هل يؤدى الاختلاف فى اللهجات الى مشاكل احيانا

[M!ss D!or]

oui ana sratli mais hmdl doka çv walite nafham

 

[wahid47]

يعطيك الصحة اختي صباح على الموضوع
بالفعل اللهجات نتاع الدزاير تختلف كاين وكل حاجة كيفاش يقولولها على حساب المنطقة
اما بالنسبة لكلمة لي تكون عادي في منطقة ما وبلاصة اخرى تعتبر عيب ولا مش مليحة هيا صح تسبب احراج لكن اكيد الشخص مش راح يقصدها حاجة مش مليحة
على العموم موضوع شيق ولي عودة للموضوع
تقبلي تحياتي وشكرا
​

 

[Bob Marley]

صح عندك الحق أنا صرات لي واحد الخطرة عيطلي صاحبي من عنابة يقرا معايا فالجامعة قالي علاش ماجيتيش اليوم تقرا . قوتلو راك خالط فالنيميرو هههههههههههههههههههههههههه

خوي احنا في عنابة نهدرو هكذا
جيتي كليتي سمعتيني هذا هو لقماش
ويقولنا راهي الهذرا تعكم كي تع التونسة
لا تونس ايزيد فاه انت ايقلك انتي
هذرا تع لعنابة المكثري نحكيو بلgومينا:sneaky2: هههه
واش بيك اصحيبي متقلقنش راني نفسخ لمضا:cursing:
ههههه:001_wub:​

 

[Moha le sage]

والله صدقيني عندي مشكل كي نحكي مع خرين من غرداية في التلفون نبقى نقلهم كل مرة عاودو اشرحولي ..

زيدي على اللهجات اسامي الماكلة اللي ماشي كيف كيف ..

القضية قضية وقت ..لازم واحد يدي وقت وهو يهدر مع الشخص لاخر باش يبدا يفهم الكلام ومعانيه



يعطيك الصحة على الموضوع

 

[كبرياء دمعة]

طبعا تأدي لمشاكل...:scared:​

مثلا واحد من الشرق يقولي
جيبلي زوج عضمات (يقصد زوج بيضات)
أنا نجيبلوا:

​

هههههههه
صح احنا تانيك نقولوا بيض
ما نقولوش لعضام
و صح اللهجات تختلف مى ما ظنيتش تولى مشاكل
رانا كااامل دزيرييييييييين​

 

[نور الصباح الجزائرية]

شكرا لكم جميعا و طبعا المة كاينة باش نستفيدو نتعلمو لهجاتنا كامل بارك الله فيكم

 

[fahima m]

ايه سعات تصرى مشاكل مرة صراتلي انا كي تقول كلمة ممكن عندهم مش مليحة والعكس
​

 

[.:nassima:.]

اختلاف في اللهجات يودي الي مشاكل
اممممممم
انا نقول يخلق صعوبات في التواصل
مي مايخلقليش مشاكل

 

[nounanouna23]

oui kayna 7na ficar9 ngoulou )kan lhih )ma3naha )w3and les algerois adana ......la mieur ki ygoulou (lamsid)=lmadrassa

 

[sona-dz]

كل واحد كيفاه يقول حنا تع تبسة نقولو عضام وانتم تقولو بيض حنا نقولو واشك نتم تقولو واش راكم حنا نقولو ياسر انتم تقولو بزاف...........

 

[حياة سعيدة]

واالله غير اشكال مع اللهجات مرات والله ما نفهم نقول ايه برك

كيما انا في برج منايل عندها هدور ما يتقالوش في مستغانم

وكي نجي لدارنا في مستغانم نبدا نهدر بالهدرة نتاعا نصيب الناس كامل هربو عليا


والله غير تحير سورتو كي متعرفش اللهجات تتلفلك حتى تولي تهدر بالفرنسية تفاديا لهاته المشاكل والله غير عيب كبير لينا

 

[ĜąМę ǒVĕŗ]

سي يسرى بروبلام مي لكاننو فاهمين ينجمو يحلوها​

 

[وليد الحضنة]

فعلا اختي نور انا راي الخاص ومن خلال انني تجولت في عدة مدن من مختلف جهات الوطن لاحظت بعض الاختلاف في بعض اللهجات ومعانيها فتجدين بعض الكلمات تنطق في جهة ويقصد بها شيئا وفي منطقة اخرى يقصد بها شيئا اخر ؟؟
حتى انه في بعض المناطق هناك كلمات لاتنطق لانها تقصد بالعيب والعكس نجدها في منطقة اخرى نطقها بين الناس عادي جدا ؟؟؟
​

 

[azzedine02]

كاين خمسين مشكلة
مشكوووووووور على الموضوع

 

[AMIN47]

شكرا لك علي الموضوع

فعلا أحيانا تؤدي إلي خلافات بسبب عدم تناسب معني الكلمة بين عرش وعرش،
وراكي تعرفي نور كيما عندنا فالقرارة بصح الحمد لله مكاش خلافات................

:sheer::sheer::sheer::sheer::sheer::sheer::sheer::sheer::sheer::sheer:

 

[zi_crazy]

هي بالنسبة للهجات نورمال، كانوا يقرو معايا ناس من 48 ولاية و جامي صرى سوء فهم بيناتنا

مي نعقل خطرة وحدة صحبتي مسيردية كنت انا و ياها و زوج من المدية قالتلهم كلمة ، قالولها شا قلتي ، هذي الكلمة كون يسمعونا قلناها في الدار يطردونا

يعني في الغرب عادي مي في الشرق ماشي عادية و بالاك كاين كلايم تاني في الشرق نورمال بصح هنا في الغرب لا

مرسي اختي

سلام​

 

[رقيقة المشاعر]

انا نورمال نقدر نهدر كامل اللهجات...
مثلا انا من الغرب كي نتعامل مع تاع الشرق نهدر معاهم بهدرتهم باه مايصراش سوء تفاهم و بهدرتي خطراتش مي ما نتهاوشوش على خاطر هذا كيما هذي بالعكس نتعلمو من بعض
اصدقائي الشاويين فالنت راهم يعلموني الشاوية :sheer:

 

[remanous]

طبعا تأدي لمشاكل...:scared:​

مثلا واحد من الشرق يقولي
جيبلي زوج عضمات (يقصد زوج بيضات)
أنا نجيبلوا:

​

هيه صح مام انا صراتلي لحكاية تاع لعظام ....قلتها لصاحبتي من الجنوب ما فهمتهاااش

ما ظنيتش يصراو مشاكل مي هكدا خير نتعلمو الهدرة تاع ولايات لخرين

كيما انا كان عندي بربلام مع اللهجة الاغواطية باسكو يقولو للحرف غ حرف ق

مي دركا صيبون تعلمت اللهجة تاعهم

و بما اني عايشة في ولاية و اصلي من ولاية راني نحكي زوج لهات واحدة في الدار و وحدة برا

راني طولت عليكم صحا سحووركم​

 

[sandybelle]

طبعا تأدي لمشاكل...:scared:​

مثلا واحد من الشرق يقولي
جيبلي زوج عضمات (يقصد زوج بيضات)
أنا نجيبلوا:

​

:music_whistling::music_whistling:

 

[يسرى 2008]

صح كاينة منها
انا مرة طفلة قاتلي اختي اكي شابة قلتلها مالا عزوزة هههه
سورتو حنا العنابيين عندنا لهجة سبيسيال حتى واحد ميفهمها
مام القالمين ساعات نحيل في هدرتهم مش كيفنا
مي خويا القلب الصافي وحب الي تحكي معاه والاحترام
تزيد العلاقات وميتغير والو بالعكس تتعلم عقليات الغرب ووووو
وتكون عندك نبدة على حياتهم وتفكيرهم مشكور