اسفنج بالصور من مطبخ امي

[nawal1980]

بسم الله الرحمن الرحيم
اختي عجبها المنتدى كتير وكيما ما عندهاش الوقت قالتلي كي تجي نعمل سفنج و خبز الكوشة تحطيهم في الركن
امالا رحت وديت لاباراي الي ما شرجيتهاش
وبدينا انصور واوب حبست وحشمتني مع ختي
نخليكم مع التصاور الي قدرت نصورهم
المقادير
فرينة (اختي استعملت حوالي 1.5 كغ)
خميرة الخبز 5 م-ط *ملح حوالي م-ط غير كاملة
ماء دافئ للعجن

التحضير
نغربل الفرينة + الخميرة + ملح
نلم بالماء حتى نتحصل على عجينة بزاف طرية
نغطيها ونتركها ترتاح


كي تتضاعف الحجم نشمخو يدينا وننفضو العجينة اي نحاول نرفعها ونححطها عدة مرات

نزيدنغطوها ونتركها ا تتضاعف الحجم

نزيدو ننفضها بعدما نشمخو يدينا



نزيد نغطيها لكي تتضاعف الحجم

ويمكن اعادة الخطوة مرة تانية (نتركها ترتاح تم ننفضها)
نسخن الزيت
ونقرص العجينة قد حبة المندرين بعدما نشمخ يدنا ونسطحها ونرميها في المقلة ونعمال فوقها الزيت كل مرة كي نشوفها حمارت من التحت نقلبها ونزيد نرشها بالزيت السخون
ونتركها تقطر فوق كسكاس تم فوق ورق ماص
ونقدمها







اعتدر على عدم وجود صور اخيرة وهدا لاسباب عدم شحن الة التصوير :sad::sad:
ولكم مني اجمل تحية

 

[حكيك]

جا هايل
يعطيها الصحة اختك
شكرا
​

 

[mamouka]

يعطيها الصحة

 

[nawal1980]

الله يسلمكم على المرور الطيب حكيك وما موكة

 

[رآج ـية العفو]

والله الصرآحة القبآئل هم أهل السفنج
نموووووووووت على سفنج تآعكم في حيآتي
مآ ذقتش سفنج كيفه الله يبآرك عليكم
صحيتي ختي نوآل يع ـطيكم الصحة
تح ـيآتي ,, ~||​

 

[ياسمين 177]

يعطيكم الصحة والله غير يشهي امممممممممممممم

 

[im£ne]

يعطيكم الصحة
ربي يخليلك ميمتك

 

[nawal1980]

مشكورين كلكم على المرور الطيب

 

[lina20]

ماشالله نوال إحنا نقولولهم فطاير ،جوك كيما إلي نجيبووهم من عند لفطايري على ٦ نتع صباح ممممممممممم فكرتيني في أيام زمان .
عندي سؤال قبل ما تلوحيهم في الزيت ، تكوني حليتي لعجينه مسطحه متساويه كامل ولا خشينه من جوانب و رقيقه في الوسط .
إن شاء الله تكوني فهمتيني . بارك الله فيك .

 

[بنت الـــ سـوف ـــواد]

اممممممممممم تسلم ايدين يماك وربي يحفظهالك اختي نوال
جازك هايلين كيما تاع البرا طول
احنا في منطقتنا نسموها الفطاير نشروها الصباح بكري ​

انا جربهتا واحد المرة ونفس المقادير لي ديرتها ماصلحتليش
لازمها غير الفحلات الفطاير
تسلمي​

 

[3afaf]

بعطيـــــــــــــــــك الصحه
ميرسي عليك
حنونه
​

 

[imane27]

ya3tiha saha oukhtak jaha hayal njarbou insha3lah

 

[nawal1980]

ولا كنتي من المبتدئات يا اخت لبنا 20 وما تعرفيش تحكمي العجينة في يديك
خدي سو تاس تاع القهوة واسطحي عجينتك فوقه ابتداءا من الوسط الى الاطراف ان شاء الله تكوني فهمتي ونعطيك معلومة انو الخفاف لازم تديريه عدة مرات في الاسبوع حتى تولي مسرحة فيه يعني تاخدي شوية فرينة 250غ وتسيي كل يومين حتى تولي انتي تعلمينا

 

[chamousa]

يعطيها الصحة اختك نوال وانت كدلك او ربي يشدلكم في الميمة جا رائع بارك الله فيكم مشكوووورة تسلمو

 

[nawal1980]

يعطيها الصحة اختك نوال وانت كدلك او ربي يشدلكم في الميمة جا رائع بارك الله فيكم مشكوووورة تسلمو

الله يسلمك اختي شموسة وحنا تان اللمة جمعت بيناتنا ولينا كيما الاخوات
ربي يدوم المحبة الي بناتنا :001_wub:

 

[حياة نور]

جا هايل
يعطيها الصحة اختك
شكرا

 

[كوكب الشمس]

بارك الله فيكم
خفاف هايل
​

 

[nawal1980]

بارك الله فيكم حياة نور وكوكب الشمس

 

[نبض الحياة]

وااااااااااااااااااو يعطيك الصحة جاهاهايل...........

 

[saboha]

يعطيك الصحة نوال مرة الجاية شارجى لابراى ولا صورى بالبورطابل