ملف المعجنات والسندويشات المجربة

[حكيك]

بريوش باشيكولا.........imane27

المقادير:
600غ فرينة +250غ زبدة +200غ حليب +10غ خميرة الخبز +60غ سكر +4 بيضات +م ص ملح .
التحضير:
اخرجى زبدة من ثلاجة لتصبح طرية
ذوبى الخميرة فالماء وخليها تخمر
فى وعاء حطى لفرينة مع كل المواد ما عاد الزبدة وخلطى جيدا ثم ضفى زبدة وعجنيها مليح ثم خليها تخمر لمدة 30 دقيقة ثم اعجنيها مرة اخرى حتى يروح منها الهواء ثم حطيها فى الثلاجة لمدة ساعة .

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 615×461.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 615×461.

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 615×461.
​

​

 

[حكيك]

بريوش بالشوكولا وبشكل جديد.....nada242008

المكونات
500 غ فرينة
100 غ سكر
بيضة
80 غ زبدة ذايبة
رشة ملح
150 مل حليب فاتر
ملعقة كبيرة خميرة خبز
فانيلا
شوكولا للحشو
الطريقة
نخلط المواد الجافة ثم نضيف الزبدة الذايبة ونضع الخميرة تختمر مع الحليب الفاتر
ثم نضيفها الى المكونات حتى نتحصل على عجينة طرية
نتركها تختمر
بعدما تختمر العجينة نفردها ونقطعها الى دوائر متوسطة الحجم

ثم نقسمها ونضع الحشو ونشكلها على شكل ورود كما توضح الصورة وكي تشكلو الوردة اضغطو مليح باش ماتتحلش في الفرن

نضعها في بلاتو مرشوش بالفرينة ونتركها تختمر مرة اخرى

ثم ندهنها بالبيض وندخلها الى فرن مسخن مسبقا 180 درجة لمدة ربع ساعة تقريبا

​

 

[حكيك]

ميني بريوش............ياسمين177

السلام عليكم
المقادير:
500غ فرينة
100غ سكر 100غ زبدة
1 بيضة
فاني 1 خمارة و شوي ملح
ملعقة كبيرة عسل
ملعقة كبيرة خميرة الخبز الفورية
100 ملل ماء
100ملل حليب
التزيين :
معجون,كوكاو ,لوز ايفيلي و جوز الهند و شيكولة,صفار البيض للدهن.
التحضير:في اناء نضع الماء و الحليب على نار هادئة حتى يسخن ثم نحوه من النار ونضيف له الزبدة و نخلط حتى تدوب+ البيضة و العسل و نخلط مليح.
ثم نخلط المواد الجافة مع بعض الفرينة و السكر و الخميرة والملح و خمارة القاطو والفاني و نضيف لها السوائل ونجمع مليح ادا كانت شوي مطلوقة ضيفيلها الفرينة ادلكيها قليلا ثم غطيها و خليها تخمر.
لما تخمر كسريها وشكلي كرات صغير و ابسطيها هده العجينة قطعتلي 24 حبة وغطيها وخليها تخمر مرة ثانية ثم ادهنيها بصفار البيض مخلوط مع شوي حليب و دخليها طيب حتى تحمار ثم خليها تبرد.

ثم ادهني الوجه بالمعجون ورشي جوز الهند او كوكاو اولوز وتحبي ديري شوكولا ,اتمنى تعجبكم لانها خفيفة .

بقلم.......ياسمين177

​

 

[حكيك]

اسفنج بالصور من مطبخ امي.........nawal1980

بسم الله الرحمن الرحيم
المقادير
فرينة (اختي استعملت حوالي 1.5 كغ)
خميرة الخبز 5 م-ط *ملح حوالي م-ط غير كاملة
ماء دافئ للعجن
التحضير
نغربل الفرينة + الخميرة + ملح
نلم بالماء حتى نتحصل على عجينة بزاف طرية
نغطيها ونتركها ترتاح


كي تتضاعف الحجم نشمخو يدينا وننفضو العجينة اي نحاول نرفعها ونححطها عدة مرات

نزيدنغطوها ونتركها ا تتضاعف الحجم

نزيدو ننفضها بعدما نشمخو يدينا



نزيد نغطيها لكي تتضاعف الحجم

ويمكن اعادة الخطوة مرة تانية (نتركها ترتاح تم ننفضها)
نسخن الزيت
ونقرص العجينة قد حبة المندرين بعدما نشمخ يدنا ونسطحها ونرميها في المقلة ونعمال فوقها الزيت كل مرة كي نشوفها حمارت من التحت نقلبها ونزيد نرشها بالزيت السخون
ونتركها تقطر فوق كسكاس تم فوق ورق ماص
ونقدمها

​

 

[حكيك]

بينيي ساهل من صنعي........ياسمين177

المقادير:
2بيض
1 فاني 1 خمارة
نصف كاس صغير زيت
نصف كاس صغير سكر
نصف كاس صغير عصير برتقال
فرينة وشوي ملح
التحضير:
نضع البيض + السكر + فاني ونخبطهم مع بعض+ الزيت و عصير البرتقال و نخلط مع بعض + الفرينة وخمارة والملح حتى تتلم العجينة تكون عجينة متماسكة,نحلها بسمك 5مم و نقطع بالجرارة اصابع طوال نقليهم يحمارو ,مبعد نعسلهم ونرشهم باللوز ايفيلي او نرمدهم بالسكر قلاسي هي سهلة جدا في التحضير اتمنى تعجبكم.









​

 

[حكيك]

محجوبة من مطبخي وبطريقتي........ibtessem

محجوبة من مطبخي وبطريقتي انا
باللحم المفروم







ibtessem


​

 

[حكيك]

خبز رائع من مطبخي بالمراحل المصورة...........ياسمين177

خبز رائع من مطبخي بالمراحل المصورة
المقادير:
4 كيسان فرينة
نصف فنجان سكر
ملعقة صغيرة ملح
1 ملعقة كبيرة ونصف خميرة الخبز
ثلث كاس زيت
2 بيض
1 كاس ونصف حليب
الحشوة :
بصل مقطع رقيق
ملح و فلفل احمر حار
حبات من الفورماج قطع
التحضير:
نضع الفرينة+ الخميرة + السكر + ملح و نخلط + الزيت + البيض و نجمع بالحليب انا جاتني جارية بكمية الحليب انتم ديرو بشوي حتى تتلم العجينة وتكون متماسكة ندلكها10د ثم نغطيها ونخليها تخمر.
الحشوة:
نضع البصل + ملح + الزيت 2 مغارف + فلفل احمر حارعلى النار تذبل شوية

ثم نضيف فوقها الفورماج ونخليها حتى يمتزجوا ونطفي عليهم
لما تخمر العجينة نقسمها الى اربعة وكل جزء نشكل منه 4 كويرات في المجموع تجي 16 كرةهذه الصور.

​

غطي الكويرات حتى العجينة ما تنشفش ثم نحل الكرة الاولى بالحلال تكون رقيقة
ندهنها بزيت الزيتون ونعاود نحل الكرة الثانية وندهنها ونحطها فوق الاولى حتى نكمل 4 كرات نحلهم الرابعة مندهنهاش بالزيت ثم نضع الحشو ونلوي على شكل حربوش و الصورة توضح
ثم نقطع الحربوش الى مثلثات متخالفة و الصورة توضح
مبعد نديرهم في صينية مدهونة ونبعدهم غير على بعضهم ثم ندهنهم بالبيض ونرش وحدة عليها جلجلان ووحدة سانوج ونخليها تخمر وندخلها تطيب حتى تحمار

ثم هاهي واجدة



ياسمين177
​

 

[حكيك]

بريوش من مطبخي........اماصيل

بريوش من مطبخي

المقادير
600غ فرينة-
250غ زبدة
-200غ حليب غبرة
1ملعقة كبيرة ونصف خميرة الخبز
-رشة ملح-
من 3الى5حبات بيض
-250غ سكر
التحضير
:نضع الفرينة+الحليب غبرة +الملح+السكرنخلط جيدا نضيف الخميرة مدوبة في قليل من الماء الدافئ نخلط جيدا نضيف البيضات حسب الحاجة حتى الحصول على عجينة ملساء ومطاطية نتركها ترتاح بعدها نعجنوها بكمية الزبدة المدكورة بالتدريج نتركها تخمر مدة نصف ساعة بعدها نعجنوها مليح وندخلها الثلاجة ساعة كاملة بعدها نشكلوها حسب الرغبة ندهنوها بصفار البيض المخلوط مع قليل من الحليب ونرشه بالسكر حرش ندخلها فرن مسخن مسبقا وشهية طيبة.​

ام اصيل

​

 

[حكيك]

طورطات صغيرة بالسلق........كوكي الشمس

عجينة:
03 كيلات فرينة
كيلة زيت أو سمن
بيضة
ملح
ماء دافىء لجمع العجينة
نتركها ترتاح ثم نوضعها في لي مول صغار

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 1024×768.

نحضر الحشو بالسلق و اللحم المرحي ، طماطم و توابل و بيضة
و نضع عليها قطع جبن و زيتون

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 1024×768.

نضع الحشو ، ثم ندخلها الفرن حتى تنضج

​

 

[حكيك]

تورت صغيرة باللحم المرحي .........nada242008

لعجينة
3 كيلات فرينة
3/4 كيلة مارغارين ذايبة
1/4 كيلة زيت
رشة ملح
ماء دافي للعجن

نخلط المكونات ثم نتركها ترتاح لمدة نصف ساعة ومن بعد
نقسمها الى قسمين
نفرد النصف الاول في قوالب فردية ونثقبها بالفرشاة

ثم ندخلها الى فرن مسخن مسبقا 180 درجة

الحشو
نشوح بصلة مقطعة الى مكعبات في شوية زبدة + ملح + فلفل اكحل ثم نضيف لها اللحم المرحي ونتركه على النار حتى ينشف من الماء وفي الاخير نضيف معدنوس مفرومة + رشة جوزة الطيب
ثم نحضر البيشامال
مغرف ونص زبدة + 2 مغارف فرينة + ملح + فلفل اكحل + رشة جوزة الطيب على النار ثم نضيف لها الحليبو جبن مثلثات ونخلط حتى نتحصل على بيشامال عاقدة
لازم ماتكونش سائلة باش ماتتبلش العجينة
ونخلط البيشاميل مع خليط اللحم المرحي
بعد ماتطيب العجينة اللي في الكوشة نخليها تبرد
ثم نضع الحشو على التارتولات ثم الجبن المرحي

ثم نفرد القسم الثاني من العجينة بسمك رفيع جدا
وندهنها بالبيض ونرشها بالسينوج

ثم نعيد ادخالها الى الفرن ونشعل عليه من الفوق باش تطيب العجينة الفوقانية

وهذا شكلها بعد ما تطيب

​

 

[حكيك]

سندويتشات خفاف لصيف ............ibtessem

سندويتشات خفاف لصيف
الفطاير او سفنج او لخفاف
عملتو كويرات
قلت نعملهم سندويتشات اليكم المقادير
المقادير
سندويتشات طابين بالعجينة الخفاف
بيض مغلي ومقطع رقيق
بطاطة مغلية ومقطعة رقيقة
زيتون مقطع
هريسة محلولة في قليل من الماء
تونا او سردين العلب تاع طماطم
التحضير نخلط الكل مع بعض ونضعهم في السندويتش ونضع عليهم قطرة الزيت زيتون من الفوق
شهية طيبة للجميع

 

[حكيك]

مسمنات معمرين من كوزينتي ^_^.........sandoussa3000

السلام عليكم

شوية لحم مرحي
بصلة ولا زوج
قصبر و معدنوس قطعيه شوية شوية
الزيتون الأخضر ثاني قطعيه
شوية برك ملح
شوية كمون مش بزاف
فلفل احمر +فلفل اكحل
الا بغيتي الحار زيدي الهريسة
طريقة التحضير
حمري كلشي فالمقلا على نار هادئة مع الزيييت ولا الزبدة وتبداي تخلطي
بالشوي
اما العجينة
فرينة + دقيق عادي
قليل من الزبدة (حوالى ملعقة كبيرة)
الملح
خلطي الدقيق بالماء الدافئ ويدلك جيدا حتى يتجمع الكل
والطريقة بالصور
تديري كويرات صغار من العجين​

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

وتبداي تكوريها وحدة بوحدة وتعمريها بالحشوة لي تحضرات قبييلا منبعد ما تبرد
وتحطيها فالبلاطو تاع الفرن حتان كي تكملي العجينة

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

مبعد قلبيها في البلاطو قبل ماتحطيها تطيب

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

مبعد ندهنو المسمنات بشوية بيض ونزيدو عليهم فرماج و وندخلوهم الى الفرن
​

هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 640×480.

​

 

[حكيك]

كيش بالدجاج سهلة .............ياسمين177

عجينة المكسرة
250غ فرينة
ملعقة صغيرة سكر
نصف ملعقة صغيرة ملح
125غ زبدة مقطعة قطع صغيرة
1 بيضة
الحشوة:
صدر من الدجاج مقطع قطع صغيرة
فلفل اكحل
ملح
معدنوس
بصلة مقطعة رقيق
قليل من الزيت
ماييز
خليط الكيش:
4 بيض
3 مغارف قشدة و 3 مغارف حليب
ملح وجوزة الطيب
فورماج مرحي
التحضير:
نحضر العجينة المكسرة نضع الفرينة والملح والسكر+ الزبدة قطع ونحك قليلاثم نجمع الخليط بالبيضة حتى تتلمنغلفها وندخلها للثلاجة ترتاح 30د.
الحشوة:
نضع القليل من الزيت في اناء على النار + البصل + الدجاج+ ملح وفلفل اكحل ونقلي مليح + معدنوس ونخليه على نار قليلة حتى يطيب الدجاج لان مقطع قطع صغيرة فيسع يطيب وخليها تبرد.
نحل العجينة ونضعها في مول مدور او مول صغار ونثقبها وندخلها تطيب نصف طياب ثم نجبدها ونضع الحشوة فوقها ونوزع الماييز

ثم نحضر خليط الكيش نضرب البيض + القشدة + الحليب + ملح وجوزة الطيب ونفرغوه فوق العجينة ونرش جبن مرحي من الفوق

ندخلها للكوشة تكمل الطياب وتحمار .








​

 

[حكيك]

بريوش خفيف من صنعي.............nada242008

المكونات
كيلو فرينة
7 مغارف اكل سكر عادي
3/4 كوب زيت
ملعقة اكل ونصف خميرة خبز
فانيلا
صفار بيضة
حليب للعجن
للتزيين
بياض بيض + جلجلانية
الطريقة
نخلط الفرينة + السكر + الفانيلا ثم الزيت
نحط الخميرة تخمر مع شوية حليب دافيء وسكر
ثم نضيف الخميرة الى خليط الفرينة ومعها صفار بيضة
نتركها ترتاح ثم نواصل العجن مع اضافة كمية من الحليب الدافىء تدريجيا
حتى نتحصل على عجينة طرية
نتركها تختمر مرة اخرى
ثم نقسمها الى قطع متساوية

نشكلها الى كريات ونضعها في بلاتو مدهون بالزيت

نتركها تختمر لمدة ربع ساعة ثم ندهنها بياض بيضة مخفوق مع رشة سكر ونزينها بالجلجلانية
وندخلها الى فرن مسخن مسبقا

 

[حكيك]

سندويشات كباب.............falousa

سندويشات الكباب​

المقادير​

3 كيسان فرينة​

3 ملاعق صغيره خميره الخبز​

2 ملعقتين كبيرتين سكر​

كأس أو أكثر ماء​

ملعقه صغيره ملح​

الحشو عباره عن كباب دجاج نحتاج الى
دجاج مفروم -بصل مفروم ناعم - ثوم مفروم ناعم - فلفل اخضر - بياض بيضه - بقسماط -كمون -كزبره - قرفه مطحونه – ملح

والان خمرت العجينه وهذا شكلها

والان نقوم بتقسيم العجينه الى 8 كرات ونقوم بفردها بشكل قرص

ونقوم بخبزها على تاوه أو مقلى تيفال وهنا أنا قلبتها وستلاحظين أنها ستنتفخ

والأن نقوم بحشو الخبز نضع الكباب والبطاطس المقلي والخضار وصلصه وهي عباره عن ملعقتين مايونيز وملعقتين روب وفص صغير ثوم

ثم نلفه وهاي شكلة النهائي

falousa
​

 

[حكيك]

بيتزا couverte من مطبخي.............ياسمين177

المقادير:
عجينة مورقة
الحشوة:
بصلة كبيرة مسكرفجة
2 حبات قرعة مسكرفجة
2 حبات طماطم مسكرفجة
قسبر مقطع
ملح وفلفل اكحل وكمون
زيت
باطة طون
بيض مغلي
صفار بيض للدهن التحضير:
نبدا بتحضير الحشوة نضع القليل من الزيت في مقلاة على النار + البصل والقرعة والطماطم + ملح وفلفل اكحل + كمون ونخليه على نار قليلة حتى يطيب + القسبر نطفي عليع ونخليه يبرد ثم نضيف له الطون والبيض المغلي نكون سكرفجناه مع الخليط.
ناتي للعجينة المورقة نحلها تكون شوي رقيقة ونديرها في مول مدهون بالماءونخلي الحواف نازلين على المول

ثم نضع الحشوة فوق العجينة ونسويها مليح
على فكرة هذه الحشوة جديدة بالخضر الاطفال ما ياكلوش الخضر بهذه الطريقة رايحين ياكلوها

ثم نغطي الحشوة بعجينة اخرى ونظفر الاطراف مليح

ثم ندهنها بصفار البيض محلول بشوي ماء ونحل بقايا العجينة ونطبع اوراق وورود على حسب الذوق ونحطهم فوق العجينة ونعاود ندهن بصفار البيض


مبعد ندخلها لفرن سخون لان العجينة المورقة تحب الفرن يكون سخون200درجة ونخليها حتى تحمار .



ياسمين177
​

 

[حكيك]

ترتيلة من مطبخي...........ibtessem

اوراق تورتيلة
​

خضار مشكلة حسب الرغبة مطحونة غير مطبوخة اي نية
​

زيتون اخضر مقطع دوائر
​

كروفات
​

جبن مرحي
​

بصل مقطع خشن
​

زيت زيتون لطهي
​

ملح وفلفل اسود
​

التحضير
​

نسخن المقلات ونضع فيها الزيت ندبل البصل اولا
​

نضيف الخضار مع الملح والفلفل الاسود
​

ثم الكروفات
​

عندما تبرد نضع الزيتون والفرماج
​

اليكم الصور لتوضيح اكثر

​

​

​

​

​

​

​

 

[حكيك]

(خبز من مطبخي بالصور) «(·°¯`·.·÷

السلآم عليكم ورحمة الله​

المقـآدير:
3 ك فرينة
1و1/2 م ك سكر
1م ك خميرة غير مملوءة فورية نآعمة
1 م ص ملح
2م ك زبده طريه
1 بيض
2 م ك لحظة
مـآء حسب الحآجة

طريقة التحضير :

توضع الفرينة والملح والسكر والخميرة واللحظة والزبدة
والبيضة ويخلط الكل مع بعض ثم يجمع الكل بالمآء وتعجن
جيدآ تترك على جنب لمدة 10د وتعجن مرة أخرى جيدآ
تكور حسب الرغبة كبيرة أو صغيرة وتوضع في الصينية
وتدهن بالبيض وتترك لتخمر

هنـآ بعد مآ اتخمر

ويدخل للفرن المسخن على درجة حرآرة عآلية قليلآ
ويترك ليطهى لمدة 15د وهنآ لمآ أخرجته من الفرن

بعد مـآ برد :wink:

​

 

[حكيك]

معجنات سهلة ولديدة من مطبخي ...............ابتسام177

المقادير:
العجينة:
2 كاس ماء دافئ
نصف كاس زيت
فنجان صغير سكر
ملعقة صغيرة ملح
2 ملاعق كبيرة خميرة
2 ملاعق لحظة
5 كؤوس فرينة
الحشوة:
حسب الاختيار
زيتون وطون وفورماج ..الخ
للدهن:
صفار البيض و سانوج وجلجلان وزعتر وحبة الحلاوةو اعواد من الخشب
التحضير :
نبدا بالعجينةهده العجينة رائعة تجي مثل القطن تصلح للبيتزا وانواع المعجنات:music_whistling:

نضع الماء+الزيت+السكر+ملح+لحظة+الخميرة ونخلط +الفرينة وندلكها قليلا ثم نخليها تخمر ثم نكسرها ونشكل كرات صغيرة ونحشي كل كرة حسب الرغبة ونديرهم في اعواد الخشب المخصصة للشوي ثم يخمروا 10د فقط



ندهنهم بصفار البيض مخلوط مع شوي حليب ثم وحدة نرشها جلجلان الاخرى سانوج والاخرى زعتر ...الخ
ندخلهم يطيبوا بالصحة.
اتمنى تعجبكم وتجربوها.:heh:




​

 

[حكيك]

خبز بنيني...............حكيك

اليكم بنيني
​

المقادير
نصف كاس ماء
ملعقة زبدة
نصف كاس حليب سائل
ملعقة خميرة العجين
ملح
ملعقة سكر
4كيسان طحين
اجمعي كل المكونات وادلكي شوية خليها ترتاح
ثم زيدي فشيها
شكلي كويرات مدديها قليلا ثم اطويها على
نفسها كالحربوش
صغير اطلي فوقها الحليب سانوج واتركيها تخمر مرة اخرى
ثم ادخليها الى الفرن