يا بنات كفاكم تعجرفا.

[dou1]

السلام عليكم

من العنوان باين راني في حالة هجوم على البنات او النساء بصفة عامة.
اليوم حبيت نسمعكم لي ديما تسمعوا فيه انتم يا لبنات ديما تحوسوا على الحب وعلى الراجل لي يستركم وكي حب الراجل يستر الطفلة ويستر روحوا ويتفدم للخطبة تبدا الحكاية

الخطبة : لازم تجيب وتجيب وتجيب ...........
التهنية : لازم كسوة وخاتم وطارط وكاميرا وما عمبليش واش.....القائمة طويلة
العرس: لازم الصوف .الشرط. المقياس. الكبش.الكسوة .......................

والشرط : مقياس ودارها وحدها هههههههههههه

المهم الواحد يكره من هاذ الشيء يعني كون تقللوا شوي من هاذ الامور ما يكونش عرس
لازم المظاهر في العرس وش يعني كون يجيب الراجل حاجة خفيفة برك ويستر الطفة
علاه راكم هك ولله راكم في قمة التعجرف يا بنات حاشى فئة قليلة جاداااااااااااااا

 

[* أميرة الأحلام *]

والله غير عندك الحق في هادي الهدرة لكن والله تتفر فيهم هوما
ونقولك ماش كامل لبنات كاين بعضهم يظن المال هو الهناء والسعادة وراهم غالطين
لانه ماتعرفي انت وزهرك مرات تديه غني وكي يعود ماعندكش الزهر يفقر ومرات فقير يغنى
لان الحياة تدور مابين يوم وليلة
انا صراحة نتمنى نعيش في خيمة المهم نكون انا والي نحبه من صميم القلب نكونو متهنيين ويجمعنا المكتوب مع بعض برك
هدا واش نحوس والله المال مانحوس عليه ​

 

[salma2010]

علاه راكم هك ولله راكم في قمة التعجرف يا بنات حاشى فئة قليلة جاداااااااااااااا
لديا تعليق هنا
ليست كل الناس كيف كيف.

 

[dou1]

علاه راكم هك ولله راكم في قمة التعجرف يا بنات حاشى فئة قليلة جاداااااااااااااا
لديا تعليق هنا
ليست كل الناس كيف كيف.

صح ماشي الكل كيف كيف بصح كاين فئة فليلة جداااااااااااااااالي باهية.
شكرااااااا على المرور ردودكم تشرفنا شكرا

 

[dou1]

امين ربي العالمين

 

[سلسبيل34]

الهناء اكثر شيء يهمني

شكراااااااااااااااااااا اخي

 

[shy_girl]

انا نظن بلي التكاليف هادي راجعة للتقاليد السائدة في كل منطقة ...
و تاني سبب اخر هو المفاخرة يعني باش يقولو فلانة دارت و دارت .......
مي المهم في الاخير هو الهناء انا نشوف بلي الهناء مشي بالدراهم
صح مش قع الناس كيف كيف لكن الاغلبية درك راهي قع هاك ...... للاسف

و شكرا لك على الموضوع
تقبل مروري
​

 

[dou1]

شكرا على الردود .مشاركتم فخر لنا

 

[MATADOR007]

عرس
تخمالتو ليلة وتجهيزو عااااااااااااااااااااااااااااااام
من وين السوااااااااااااااااااااااااااارد
عندك الحق خيتي
سلام
​

 

[dou1]

زواج ليلة تدبيرة عام
المشكل ماهوش في العام المشكل في النساء مايعجبهمش العجب وديما يهدروا

 

[ديالى]

لا بالعكس اخي حسب منشوف انو ديما النساء لما
يحبو يتنازلو عن هذه الامور الخاصة بالمصاريف
ومثل ماقالت الاخت من قبل ترضى بخيمة .
لكن الرجال هما اللي يختارو مولات المصاريف
لانها قاعدة تشرط عليه وهو عاجبو الحال لانها رضات بيه
مع احترامي للبعض لكن الاغلبية تحاول شراء النساء .
مع علمو انها تطلب جيبو ماشي قلبو
ولما يحدث الفراق بينهم لانه لم يعد يستطيع تلبيه
كل المصاريف يبدا الشكوى​

 

[dou1]

يعني كيما يقولوا القط يحب خناقوا
ممكن يشوف رجولة كي يقدر على شروط الزوجة وامها
شكرا على الردود

 

[~ مستشـآرهـ طـرزآنـ ~]

والله يا خويا أنا كونتر هاذو الصوالح....المادة ماتهمنيش ابدا
مي للأسف كاين بنات يشوفو رواحهم حاجة كبيرة..تلقى الوالدين يقولو [سورتو الأم] انا بنتي غالية عليا و تسوى ذهب....وكاين اخرين يتعاملو مع الناس على حسب النيفو تاعهم....تلقاهم مرفهين و يطلبو بزاااااااف....ربي يهديهم ان شاء الله
مشكووووور على الطرح ​

 

[الظل الطويل]

و الله خويا عندكــ الحقــ
لابليبار نتاعهم يتشرطوا
تحسب راح تشريها المرا مشي راح تزوجها
ربي باركـ في النساء الاقل مهر
و زيد هدا الشيء التعجيزي للشباب يرجع سلبا ويولو يشوفو الزواج حاجة مستحيلة و يروحو للمعاصيــ
الدنيا صعابت و الفايدة في صلاحـ الحالــ

تحياتيــــــــــ​

 

[dou1]

والله يا خويا أنا كونتر هاذو الصوالح....المادة ماتهمنيش ابدا
مي للأسف كاين بنات يشوفو رواحهم حاجة كبيرة..تلقى الوالدين يقولو [سورتو الأم] انا بنتي غالية عليا و تسوى ذهب....وكاين اخرين يتعاملو مع الناس على حسب النيفو تاعهم....تلقاهم مرفهين و يطلبو بزاااااااف....ربي يهديهم ان شاء الله
مشكووووور على الطرح ​

من ناحية الطفلة غالية في دار باباها صح بصح كي مدها بشرط غالي ممكن راجلها يعود يتعامل معاها بطريقة مش مليحة وما توليش غالية.كون الوالدين يخموا شوي برك يلقاو انو الشرط له اثر مابعد الزواج ممكن.
شكرا على المشاركة

 

[dou1]

و الله خويا عندكــ الحقــ
لابليبار نتاعهم يتشرطوا
تحسب راح تشريها المرا مشي راح تزوجها
ربي باركـ في النساء الاقل مهر
و زيد هدا الشيء التعجيزي للشباب يرجع سلبا ويولو يشوفو الزواج حاجة مستحيلة و يروحو للمعاصيــ
الدنيا صعابت و الفايدة في صلاحـ الحالــ

تحياتيــــــــــ​

ولله هاذ وين حاب نوصل ونربط موضوع عملتوا قبل عن كثرة جرائم الاغتصاب ممكم جدا تكون الشروط التعجيزية تاع الزواج احد الاسباب يعني فائدة الطفلة بشرط خفيف ممكن تعم بفائدة على المجتمع وفي نفس الوقت تربح اجر
شكرا اخ على رد

 

[lamilam88]

الديفو فالرجال يروحو يخطبو الشابة و الزينة و البيضا و هي غير تتشرط
و تخلو لوخرين اللي ما يتشرطوش
في كل حاجة كاين المليح و الدوني
حوس تصيب.

 

[الظل الطويل]

الديفو فالرجال يروحو يخطبو الشابة و الزينة و البيضا و هي غير تتشرط
و تخلو لوخرين اللي ما يتشرطوش
في كل حاجة كاين المليح و الدوني
حوس تصيب.

و الله اختيـــكاين وكاين
كاين بنات شابات وتلقايهم متربيات ميتشرطوش وكاين العكس
ولي يحب يدي زوجة صالحة ميشوفش للزين وحدو يشوف للعقليةو يبدا يعرف العقلية من هدو الحوايج ديجا
اسمحيليــ على المداخلة..​

 

[اسماء16]

شوف خويا ادا كان عندو دراهم ولله منرحمو غير يحطهم مي لكان قيسو وقس روحو ولله غير نعونوه انا هدا راي وبكل صراحة وادا كنت نحبو ولله غير نعيش معاه في شبر تعرف وشنو شبر المهم انا وياه برك
شكرااااا على الموضوع الجميل ​

 

[* أميرة الأحلام *]

انا لااقصد الخيمة لكن مثلا ااني ابحث على الهناء والسعادة مع من أحبه بعيدا عن قضية المال
التي اصبحت كل بنت تبحث عن واحد مترفه وبطاكسي ويكون شكله ستايل والى اخرها .................لكن لايعلمون العواقب
ان الحياة ماش مال الحياة فرحة وهناء
هناك من تمنت زوج مترفه لكن ماش متهنية صاروا نادمين ويحوسو عن راحة بالهم
وكدلك الشباب لديهم غلطات أكبر لكن راح يجي موضوعهم عن القريب ​