محقـــور ويحقــر

[Manar19]

احلى سلاااام
اليوم حبيت نحكي على حاجة وظاهرة الكل ميحبهاش
اكيـــد....وللي هي الحقـــرة... في الخارج كاينة لحقرة
بويسك لاولية لاهل البلد ...وزيد نضرة الغرب للمسلمين
و الحقرة للي في بلادنا...واحد طالع يحقر للي قل منو
وللي عندو الدراهم يحقر الناس المحتاجة والخ
وكي تروح لكاش ادارة ومتكونش مبيش وللا معندكش المعرفة
يحقروك...واكم تعرفو العقلية
بصح انا روماركيت حاجة في لعباد تاعنا
انو كل واحد يحقر للي قل منو...يسمى حتى للي قليل
ومحقور... ومسؤول في كاش حاجة...ويلقى
للي قل منو يوللي يحقر...كما انا ليوم فايتة
شت وحد المنظر والله كون جيت راجل اني دخلت
شت واحد يبيع في وحد لحشايش هك والتوابل
جا واحد قدامو ينشر باه يبيع
واش نقولكم شبعو سبان وكان راح يضربو:cursing:
وهداك جان صغير يسمى ميفوتش 18سنة
والله غاضني:crying:
يسمى حبيت نوصل لنتيجة وللي هي
محقور ويحقر
ومتقولوليش بللي لانسان كي يتعرض للحقرة
يتاتر ويوللي يحقر
بويسك لانسان بمبادؤو وتربيتو
سمحوللي طولت عليكم
تقبلو تحياتي

​

 

[PH.AGNEAU]

haki hadi man9adach na7ki 3liha psq kon na7ki gadi nab9a nkata3 aya wn5af 3la rou7i

 

[adnandz]

ياو تحيا الحرقة

 

[cocasse]

الحقرة....................الأسم الثاني للجزائر
واش رايحيين نديرو هكدا بلادنا الكل تحت القانون و القانون فوق الجميع

 

[oussama_ess1]

القانون فوق الجميع والجميع يموت بالجوع
في بلادنا القرش ياكل السردين بمعنى اخر القوي ياكل الضعيف

 

[cocasse]

القانون فوق الجميع والجميع يموت بالجوع
في بلادنا القرش ياكل السردين بمعنى اخر القوي ياكل الضعيف

والله غير عييت نتفكرها ما لقيتهاش

 

[sahiko hamza]

كاينة هاذي وعادي خلاص
انتم مجتمع النساء تعود كامل في حفة او عرس راح تتبيشو كامل
تشوفو وحدو مكان مكان فالين راح تشوفوها بنظرة مش مليحة
ولا عادت زوالية ماتشوفوش فيها خلاص وبلاك حتى ماتباركولهاش
ولا جاتكم وحدة الله الله اح تزينو المايدة كيما اكتر من لازم الحال


وهاذي لالجيري تاعنـــا

 

[بنـ MaPa ـت]

sahiti khti

 

[شعيب العلمي]

قانون الغاب بصح لمعندوش صوارد يكون راجل بدبزتو

 

[اللؤلؤة المصونة]

ماشي قتلك موااضيعك فور اختى

والله راانااا نشوفوا في الحقرة تع صح


مام هنا في نت راه كاينـ وشفوهاا
يارب فطنا بعيوبناااا

 

[دعاء الحق]

مــــــــيرسي ختي

 

[omari19]

wlah ghir 3ndek elhak mé d*hadou houma les algeriens allah ghaleb​

 

[iméne09]

هدي هي الشعب كامل ولا يحقر لي يجي في طريقو يحقرو بورتون هو في روحو راه محقور من عند لي كبار عليه وين تروحي تلقاي الحقرة خطرات حتى بين لافامي ومايقدروش يستغناو عليها خليها واش تحبي نديرو
ربي يهدينا يعطيك الصحة حنونة موضوع في الصميم ​

 

[mina009]

صح الحقرة ولات انسوبورتابل ولا اللي يجي يحقر و المشكلة انو هو بالذات محقور
الله يلطف

 

[zagane]

السلام عليكم
الحوت الكبيرة تأكل الحوت الصغيرة