الذهبـــــــــــــــ ـــــــ الذهب شكون يشريه؟؟؟؟؟؟؟؟؟؟؟؟؟؟

[عاشقة رجاص]

السلآمـ عليكمـ ورحمة الله وبركآته:
قُم في الدُجى واتلُ الكتابِ ولا تنم
إلا كنومةِحائرٍولهانِ
فلربما تأتي المنية بغتة
فتساق من فرشٍ إلى أكفانِ
يا حبذا عينان في غسق الدجى
من خشيةِ الرحمن باكيتانِ

صبآح /مسآء الخير عليكمـ
أعضآء وروآد منتدى اللمة الج زائــــرية
اتمنى أن تكونوا في صحة وعآفيــــــــــه أمآ بعد:
يآجمآعة الخير اليومـ الصبآح رحت مع بنت عميـ نقضيو وية باسكو رآهآ تشور ــــــــــ نظن تعرفو واش معنتها تشور = تشري حوايج ولبسة وفراشات وذهب قبل العرس
آه قلت ذهب:mellow:
سبحآن الله مآزلت نهدر عليه بعد اللي شفتو:mellow:
قآلكـ طولـ الطريق وهيـ:
نشري ونشري ونشري ونشري ونشري ونشري نشري ونشري ونشري ونشري ونشري ونشري نشري ونشري ونشري ونشري ونشري ونشري نشري ونشري ونشري ونشري ونشري ونشري نشري ونشري ونشري ونشري ونشري ونشري :mellow: نشري ونشري ونشري ونشري ونشري ونشري نشري ونشري ونشري ونشري ونشري ونشري نشري ونشري ونشري ونشري ونشري ونشري هبلتنيـ بهآد الكلمة
المهم وصلنآ وين يبيعو الذهب ميـ لآحظنآ وحد الظآهرة غريبة جدآآآآآآآآآ
حوآنت معمرين والنآس ضرب الدبزة:mellow: وحوآنت الذبآن [حاشآكمـ] مآيروحش جيهتهم:mellow:
أيآ سقسينآهم وآش صآر هنآ
قآلونآ هذآ الذهب faux ولا كيما نسموه بالدارجة [الفولصي:001_smile:] يعني مش ذهب معآدن أخرى مشللة بالذهب وأكيد أقل ثمنآ من الذهب مي مش رخيسة بزآآآآآف مثلا الخاتم يكون ب300 أو 400 مي تاع الذهب بــ .................مآزآلني نهدر على الذهب:bored:
المهمـ بنت عميـ قآلتليـ
لآآآآآآآآآآآآآآآآآآآآآآ مستحيل نديـ هذآ أنآ نديـ غير لـ vrai :thumbup1:
مآعليهش يآلآلة هيآ نرورحو جيهت لفري تاعك
رحنآ للحوآنت الفارغين
السلام عليكم
وعليكم السلام
أيآ الطفلة شآفت منآ زآدت منآ
قآلت هذآ وذهب وعليه لكلآم:001_smile:
أيآ قآلها مول الذهب بيان سير ختي هذآ من..........وبدا ليستوار تاع العادا بلا مانحكيها:thumbup1:
المهم الطفلة غلطت مسكينة هههههههه قالت هذآ الgورمات بشحآل
قآلها وينا هذى السامبل
قالتو هيه
قألها 3 ملاين:blush:
وهاد السنسلة
قالها ب 5 ملاين
قالتلو ياخويا سقسيتك على gورمات وسنسلة مآشي على حانوتك كآمل
قألها هدي هي السوق ختي الله غالب:mellow:
العالم كامل غلا فيه الذهب
قالتلو مي نتوما كي يغلا تغلوه وكي يهبط تخلوه غالي
قالها الله غالب الخبزة:thumbup1:
أيآ الطفلة سامت وصامت ههههههه يعني أوتوماتيكمون بلاماتسقسي على المحزمة المشبكة والفم وجماعتهم:laugh:
خرجنا من الحانوت وهي مصابة بصدمة مخية + نوبة مادية + هزة مالية:tongue_smilie:
شافت مع حوانت الفو وقالتلي والله صدقو هاذ الناس هذا واش ينفع مي الذهب..........
سبحان الله مآزآلني نهدر على الذهب :mellow:
المهم يآجمآعة الخير رآني طولت بزآآآآآآآآآآآآآآآآآف
نخليلكم التعليق
ونقولكم حآجة بيناتنآ
لاحظت جمآعة بزآف عندهآ رآعي رسمي لموآضيعها
خممت شوية وآش اللي ينفع
ولقيت باللي الراعي الرسمي المناسب لمواضيعي هو:












ههههههههههه ينفعنآ بزآآآف فالصيف:wink:

​

 

[عاشقة رجاص]

 

[MR-REDOUANE]

الغاشي الراشي كيما حنا يشرو الفولصي و البلاكيور و تع الصح يشريه حمود بوعلام و جماعتو

​

 

[momoude]

الذهب كاينلو ماليه كاين ليقدرو يشروه
يعطيك الصحة على الموضوع

 

[عاشقة رجاص]

الغاشي الراشي كيما حنا يشرو الفولصي و البلاكيور و تع الصح يشريه حمود بوعلام و جماعتو​

​

عنكـ الحق خويا mr-redouane
مي حتى البلاكيور والفولصي ودارو شانهم الله غالب
مشكور خويا بارك الله فيك على المرور الطيب​

 

[برنســ اللمة ـيسة]

ايه و الله صح اختي الذهب ما رايح يطلع مي الناس مش طالقاتو بصح نقولك حاجة ماكانش كيما الذهب vrai و هدا البلاكيور كيما راكي تقولي راهو يدير الحساسية و يزيد يبياض من فوق

 

[عاشقة رجاص]

الذهب كاينلو ماليه كاين ليقدرو يشروه
يعطيك الصحة على الموضوع

إيـــه ماليه فلان وفلتانة غير هوما ولاو يgزيستيو فبالبلاد
أما حنا أكل علينا الدهر وشرب
طاح راح
مشكورة أختي على المرور بارك الله فيك​

 

[عاشقة رجاص]

ايه و الله صح اختي الذهب ما رايح يطلع مي الناس مش طالقاتو بصح نقولك حاجة ماكانش كيما الذهب vrai و هدا البلاكيور كيما راكي تقولي راهو يدير الحساسية و يزيد يبياض من فوق

صح البلاكيور مش مليح وزيد الذهب يقعد للزمان يعني ممكن الإنسان يحتاجو
بالصح الله غالب لي بري تاعو والله خيالية
مشكورة أختيprincesse wa على المرور والله نورتي بارك الله فيك​

 

[nina bonoise]

كل واحد وش يقدر يشري
و كيما قالت momoude الذهب عندو ماليه

​

 

[نور الصباح الجزائرية]

انا نحيتو قع من القاموس تاعى

 

[Sârsoùra L'mkàlChà]

الحمدلله ما نحبش الذهب
غير الفضة
​

 

[زمردة الايمان]

مزال الحال عليه
واش غصبني
​

 

[عاشقة رجاص]

كل واحد وش يقدر يشري
و كيما قالت momoude الذهب عندو ماليه

يا العنابية ختي والله الذهب قريب نوليو نشوفوه غير فالتيليفيزيون يعني إدا عندك كانش حاجة من وقت الغفلة غير خبيها سينو..........
مشكورة حبيبتي على المرور منورة كي العادة ختي:001_wub:​

انا نحيتو قع من القاموس تاعى

نستناو كاش ما يبدعو خاوتنا فلاشين ويبيعو ذهب تايوان:biggrin:
مشكورة نور الصباح نورتي ختي​

 

[عاشقة رجاص]

مزال الحال عليه

واش غصبني ​

صح عندك الحق ختي مي هاكي تعرفي عوايدنا يعني درك والو مايحتم مي كيما بنت عمي قريب عرسها لازمها تشري ذهب يعني من العادات :glare: وزيد كلما يروح الوقت كلما يغلا الذهب
شكرااا إيمان نورتي ختي​

الحمدلله ما نحبش الذهب

غير الفضة​

والله صراحة مام أنا ماعندي حاجة فيه
يعني نحب حاجة خفيفة وسامبل أما هذاك الخلاط والله لا معنى له
شكرااااااااااااااا سارة منورة ختي​

 

[بنـ MaPa ـت]

koulilha techri el nhase yaw khir menhoum kamel ou rkhise....Merci khti 3la lmawdou3​

 

[aMiNa-K]

ايه و انتوما واش داكم للحوانت .. سورتو ادا كانت بلاصة وين يبيعو غالي

لوكان راكي في الجي نقولك يا اختي غير شوفو راجل يديكم لسوق الدلالة الدهب يتباع رخيس لتماك

​

 

[عاشقة رجاص]

koulilha techri el nhase yaw khir menhoum kamel ou rkhise....Merci khti 3la lmawdou3​

مام النحاس وغالي
شفتي السينيات تاع النحاس بمليووووووووون السامبل خلاص
مشكووورة سوندرين حبيبتي :001_wub:​

 

[عاشقة رجاص]

ايه و انتوما واش داكم للحوانت .. سورتو ادا كانت بلاصة وين يبيعو غالي​

لوكان راكي في الجي نقولك يا اختي غير شوفو راجل يديكم لسوق الدلالة الدهب يتباع رخيس لتماك ​

والله يا أمينة ختي الذهب عندنا غير فالحوانت وفايت بزااااف في كلمة غالي راه يشوي
زعما صح رخيس تما
والله نقولها ونفرحها شوية ترجع لعقلها وتتكالما:biggrin:​

 

[Mr mino]

الحمد لله يا ربي اللي عفانا ربي حنا الرجالة من الذهب تهنينااااااا

ههههههههه

والله صح اختي عاشقة رجاص غير صح الذهب ولا حاجة بيزار عند وحد الغاشي مسكين

تقولي كلمة الذهب قدامو يتخطف مسكين تالمو غالي عليه وكيما قلتي الفالصو هو الحل بصح مكان مكان

تخطيك من الذهب تع الصح الباقي كامل طيش عليك مي الذهب تع الصح الغرام بمليار و200 شكون يلحق يشريه

المشكل انو غالي ممي النسا مراهمش حابسين عليه يشروا نورمال

حالة كبيرة

يعطيك الصحة عاشقة رجاص هاودي مواضيعك ديما شابين وطريقة العرض ماتنحكيش

ربي يبارك في عقلك

ميرسي بزاف خيتو

ايا في لمان تربحي


​

 

[im£ne]

وعلاش يبها هاك؟؟ طفلة تدي معاها فاليزا ذهب
و من بعد تحطو تخافو لاينسرق..
انا بعد كونتر سيرتو دركا مين غلا..
خليناه لماليه..