تزوجها في ليلة وطلقها نهار الزاوج..........

[BARCA232]

السلام عليكم
ان شاء الله الجميع بخير
اليوم جبت ليكم حاجة جديدة مانعرف كانت كاينة من زمان ولا ممكن احكيتو عليها
ممكن لا
المهم راني حاب نحكي على الزواج
واش تقولو الفرق الواضح بين زواج تاع زمان وتاع ذروك
ودرت مقارنة وطلة صغيرة في العرش اللي نعيش فيه
والدوار وقلت نشوف نسبة الطلاق
لقيتها في القمة تقريبا بنات كامل اطلقو
المخيرة جابت عام ومن ثم طلقت
المهم زمان أيام جدك وجدي كان يخطب المرأة بلا مايشوفها
ماوالو غير يحكوله عليها
مايعرفها لاقجعة لاعمية لاهم يحزنون
ويزيدو يجيبوها تمشي ولا في الكروسة
وكاين اللي يقولو الكارو
ويمد لأهلها نعجة ولاخروف وشوية زقيق
ياك يسموه انا نسيت سماه راهم غير يلعبو بيه لبنات ذروك
المهم النتائج كانت ناجحة جابو اجيال وأجيال وعليهم الكلام
وزواج اليوم ياسيدي يشوفها عام ويحكي معاها عام
ويعقدون الزواج على كل شيء
وتسمع الزواج 100مليون
والولاية كامل كلات عنده المهم مهرجان
والعاقبة تبات ليلة والليلة الزاوجة في العدالة جيبلي حقي ما نعيشش مع امك راها دير ودير
صح غير ماتزعفيش مارهش باقيلها بزاف وتموت
بالله عليكم علاه وصلنا لنسبة الطلاق الكبيرة بوجود كل شيء متوفر
السكنة وحدها وخدامة وعندها الخدامة
وتضرب عام وباي باي
​

 

[loca]

ههههههههههههه اول وحدة نرد على موضوع تاعك هو زوين مرسي عليك اي هادي صح بصح كامل لي تزوجو على حب واختارها هوما لي يطلقو في بالي .

 

[أم أنس الموحّدة]

يا خويا كيف ربي يبارك في عرس في رقص ماجن واختلاط يطلع القلب واللي يجي يسلم على العروسة ويقولها هذا صاحبي هذا حبيبي وهذا خويا

هذا على العرس لان ليلة الزفاف هي اهم ليلة هي الاساس اللي يبنى به العرش تاع الزوجين كلما كان فيه تحفظ وكان فيه الاكل معقول ربي يبارك في الزواج

دون ذكر لازن يتعرفوا قبل الزواج كيما قلت ويقعدوا عامين مع بعض باسم خطيبي وخطيبتي وكي يجي الصح يقولك مليت منها وكرهت

وانا راح نحكيلك قصة واحد في تلمسان تزوج وحدة وهذ الانسان عندو الدراهم دار عرسو في هوتل زيانيد معروف في تلمسان ...كراء الهوتل استقاملوا ب150مليون تخيل راحوا لشهر العسل في هاواي او ما ادري كي رجعوا رجعوا مطلقين والسبب العلم لله

ووحد اخر من مغنية حب يتزوج وحدة من تلمسان شرطولو الاهل 70 مليون وش رايك في هذي


كل هذ الاسباب وحاب الزواج يدوم

مستحيل ..كثرة الدياثة وكثر تبذير المال والفسق والعلاقات الغير الشرعية قبل الزواج كيف ربي يبارك

انا عني زوجي والله العظيم شفته 3 مرات يوم الخطبة ويوم الرؤية الشرعية ويوم العقد وأسأل من الله ان يبارك في زواجي

على العموم موضوع مهم ان شاء الله يفيق من عنده شوي ضمير
​

 

[أم أنس الموحّدة]

ونزيدكم عن وحدة زوجها باباها لواحد ما يعرفوا ما سقسا عليه المهم عندو دراهم ويسكن وحدو

هذ الانسان قال لزوجتو كل سبت روحي زوري والديك مرة في احد السبتات نست الموبيل تاعها ورجعت لما فتحت الباب لقات زوجها يهودي اعزكم الله لابس تقاليد اليهود ويزهر عند الحيط ويطبق خرافاته راحت لبابها تبكي وطلبت الطلاق كونه يهودي لما راحو للقاضي قال لليهودي علاش ما فصحتش عن ديانتك تعرف وش قالو اليهودي

قالي سقساني على مالي وداري قلتلو كاين بصح ما سقسانيش على ديني

وهذي قصة واقعية في تلمسان

وكيف تحب ربي يبارك ودروك ما يسألوا ني على دينو ولا اخلاقو يسألو برك على الدراهم ويقولك باش نضمن عيش بنتي والرسول عليه افضل الصلاة والسلام يقولك من ترضون دينه وخلقه مش ماله ولا زينه

عذرا على الاطالة
​

 

[BARCA232]

ونزيدكم عن وحدة زوجها باباها لواحد ما يعرفوا ما سقسا عليه المهم عندو دراهم ويسكن وحدو

هذ الانسان قال لزوجتو كل سبت روحي زوري والديك مرة في احد السبتات نست الموبيل تاعها ورجعت لما فتحت الباب لقات زوجها يهودي اعزكم الله لابس تقاليد اليهود ويزهر عند الحيط ويطبق خرافاته راحت لبابها تبكي وطلبت الطلاق كونه يهودي لما راحو للقاضي قال لليهودي علاش ما فصحتش عن ديانتك تعرف وش قالو اليهودي

قالي سقساني على مالي وداري قلتلو كاين بصح ما سقسانيش على ديني

وهذي قصة واقعية في تلمسان

وكيف تحب ربي يبارك ودروك ما يسألوا ني على دينو ولا اخلاقو يسألو برك على الدراهم ويقولك باش نضمن عيش بنتي والرسول عليه افضل الصلاة والسلام يقولك من ترضون دينه وخلقه مش ماله ولا زينه

عذرا على الاطالة
​

السلام عليكم أم أنس
والله تدخل في القمة
موضوعي زاد اعجابا واستقطابا للأعضاء بسبب تدخلك القيم
فعلا أثريت موضوعي بقصصك الشيقة والمحيرة
بارك الله فيك
ياريت الفكرة تلحق
​

 

[سمسوم]

والله الأخت فكرتني في واحد القصة

هادا واحد من مدينتي

من بريكة

المهم كان يقرى مع طفلة في الجامعة هي من باتنة

المهم كي خلص القراية راح اخطبها

باباها نقولكم شابع

مي الطفل زوالي شوية

حبابو كامل يخدم خضارة

باباها كان حاط عينو على ولد صاحبو

المهم كي راح يخطبها اداى دارهم و كامل

(والله نتفكر القصة الجسم يشوك)

باباها تلفهم من الدار

اقسم بالله يا لوكان جيت من السيد هادا الا نكرديهالو

المهم : الطفلة لتم قالت باباها يا الطفل يا نهرب

حب الأب يتلف الراجل بأسلوب سلمي

كي داروا ؟؟؟

طلب 100 مليون شرطها

و القصة في التسعينات

يعني 100 مليون تهز و تخبط

كي يدير الراجل ؟؟

تلموا حبابو و اعطاوه الدراهم

ادى المرى و راح شهر عسل لفرنسا

و منين رجع طلقها

قال باباها :

100 مليون هاديك اشري بيها راجل لبنتك

ساعات الوالدين يعميهم ربي

يولوا يخموا واحد التخمام

ربي يهدي ما خلق
​

 

[أم أنس الموحّدة]

السلام عليكم أم أنس
والله تدخل في القمة
موضوعي زاد اعجابا واستقطابا للأعضاء بسبب تدخلك القيم
فعلا أثريت موضوعي بقصصك الشيقة والمحيرة
بارك الله فيك
ياريت الفكرة تلحق
​

وعليكم السلام اخي البرصا

بارك الله فيك والله الشرف لي اني ارد على مواضيع واقعية ذات معنى في مجتمعنا معنى ملموس ومحسوس ان شاء الله يكون الموضوع سبب في هداية المعنيين

ووالله القصص اللي قلتهم كلهم واقعيين في مدينتي يعني مش متداولة

ادامكم الله للمنتدى
​

 

[BARCA232]

والله الأخت فكرتني في واحد القصة

هادا واحد من مدينتي

من بريكة

المهم كان يقرى مع طفلة في الجامعة هي من باتنة

المهم كي خلص القراية راح اخطبها

باباها نقولكم شابع

مي الطفل زوالي شوية

حبابو كامل يخدم خضارة

باباها كان حاط عينو على ولد صاحبو

المهم كي راح يخطبها اداى دارهم و كامل

(والله نتفكر القصة الجسم يشوك)

باباها تلفهم من الدار

اقسم بالله يا لوكان جيت من السيد هادا الا نكرديهالو

المهم : الطفلة لتم قالت باباها يا الطفل يا نهرب

حب الأب يتلف الراجل بأسلوب سلمي

كي داروا ؟؟؟

طلب 100 مليون شرطها

و القصة في التسعينات

يعني 100 مليون تهز و تخبط

كي يدير الراجل ؟؟

تلموا حبابو و اعطاوه الدراهم

ادى المرى و راح شهر عسل لفرنسا

و منين رجع طلقها

قال باباها :

100 مليون هاديك اشري بيها راجل لبنتك

ساعات الوالدين يعميهم ربي

يولوا يخموا واحد التخمام

ربي يهدي ما خلق
​

والله اخي واش نقولك عيش تشوف
بارك الله فيك
​

 

[BARCA232]

وعليكم السلام اخي البرصا

بارك الله فيك والله الشرف لي اني ارد على مواضيع واقعية ذات معنى في مجتمعنا معنى ملموس ومحسوس ان شاء الله يكون الموضوع سبب في هداية المعنيين

ووالله القصص اللي قلتهم كلهم واقعيين في مدينتي يعني مش متداولة

ادامكم الله للمنتدى
​

نعم معك حق في كل كلمة قلتها ام انس
والله انا عندي قصص من الواقع
والله لوحكيتها لكم
لأصبح الموضوع
عجائب وغرائب
والله قصص يندى لها الجبين
بارك الله فيك
​

 

[السلطانة]

كثر زواج
هاي باي
مالقينا مامقولو
غير ربي يسترنا برك ويطيحنا في ولد لحلال

 

[فتاة حساسة]

موضوع رائع
يستحق التقيييييييييييييم

شكرا لك اخي
جزاك الله خيرا
تقبل مروري

 

[BARCA232]

موضوع رائع
يستحق التقيييييييييييييم

شكرا لك اخي
جزاك الله خيرا
تقبل مروري

أهلا وسهلا بالجميع مشكورين على الردود الطيبة والجميلة
بارك الله فيكم
​

 

[BARCA232]

موضوع رائع
يستحق التقيييييييييييييم

شكرا لك اخي
جزاك الله خيرا
تقبل مروري

كثر زواج
هاي باي
مالقينا مامقولو
غير ربي يسترنا برك ويطيحنا في ولد لحلال

السلام عليكم
مساء الخير على الجميع
شكرا لمروركم الطيب
​

​

​

 

[chiva.]

تعرف خويا محمد زواج بكري يصدق خطرانش مهر قليل بركة كاينة كما قال الرسول صلى الله عليه وسلم اقلهن مهرا اكثرهن بركة صح كانت كاينة بركة وناس عايشين متهنيين

درك في وقتنا يزوجها لخميس سبت راهي في دارهم

اولا شروط .. السكن وخدام شهريتك فوق 3 ملايين ....

وزيد في هدا العصر تقدم وتطور زواج موداوففيه بركة راحت همهم غير المادة مشي لهناء خليهم يبورو نوريهم على تكسال نتاعهم

 

[BARCA232]

السلام عليكم
مساء الخير على الجميع
الله يبارك فيك خويا شيفا
صح كل كلمة قلتها صحيحة

​

 

[أمينة16]

خويا محمد ربي يسترنا و يحفظنا هدا نقولو

بارك الله فيك

 

[BARCA232]

خويا محمد ربي يسترنا و يحفظنا هدا نقولو

بارك الله فيك
وفيك بركة اختي أمينة
والله يعجز لسان الانسان عن التعبير عن مايجري اليوم في الاعراس
​

 

[العنابية]

ياو ودرك عندنا في عنابة مبقاوش يتزوجو غير في فرنسا ولا الماريكان وزيد الشرط محزمة فيرزتشي تع 80 مليون ياو ربي يهدي

 

[صفحة بيضاء]

سبب الطلاق هو لما الراجل يتزوج ويتفكر علاقتوا مع عائشة كانت بشرتها بيضة ويتفكر سمية كانت طويلة
ويتفكر سعاد كان شعرها طويل وشباب ويتفكر تاني وحدخرة تعرف تهدر وعندها خفت دم اكيد يمل من مرته بصح لوكان مشافش كاع في حياته كان غادي يقنع بمرته ويسكت ويقول غي مرتي لي مليحة وتاع بكري احسن منا بلبزاف وانا نشوف يلا بنت تعرفت على واحد وتزوجت معاه وطلقها نقوللها تستااااااهلي شحححححح فيك

 

[BARCA232]

مشكورين
بارك الله فيكم
ياو كل واحد يحاول ايصال الفكرة
​