هدرة الزنق فاللسان تلصق

[امورة المنتدى]

السلام عليكم خاوتي

هادا الموضوع درتو باه كل واحد يجاوب بصراحة

كثرت هدرة الزنق في لسان ليزالجيريان وولاو يهدرو فيها نوووووووووورمال قدام العايلة ديالهم

ولا العبد كي يخرج مع لافامي ديالو يسمع واحد يسب يحشم مام با ما يقيموش ني نسا ني عجايز

ونتا خويا لوكان تخرج مع يماك ولا ختك تسمع واحد يسب واش تدييييييييييير ؟؟؟؟

ونتي ختي تكوني مع خوك ولا باباك تسمعي واحد (كيلو) يسب واش ردة فعلك ؟؟؟؟

تحشم ولا تحبط راسك ولا تروح تدير با9ار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوع نتمنى كل واحد يتفاعل معاه

ختكم **امورة**

 

[امورة المنتدى]

اين التفااااااااااااااااااااااااااااااااااااااعل

 

[لؤلؤة وهران]

صح ختي امورة ​

كاين هدو الناس و راهم معمرين ​

صح موالفت تصرالي ​

ههههههههه​

واحد المرة كنت منرفيا بزاف و كنت رايحة ندير ليكور ​

و في الطريق كان واحد يسب ​

درت ليه و طرت فيه​

كليتو بالهدرة ​

هههههههه​

نخلع مسكين​

بصح كان صغير عليا تسمى مخفتوش ​

بصح لوكان نكون وحدي مع واحد اكبر مني معندي مندير ​

ولوكان كنت مع خويا و الله ميسكتو حتى خويا ميحبش هدو الهداري في الزنقة ​

مشكورة يا امورة دمتي لنا ​

تقبلي مروري ​

 

[** غزال الصحراء **]

واش رايح دير ؟ تشوف بعينك و تموت بقلبك

ماكش رايح تربط لسان الناس الهمجية لي راهي دور برا

هاذا هو السوسيتي تاعنا بغينا و لا كرهنا ,, حلها ما دورش مع فاميلتك و خلاص

و كي تخرج معاهم وجد روحك باش تتحمل كلش .

 

[tatyana]

انا كي نخرج مع خويا ولا بابا ندير روحي مانسمعش
شكرا على الموضوع

 

[امورة المنتدى]

اشكر الجميع على المرور وابداء رأيهم :001_wub:

 

[حلمي النسيان]

الله غالب اختي هذي الظاهرة راهي منتشرة في كل بلاصة

مي الواحد ماعنده مايدير

سيرتو اذا كنتي بنت يعني ماغاديش تروحي عند الولد و تقوليله انعل الشيطان خويا

واحد يقول استغفر الله و يدور راسه

و تامني خطرة و الله غير كنا فالجامعة واقفة انا و صحبتي

و زوج ليجان واقفين من جهتنا قاعدين يهدروا فيما بيناتهم حتى ناضوا يطيحوا

و الله غير انا و صحبتي احشمنا في بلاصتهم

درت شفت فيهم و قلت استغفر الله و بدلت البلاصة

قعدوا غير يشوفوا فيا

تقول حشموا و لا قالوا اسمحولنا

ياخي حالة ياخي

المهم ربي يحفظنا و يحفظ اولاد جميع المسلمين

و مرسي بوكو على الموضوع الحساس

بيس فور يو



​

 

[امورة المنتدى]

الله غالب اختي هذي الظاهرة راهي منتشرة في كل بلاصة

مي الواحد ماعنده مايدير

سيرتو اذا كنتي بنت يعني ماغاديش تروحي عند الولد و تقوليله انعل الشيطان خويا

واحد يقول استغفر الله و يدور راسه

و تامني خطرة و الله غير كنا فالجامعة واقفة انا و صحبتي

و زوج ليجان واقفين من جهتنا قاعدين يهدروا فيما بيناتهم حتى ناضوا يطيحوا

و الله غير انا و صحبتي احشمنا في بلاصتهم

درت شفت فيهم و قلت استغفر الله و بدلت البلاصة

قعدوا غير يشوفوا فيا

تقول حشموا و لا قالوا اسمحولنا

ياخي حالة ياخي

المهم ربي يحفظنا و يحفظ اولاد جميع المسلمين

و مرسي بوكو على الموضوع الحساس

بيس فور يو



​

صح وش قلتي البنت صعيب عليها بصح لازم ليجان يحشمو شوية كي يشوفوا بنات صحيتي حنونة على مرورك

 

[السلطانة]

وعليكم السلام ورحمة الله وبركاته
واش رايحة ندير نغلق ودنيا وندير روحي ماسمعتش
ناس قلال الحياء الله غالب
شكرا على الموضوع تحياتي

 

[امورة المنتدى]

وعليكم السلام ورحمة الله وبركاته
واش رايحة ندير نغلق ودنيا وندير روحي ماسمعتش
ناس قلال الحياء الله غالب
شكرا على الموضوع تحياتي

عندك الحق ربي يبعد عليك ولاد لحرام صحيت على مرورك

 

[amouna.dz]

شكرا على موضوعك المميز
انا كي نخرج مع بابا ولا خويا ندير روحي ما نسمعش نهبط راسي و نكمل مشيتي هذا ما كان
تقبلي تحياتي
​

 

[nina bonoise]

تشوف بعينك و تسمع بوذنك و تموت بقلبك

انا كون نخرج مع بابا ندير روحي مسمعتش

عيب عليهم عباد ماشي متربيين حاشا البعض

 

[chiva.]

ونتا خويا لوكان تخرج مع يماك ولا ختك تسمع واحد يسب واش تدييييييييييير ؟؟؟؟

ننصحو ادا حبس من سب روح ونخليه وادا محبش يحبس

نضربو نمسح به لارض

 

[Anissa_vanissa]

هذا الموقف سرالي اكثر من مرة
وانا tout simplement
ندير روحي ماسمعتش

 

[امورة المنتدى]

شكرا لمروركم

 

[farouk sansiro]

سلام على من لست أنساهم*** فان هم غابو عن العين فالقلب مأواهم ​

انا نظن بلي لوكان كل واحد فينا قام بواجبووننصحوه ونربوه كيما يلزم ميوصلش نبا الحال لهذه الدرجه ورانى نشوفو دور الاسرة والمجتمع اللي ولات معلبالهاش بالطفل واش قال ولى معامن تكلم ولا واش تعلم من الفاظ وكيما بعض الولايات الله يسترنا عندهم وحد الكلام اذا سمعتو ترعش وقلبك يفيبري والحمد لله مزال بعض الولايات محافظين ومتسمع منهم غير الكلام الحلو ..... والله يهدينا على كل حال والسلام عليكم

 

[nina bonoise]

الموضوع هذا راهوا بالدوبل هنا
احذفوا واحد

 

[BeSt GlAdiAtOr]

صراحة هد شي محرج طبعاً خاصة إد كنت بصحبة أحد والدي
لكن أفضل شي ندير روحي ما سمعتش ونحطهم في التقيل
ولكل واحد رأيو
تسلمي على الموضوع​

 

[Mr mino]

شوفي امورة

انا نقلك

الا تصرالي هذي لحكاية اللي قلتي عليها

الا كان الطفل صغير بلاك نضربه باش يتربى

مي الا ولى كبير الا كثرت نقلوا احشم راك راجل عيب عليك

نضربوا مجياش

وكيما قلتي والله بزاف هدرة رانا نسمعوا فيها كل يوم برة في الزونقة

كاين ديار تع ناس ماتفرقيش الا راكي في دار ولا في زنقة تالمو الهدرة اللي يقلوها راسك يحبس

والله تحيري صح

ربي يجيب الخير

صحيتي امورة مواضيعك ملاح يعطيك الصحة

كملي هكا





​

 

[جزائرية حتى الموت]

عمرها ما صرات معايا

حاجة وحدة برك

الله يهدينا ويصلح شاننا

امين يا رب العالمين