هذاك صاحبي

[programmeur]

السلام عليكم


كلمة صاحبي ولات وسيلة ....... يpروفيتو بيها ويديرو الحبات
حتى انت يا دنيا وليتي هبيلة ........ كترتي منهم ولاو أولوفات
باه تعرف اللي يبغيك ولات مشكلة ....... تالمو كثر الvيس وصحاب الهفات
وحنا نحشمو وتجينا ثقيلة ....... مانجرحو ناس خاطينا القزوات
باقي ولاد الناس بصح حاجة قليلة .......... زوارة ورجال ويطيحو في دمعات
أما لخرين تعرفهم في عوام يبدلك في ليلة .......... ميشوفو العشرة ومايشوفو اللي فات
كثرة البهايم وقوات الحيلة ......... وكلشي هدرتهم غيل على الحبات
انا اللي مهبول والله واقيلة ........ مايسووش بصلة ودايرهم سادات


على أما أظن غيل هده الكلمات تكفي
​

 

[فتاة حساسة]

راك دير الشعر يا خو
يسعدني ان اكون اول الرادين
شكرا على الشعر
سلااااااااام

 

[Soumia_Sétifienne]

هذا شعرررررررررررر ولا بطل يعطيك الصحة فووووووووووووووووور

 

[Dr.CrAzY]

وعليكم السلام
أيووواه هادي تع بلال
الصحبة ياخويا راحة باي باي
المحبة تع اليوم غير vـيس
gـاع يـpروفيتو وراهم طاي طاي
أنت معاهم نية وهوما طامعين يدخلولك دخلة سونتيمونتال
*
كثرة البهايم وقوات الحيلة ......... وكلشي هدرتهم غيل على الحبات

عندك الحق ياخويا حتى الصحابـ لي زعمة صح.. يقدر يجبد بيك الزربية فيـ أي وقت
الرجال نقصوا...

مشكور


​

 

[BeSt GlAdiAtOr]

صححححححححح خويا
هد هي الدنيا
يقولك صاحب جارنا طبيب
ههههههههه
كلشي بالهف والكدب ​

 

[loca]

هههههههههه والله غي شعر زين بزاااااااااف تعرف لوكان كنت في عهد عنتر لوكان خلات على عنتر مرسي عليك بصح هادي دنيا عيش تشوف بصح متنخلعش مزال 2013 مزال ليامات وتشوف راه كلش ماشي .

 

[programmeur]

شكرا لكم وبارك الله فيكم
هدا كلام الشاب بلال ربي يحفظو

 

[MR-REDOUANE]

أما لخرين تعرفهم في عوام يبدلك في ليلة .......... ميشوفو العشرة ومايشوفو اللي فات
يعطيك الصحة خويا
​

 

[minakapi]

cooooooooooooooooolllllllllllllllllllllllllllll