انتي متحجبة؟ نقتل روحي .....

[السلطانة]

انا العرس لي نروحلوا يخرجوا بلا خمار تالمون لي تزوجوا و هما صغار 22 سنة 24 سنة
غير في عرس خالي الكبير مطلق و عاود تزوج مرتوا في الليل لبست برنوس ابيض فيه شاpونة

:confused1::scared:مازالو صغار في العقلية
شكرا على المرور الجميل

 

[السلطانة]

يا ختي راح تزوج خطري في احياتها خليها تزهي علي روحا يخي راهي رايحا اراجلها انا هذا راي مافي مشكل

:scared:واعجباه؟
في ظنك تزهى على خاطر ليلة عمرها وتنسى اهم شي هو ارضاء الله عز وجل :scared:
وتزين تبين مفاتنها ومحاسنها للرجال ياو؟:scared:
شكرا على الابداء برأيك

 

[السلطانة]

نقدر نشارك معاكم و نمد رأيى و لا ما نقدرش ؟

باسكو أنا عضو جديد و هاذى أول مشاركة لى فى منتدياتكم الرائعة و رانى حاشم منكم :biggrin:​

متتعقدش برك :biggrin:

 

[السلطانة]

يا عائشة أختي إحنا لعروس في الجنوب تخرج مستورة ومايشوفها غير راجلها وأهلها

وزيد تاني يخرجها لعريس من دار باباها ويركبها في سيارتوا أو سيارة أحد اقربائه وبعدين مباااااااااااشرة يديها لداروا....
والله يهدي ان شاء الله ​

احسن ماتفعلون
ياو ارواحي عندنا لقالمة وخيدة
شكرا على المرور الطيب

 

[sami.23]

انا نخليها عادي ياك انا المتزوج بيها ماشي هي وماهيش راح طيحلي من رجوليتي كي تخرج بلا خمار
وثاني حاجة هاي صاحبة الموضوع بوليسية وراكم كامل تعرفو البوليسيات البوبيات لي داروهم في الطريق وليت نروح جيهة البوليسيات في الطريق منين كنت نخاف نفوق على بوليسي وليت نحوس عليهم وراكم عارفين علاه
​

 

[السلطانة]

ايه يا عيشوشة و الله غير عندك الحق

ظاهرة عجيبة و غريبة تاع الصح
ظاهرة تدل على جهل المجتمع المتنوع المنابع​

حنا عندنا فى عنابة لعريس يروح يهز مرتو و يديها تصور فى البولفار و الفنار و البحر قدام
الناس راسها عريان و زنودها عريانين بيض الله يبارك يسيلو اللعاب لوول هههه
تحوس تقول جامي حوست في حياتها بدون هدوم خخخخخ​

ياو المشكلة فى الرجالة تاعنا لى راهم شايفين و عارفين و ساكتين نورمال
مسكين يغيظ مفطوم على كلمة لا
و نقول من الآخر راه كل واحد كيفاش متربى​

لي تقدر روحها وراجلها تستر روحها وماتديرش الطوايش هادي

ربى يهديهم و يهدينى و يهديك انتى و يهدى ناس اللمة و يهدى الامة الاسلامية أون جينيرال .​

آمين يارب العالمين

ميرسى عليك
ها القالمية ما تديريش عليا هاذى هي العقلية​

:biggrin:عقلية فورررررررررررررررر شكرا على المرور البوGوص

 

[السلطانة]

سلام عليكم

نقول الحق....داك البرنوس اللي ديرو نصو مايل ....راكي باغية لاكوب تاع 6000 ميل ماتبانش ههههه
على كل.... كل شي مالتربية والاخلاق والحشمة
....حنا عندنا حدث ولا حرج
ربي يحفظك ختي وماتنسايش تعرضيني ...لعرسك..

سلااام​

وعليكم السلام ورحمة الله وبركاته
هادك هو الحشمة والاخلاق
:biggrin:راك معروض من درك شكرا على الاطلالة المشرقة تحياتي

 

[BARCA232]

واش نقولك اختي عائشة هذه المرة الرابعة نزور موضوعك
والله الواحد حشمان واش يقولك على العروسة
قبل العرس تحشم باه تشوف فيها ةتبدل الطريق اللي جاي منها
20عام وانت مستورة تجي ليلة كل شيء يفسد
وباغي تجي الذرية صالحة
الحمد لله الواحد عايش في الريف
العروسة ماتخرجش وحدها تجي الأم تديها
ويركب معاها في السيارة اخ العريس وام العروس
وةتأخذ الى بيت زوجها وهي مستورة والله
تقعد تتحين الفرصة باش تشوفها تكره
صحيت عائشة
بارك الله فيك
الله يدي برك
​

 

[ابتهال]

انا وحدة مانقبلش هذا الشئ...هاذاك عمرو مايكون حجاب
مشكووورة على الموضوع اختي
​

 

[السلطانة]

السلام عليكم​

اختي مافهمتش الموضوع مليح .. راكي تهدري عالعروسة اللي تنحي الحجاب مور الزواج :confused1: .. و لا النهار اللي تخرج فيه من دار باباها تخرج بلا حجاب :confused1:​

ادا راكي تهدر عالحالة الاولى راهي خلات ههههه
و ادا راكي تهدري عالحالة الدوزيام .. ايه خلوها تتزين كما تحب مدام رايحة تخرج بالحايك و البرنوس .. نورمالمو بارتو هكدا .. العروسة كي تخرج يلبسولها البرنوس و الحايك مايبان منها والو ​

وعليكم السلام ورحمة الله وبركاته
نحكي على لعروسة لي تنحي الخمار نهار عرسها وتخرج تنعت في مفاتنها وفستانها لمزير قدام من هب ودب

 

[السلطانة]

ههههههههه عوقاتك العفسة هادي هههههه


اني تاني​

وليت كيما هك

 

[أم أنس الموحّدة]

بصح اختي عائشة كاينة منها هذ الظاهرة بصح حنا في تلمسان تخرج من دار باباها ملفوفة بالحايك والشدة يعني ما يبان منها والو حتى توصل لعند اهل العروس وما يشوفوهاش حتى يعملولها العكر وكذا يعني التقاليد هي كي تنحي الشدة وتبدى تلبس في التصديرات يعني عاد تنحي على حجابها سواء كان العرس مختلط او غير مختلط

ربي يهدي ما خلق وفي الاخير يطلبون التسخير والبركة من الله وهم يعصوه في كل اوامره

هذيي هي اللي تقتلني يا اختي عائشة اللي يديروا جميع منكرات الاعراس ومن بعد يقولك ربي يسخر او ربي يبارك

كيف يبارك وانتم جعلتم العرس مسرح للشياطين

بارك الله فيكي اختي عائشة موضوع في صميم الواقع ان شاء الله يكون سبب في هداية المعنيين
​

 

[حبها معذبني]

الراجل ماهوش راجل اذا قبل لمرتو تخلي خمارها والمرا ماهيش مرا اذا سمحت في حجابها.....هذا واش نقدر نقول يا بنت الناس
​

 

[السلطانة]

مساء النوووووووور

حيلي عيشة و المواضيع الي مش دايرين خمار هههه
يا عيشة جاتك هادي بيزار..نوووووووووووووورمال قالك ظرك عقلية be cool تعراو بينو وجوهكم...الغاشي قاع يتفرج مش مشكل المهم نبان زينة و بابيشة داك النهار و كامل يحكو عليا وعلى عرسي.
الله يرحم ناس بكري كانو يلبسولها برنوس و تخرج مستورة مقرطسة لدار راجلها.....ظرك ولاو يلبسو robe blanche ترانسبارنت......و كل شيء en plain are هادي هي
************************************************************************
ان شاء الله ربي يقدرنا و والواحد في عرسو يستر عروستو و ميغظبش ربي ​

راهم مع عيش لاvي
ربي يهدينا كامل
شكرا على الاطلالة الجميلة

 

[السلطانة]

انا نخليها عادي ياك انا المتزوج بيها ماشي هي
اجريو انا متطور خخخخ
وماهيش راح طيحلي من رجوليتي كي تخرج بلا خمار
خليوني راني فرحان خخخخ

وثاني حاجة هاي صاحبة الموضوع بوليسية خاطيني في المستقبل نولي معلمة ههه شكون البوليسية
وراكم كامل تعرفو البوليسيات البوبيات لي داروهم في الطريق وليت نروح جيهة البوليسيات في الطريق منين كنت نخاف نفوق على بوليسي وليت نحوس عليهم وراكم عارفين علاه :scared::scared::angry:همالا فجعوك ​

 

[السلطانة]

بصح اختي عائشة كاينة منها هذ الظاهرة بصح حنا في تلمسان تخرج من دار باباها ملفوفة بالحايك والشدة يعني ما يبان منها والو حتى توصل لعند اهل العروس وما يشوفوهاش حتى يعملولها العكر وكذا يعني التقاليد هي كي تنحي الشدة وتبدى تلبس في التصديرات يعني عاد تنحي على حجابها سواء كان العرس مختلط او غير مختلط ​

ربي يهدي ما خلق وفي الاخير يطلبون التسخير والبركة من الله وهم يعصوه في كل اوامره ​

هذيي هي اللي تقتلني يا اختي عائشة اللي يديروا جميع منكرات الاعراس ومن بعد يقولك ربي يسخر او ربي يبارك ​

كيف يبارك وانتم جعلتم العرس مسرح للشياطين ​

بارك الله فيكي اختي عائشة موضوع في صميم الواقع ان شاء الله يكون سبب في هداية المعنيين​

آمين اختي الفاضلة انشالله تزول هده الظواهر على الرغم من ان اقناع الناس صعب للغاية
السبت الجاي عرس خالي رايح يتزوج وعرسو رايح يكون عرس بلا غنا وشطيح
باعتباره متدين وفي نفس الوقت طبيب ومرتو كيف كيف طبيبة يعني مثقفين الا ان الناس قالولك كيفاه مايزهاش يعني حابين الطبل والزرن ومرتو علاه رايح يغمها في عرسها مالقينا مانقولو غير ربي يهدي الجميع
شكرا على تفاعلك مع الموضوع تحياتي

 

[السلطانة]

الراجل ماهوش راجل اذا قبل لمرتو تخلي خمارها والمرا ماهيش مرا اذا سمحت في حجابها.....هذا واش نقدر نقول يا بنت الناس​

نعم سيدي

 

[السلطانة]

واش نقولك اختي عائشة هذه المرة الرابعة نزور موضوعك

والله الواحد حشمان واش يقولك على العروسة
من لبخايص لي يديرو فيها :cursing:
قبل العرس تحشم باه تشوف فيها ةتبدل الطريق اللي جاي منها
20عام وانت مستورة تجي ليلة كل شيء يفسد
يتفرج فيها لي يسوى ومايسواش
وباغي تجي الذرية صالحة
منين؟ باديينها بالدنوب
الحمد لله الواحد عايش في الريف
العروسة ماتخرجش وحدها تجي الأم تديها
ويركب معاها في السيارة اخ العريس وام العروس
افضل شي
وةتأخذ الى بيت زوجها وهي مستورة والله
تقعد تتحين الفرصة باش تشوفها تكره
صحيت عائشة
بارك الله فيك
الله يدي برك​

شكرا على المرور الطيب

 

[السلطانة]

‏عائشة القالمية, ‏assia90, ‏best-nono+, ‏imen sana, ‏sami.23+
مرحبا بيكم تفضلوا ماتحشموش الدار داركم

 

[**@sami@**]

السلام عليكم و رحمة الله و بركاته
صح واش قلتي عائشة، نقصت الحشمة ، نقص الاحترام، نقصت التربية، نقص الوازع الديني ، يخلي الناس دير كلشي، و العرس لي ما فيهش الغناء الصاخب و الاختلاط و العري عند هاذو الناس، عرس عيان و يقولوا: (( تقول كنا في جنازة ماشي عرس )) ، الحمد لله لي مازال كاين عائلات محافظة على التقاليد تاع جدودنا، وهادي الظاهرة تاع المرأة تخرج مكشوفة قدام الناس ، ظاهرة تاع الغرب ماشي تاع المسلمين، الله يصلح أحوالنا ، آآآآمين.
​