كفاه رايحين نديرو معاكم؟؟

[Manar19]

احلى سلاام
حبيت نسقسي لي جان بالخصوص
علاه الطفلة للي تمشي ساغيوز
وقدقد مادور ني من ني من تقولو عليها متكبرة؟
وللي تمشي وتضحك وتحكي مع هدا ومع
لاخر تعجبكم ومبعد توليو تمنشرو فيها؟
انا دنبي الوحيد اني نمشي قدقد ومنعرفش نوزع الابتسامات
بصح موش هك:angry: ههههههه
لصقت فيا كلمة متكبرة
وانا مسكينة حشامة برك:crying:
درك كفاه حبيتونا نمشيو؟؟
(علىبالي بللي كلام الناس ما يدي ما يجيب كما نقولو
مي مهما تحاول متهتمش يجي النهار
وين تقلق)


​

 

[boutarfaya]

علىبالي بللي كلام الناس ما يدي ما يجيب

هاذي ماغلطتيش فيها
​

 

[SOUHA]

دخلطت غلطت ةالله صح عندك الحق

 

[chiva.]

متعمريش راسك بهم مشي يوكلو فيك ويشربو فيك

 

[هاوية المنتديات]

أنت ديري واش يخرج عليك وهوما خليهم يهدرو​

 

[نرجس هبةالرحمان]

ياك كلام الناس ميقتلش خلي يهدرو و اللي في راسك لا من يقلقك عليها
رنا في وقت يمشي بالمقلووووب

 

[loca]

خيتي ماشي جايبتها فيهم من يحكو ربي مزاله فوق ومن ميحكوش تاني ربي مزاله فوق مالا ماشي حايرة فيهم ولي باغي تضحكيله يخلي خيته تضحك وتحكي مع ولاد ربي يخليك انوشتي .

 

[بنـ MaPa ـت]

نقولك انا خطرات شي دراري مانعرفهم مايعرفوني يجيو يقعدو معايا في ليكول (محاولة الدصارة) مانحبش نحشمهم برك مي لوكان نقولهم ماتقعدوش معايا يبداو يقولو معقدة او ماتعرفش تحكي مع الدكورة كرهت العقلية تاع هاد الناس....مارسي ختي يطيك الصحة..​

 

[iméne09]

ياحنونة حتى ولوكان رايحين يهدرو عليك مراحش ينقصو منك واصلا لي يحبك مراح يبينيلك قصر ولي يكرهك مراح يحفرلك قبر ليسونسيال خيتو تكوني صافية مع ربي وزيد هكدا راكي درتيلهم قيمة كبيرة كي بديتي تخممي في هدرتهم دوك كيشغل هوما حاجة فور واش دخلك في واش يهدرو نقولك دربيهم في تقيل ولي ماعجبوش الحال يخيط راسو وخليهم يهدرو واش يحبو ناس ديما هكدا اوبليجي يقطعو في غيرهم باش يرتاحو ​

 

[قمر الدنيا]

ديري كيما تحبي راكي حرة واحد مايسالك

 

[M!ss D!or]

والله عندك الحق !​

 

[أفراح الجزائر]

احلى سلاام

حبيت نسقسي لي جان بالخصوص
علاه الطفلة للي تمشي ساغيوز
وقدقد مادور ني من ني من تقولو عليها متكبرة؟
وللي تمشي وتضحك وتحكي مع هدا ومع
لاخر تعجبكم ومبعد توليو تمنشرو فيها؟
انا دنبي الوحيد اني نمشي قدقد ومنعرفش نوزع الابتسامات
بصح موش هك:angry: ههههههه
لصقت فيا كلمة متكبرة
وانا مسكينة حشامة برك:crying:
درك كفاه حبيتونا نمشيو؟؟
(علىبالي بللي كلام الناس ما يدي ما يجيب كما نقولو
مي مهما تحاول متهتمش يجي النهار
وين تقلق)​

امشي بما يرضي الله ...وكيما قلتي كلام الناس مايدي مايجيب :001_wub:​

 

[bom]

راكي مليحة كيما هاك وما ديريش على هدرتهم ومش أي واحد تهدري معاه الا لي يستاهل​

 

[عفاف الجزائرية]

انا نوصيك ونقوللك ما تديريش حتى هدرة في بالك على خاطر واحد ما راح ينفعك واللي رح ينفعك يجيك من عند الله
على هاذا ما تزيديش تعمري راسك بحتى واحد كل واحد مطلع شغالاتو وت مقلقة
​

 

[BOUSS]

تالمون الطرق ولاو ظيقين في البلاد بطالين اشغل القاو فرصة ديري لي كوتار في وذنيك هكذا باه ما تسمعي اكلام ما تسمي منو ههههههه تحياتي لكي منار

 

[Manar19]

متعمريش راسك بهم مشي يوكلو فيك ويشربو فيك

اكيد مهمش يوكلو فيا....مي حبيت نحكيو على حكم الناس على الاشخاص من مضهرهم ومشيتهم....مشكور ....سلامي لك

 

[Manar19]

خيتي ماشي جايبتها فيهم من يحكو ربي مزاله فوق ومن ميحكوش تاني ربي مزاله فوق مالا ماشي حايرة فيهم ولي باغي تضحكيله يخلي خيته تضحك وتحكي مع ولاد ربي يخليك انوشتي .

اكيد....بصح لازم نتعلمو منحكموش على الناس من مضهرهم ومشيتهم؟؟؟مشكورة تحياتي ليك

 

[Manar19]

تالمون الطرق ولاو ظيقين في البلاد بطالين اشغل القاو فرصة ديري لي كوتار في وذنيك هكذا باه ما تسمعي اكلام ما تسمي منو ههههههه تحياتي لكي منار

ههههههه عندك الحق بوص....مشكور على مداخلتك الطريفة

 

[shahra]

نورمال
الي يستاهل وتبانلك تحكي معاه احكي
والي لالا لالا
حد مايسالك
على حساب القوسطو

 

[Manar19]

ختي عندك الحق انا نعتارف بهذي
مي كيما نديرو نحصلو معاكم

حنا للي رانا حاصلين معاكم:angry:....مشكووور