كيما قلتي نريحو في الدار​

 

[نجاة40]

او من بكري دارتلي يما بروgرام نتاع الكوزينة
فالعطلة هاذي الخدمة والشغل
التحواس درنا عليه ريجيم العام هاذا
والله العبد راح يتفلق صح ماكان وين تروحي​

 

[اسماء16]

واش تحب خويا وقتهم خلي انتت تاني متروحش لبلايص لي فيهم لكوبل​

 

[Manar19]

واش تحب خويا وقتهم خلي انتت تاني متروحش لبلايص لي فيهم لكوبل​

خويا؟؟hmy:...مرة شتي واحد اسمو منار:001_unsure:...الانوثة هدي بكل وتقولي خويا:001_wub:...ههههههههههه معليش كي لعسل....مشكورة على تفاعلك اخي عفوا ختي

 

[nina bonoise]

ههههه أنا نخرج مع لبنات للبولفار
عينينا يخرجو انا و البنات من وش نشوفوا
ههههه
impossible درك تحوس مع لافامي​

​

 

[Manar19]

سلام
ههههه أنا نروح للبحر
عينيا يخرجو من وش نشوف ووش صاري..
:001_tt1: ههههه

impossible
درك تحوس مع العائلة تيعكـ :001_unsure:

سلام
​

نتوما معندكمش مشكل تقدرو تروحو وحدكم مشي كما حنا لبنات
لبحر صايي حبسناه...مي لخرجات تاع الربيع ولا الصيف منين
نروحو نلقاو لعجب...ربي يجيب الخير
مشكور خويا....وعليكم السلام
​

 

[Manar19]

كيما اليوم درنا فيها تحويسة من لكبار رحنا لجبل ودرنا شوا واش نقولك من لكبار بلاصة مايروحولهاش الناس كل عاد العبد يهرب الله غالب ربي يهدي ماخلق

ممممم بصحتكم ربي يدومها...هيه صح لجبل مكاش فيه الناس بزاف...مي مع الوقت وتشوفي يوللي عامر...مشكورة

 

[Manar19]

صحا اربيعك منار بالورد والياسمين انشاء الله قوليلي انتي وعلاه اتروحي وين الناس ايقلقوك انوصيك علي بلاصا شابة هي مكاش كيما تحويسا تاع اجبل ما تشوفي ليكوبل ما تسمي منهم اتشمي اهوا امقي وتبدلي عقلية هذا راي برك ولكي الاختيار مع الف تحية وشكر \\\بووووص\\

الله يسلمك بوص...مغسي على النصيحة....اني نجرب نروح للجبل ونشوفو...مشكوووور

 

[Manar19]

و الله صح يا منار , الواحد ما لقى بيها وين ,,

واش نقولك تبهديلة قدام الدار خير من لي تخرجي وحدك و يولو يدراgو فيك

و بالاك توصل لحاجة واحد أخرى ,, الواحد يصبر و خلاص //

هاذا هو مجتمعنا ليوم ليكوبل مزروعين في كل بلاصة وين تروح تلقاها ملغمة

ربي يصبركم نتوما لبنات .

الوغ نحكمو الدار وصايي ...بويسك مبقاش احترام في بلادنا هدي...قليل خلاص...ربي يهدينا برك....مشكور على تفاعلك مع الموضوع اخ غزال...تحياتي

 

[Manar19]

ههههه أنا نخرج مع لبنات للبولفار
عينينا يخرجو انا و البنات من وش نشوفوا
ههههه
impossible درك تحوس مع لافامي​

هيه صح...انا كي نخرج مع بابا لبرا ونشوف حاجة هك وللا هك ...ديراكت نبدا نحكي معاه ونجبد موضوع لاشتى تافه هههههههه المهم نلعبها ما شت والو....مشكورة ختي

 

[nina bonoise]

هيه صح...انا كي نخرج مع بابا لبرا ونشوف حاجة هك وللا هك ...ديراكت نبدا نحكي معاه ونجبد موضوع لاشتى تافه هههههههه المهم نلعبها ما شت والو....مشكورة ختي

ههههههه
راكي تعرفي كيفاه تبدلي الجو :biggrin:
انا مش غير مع بابا
ماما تاني نولي نحكي في حوايج تافهين معاها كي نشوف 2 مرندفين :angry:​