الجيران فالدزاير

[امورة المنتدى]

السلام عليكم خاوتي جبتلكم ميضوع اليوم نشالله يعجبكم

الجيران // كاين جيران وجيران

كاين الجار اللي تلقا فيه الخيروكاين اللي ماستهلش بزقة حاشاكم :crying:

ايا تكون خارج تلقا وليد جيرانك صباح الخير مايقولهاش كي تصبح عليه يا ربي :cursing:

ولا تلقا ولد الجيران (جان) موش حاسبك يهدر فالتيليفون مع صحبتو ولا مانعرف هاحوجي

مرة تلقاه يرمي الكوارط عند باب الدار


ومرة تلقاه حاكم منشار ويمنشر فيك

تجي تضربوا تحشم تقول خليه نفوتها المرة هادي



هادو جيران حمبوكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الجيران تاع الصح هوما اللي يصبحوا عليك

يحترموك نورمالمون كي يشوفوا كبير عليهم عينهم ما يرفدوهاش من اللارض

دوركا لا خجل افتح الكرافاطة راك فالدزاير :confused1:

كل واحد يتناقش معانا

يحكينا كيفاه مع جيرانو ؟؟؟؟

يحكينا جيرانو كيفاه معاه ؟؟؟

وواش رايكم فالجيران المشي متربيين ؟؟

 

[nessrina]

مرسي موضوع شبااب بالنسبة ليا انا جيراني تبارك الله عليهم في وقت الحاجة يوقفو معانا ونوقفوا معاهم ربي يخليهم ويخليك ليا حبيبتي

 

[امورة المنتدى]

مرسي موضوع شبااب بالنسبة ليا انا جيراني تبارك الله عليهم في وقت الحاجة يوقفو معانا ونوقفوا معاهم ربي يخليهم ويخليك ليا حبيبتي

ربي يخليهملك نسرينة صحيتي على الرد شرفتي الصفحة :001_wub:

 

[im£ne]

مممممممممممم حنا في لاسيتي عنا الحمد لله كامل ملاح
كاين برك وحد الزريعة مرة
و المصيبة مقابلينا !
و الله تقولي نهجر في الليل قبل النهار
ربي يصلح الاحوال..

 

[امورة المنتدى]

مممممممممممم حنا في لاسيتي عنا الحمد لله كامل ملاح
كاين برك وحد الزريعة مرة
و المصيبة مقابلينا !
و الله تقولي نهجر في الليل قبل النهار
ربي يصلح الاحوال..

ربي يصلحهم نشالله صحيتي حنونة على المرور:001_wub:

 

[SOUHA]

حنا جيرنا ملاح

 

[kaissoum_elsaker]

فيهم وعليهم


مشكورة على الموضوع

 

[dana1993]

ايه واش قولك كان لملاح وكان لقباح اي مالا نحكمو لملاح و القباح يقعد القدر بيناتنا
شكرا

 

[belgacem39]

صح اختي اموره و الله غير كاين شي جيران ميستاهلوش يكونو جيرا

حنا عندنا وحد الجيران معانا الصراحه تاع ربي ملاح بزاااااف

مي في دارهم النهار كامل و هوما يتعاركو و يسبو يطيحو في الهدرى

الواحد يولي قاعد في دارهم يحشم باه يقعد معا والديه و خاوتو من الهدرى تاعهم

يعطيك الصحه متميزه ديما

سلالالالالام​

 

[إشراقات]

وعليكم السلام :

قليل وين تلقا جيران ملاح ...وناس بكري ما غلطوش كي قالوا **اشري الجار قبل ما تشري الدار **

الله المستعان ..

 

[mir@cle]

حنا جيرانا كلهم ملاح ماشاء الله

كاين واحد فقط تعبنا، مرات يجي سكران ويدير مشاكل

مشكووورة على الموضوع
​

 

[بنـ MaPa ـت]

امورة واش راكي صافا الحمد لله.....كامل جوارينا الله يبارك محتارمين بعضانا مي كاين وحد ليفامي شويا........راكي فاهما بلا مانقطع فيهم.....مرسي ختي وقيلا راكي حابة ترحلي داركم اقعدي راكي مليحا وعمليلهم كيما تحبي هههههه.....باي باي..

 

[Sârsoùra L'mkàlChà]

مممممممم

وش نحكيلك يا اموورة على جيراناا

والله ما نعرف عليهم حاجة

حنا عندنا 4 سنين سكنا في دارنا الجديدة

بالصح ما خالطنا حتى واحد

غير لي حدانا

و هوما ناس ماشاءالله عليهم

ناس فاميليا



و صحاااا حنونة على الموضوع


​

 

[Sârsoùra L'mkàlChà]

بسمــــ الله رحمن الرحيمــــ

السلام عليكم



عنوان الموضوع هو: ( كان صلى الله عليه وسلم لا يمزح إلا صدقًا ).



أوضح أكثر أرجو من كل عضو أن يكتب قصة ( مضحكة ) ولكن بشرط أن يكون صادقًا يعني مفيش كان فيه واحد صعيدي .............. والنكت اللي زيها .

والسلام عليكم ورحمة الله وبركاته.​

​

يا خويا رانا في موضوع امورة ونتا جبتلنا موضوع جدييد
هههههههههههه
​

 

[سارة المسرارة]

جيرانا كامل ناس ملاح الحمد لله

صحيتي يامورتنا على الموضوع

​

 

[سارة المسرارة]

بسمــــ الله رحمن الرحيمــــ

السلام عليكم



عنوان الموضوع هو: ( كان صلى الله عليه وسلم لا يمزح إلا صدقًا ).



أوضح أكثر أرجو من كل عضو أن يكتب قصة ( مضحكة ) ولكن بشرط أن يكون صادقًا يعني مفيش كان فيه واحد صعيدي .............. والنكت اللي زيها .

والسلام عليكم ورحمة الله وبركاته.​

​

:confused1:
​

 

[حسان]

واحد عندما لا يخالط الجيران إلا في الامور ضرورية يكون جار صالح

و لي يخالط بزاف يجد مشاكل بزاف


أنا نقول لكم حقا نعرف كل الجيران لكن معضمهم لا نعرف أسمائهم

نحن في الحي مرتاحيين و الحمد الله ليس لدينا أي مشاكل أو قضايا مع الجيران و سبب عدم مخالطة

اما هم فلديهم دولة داخل دولة و حرب بعد حرب و عداوة من بعدها عداوة