ارواح نشوفلك

[tarek ess]

السلام عليكم
واش راكم
ان شاء الله تكونوا لاباس
حبيت نحكي على حادثة وقعت معي ، صراتلكم ولا شفتوها
كنت ماشي في الطريق تقدمت مني وحدة في عمرها حوالي 40 سنة
المهم مباشرة حكمتلي يدي وقاتلي راك تخمم في وحدة
ومن بعد بدات ما تتقلقش رام تفتحوا عليك البيبان وتدير وتدير ...... ورزق كبير ورايح تربح
خلصت قلتلها درك انا اللي نقلك
وانت تسمعي
هي سكتت بويسك تستنى فيا كشما نعطيلها
قلتلها انا والديا كان لابس بيهم منين جيت انا للدنيا راحت عليهم يسمى الشي اللي شفتيه خرطي في خرطي
وقلتلها هاتي يدك
وبديت نشوفلها في يدها وزهرها
قلتلها راني نشوف فيك قاطعة لبحور
كاين واحد مابين 55و 60 سنة عايش لهيه وراح يجي يديك وتتبدل حياتك ترجعي حطة وتتهناي من الميزيرية اللي راكي فيها
هبلتها قاتلي روح اخطيني ولا نديرك عيطة
وش رايكم في هذي الظاهرة
هل سبق وان حصل معك مثل هذا الموقف
اذا حدث كيف كانت ردة فعلك هل صدقت الامر
هل انتابك شعور بالرغبة في الاطلاع على ما هو قادم من ايام
​

 

[nessrina]

هههههههههههههههههه والله يا انت وحدك

 

[M!ss D!or]

هههههههههههههههه هدا commerce جديــــــــد تحس روحك في barbés​

 

[ISMA.dz]

ههههههههههه انا تان صراتلي قاتلي صدقة من بعد شدتلي يدي وبقات تخرط عليا قاتلي انتي شابة وراكي تايهة على قراية ولا على راجل تحبيه جيبيلي شوية سكر نرشك بيه وهاكا تحلا ياماتك قلتلها روحي اضربي دورة لهيه وبركاينا مالخرطي بقات تدعي وتمتم عليا خليتها وطلعت

 

[SOUHA]

ههههههههههههههههههههههه جامي صراتلي

 

[بنـ MaPa ـت]

هههههههه مليحا هادي.....عملت مليح خير من تدي 100 دينار بالخرطي .....صحيت سلآم..​

 

[المسلم حسني الجزائري]

سلام
موضوع رائع اخي مرسي عليه
احسنت في جوابك اخي على هاته الانسانة الجاهلة
الغرب يتنافسون على دفن موتاهم في المريخ بالعلم وهاته الجاهلة ...... صراحة انا لم يحدث معي هذا ابدا لكن هناك صديق جزائري حدثة له مثل هاته القصة فهو في احد الايام التقى بواحدة جاهلة يعني تقرا الكف وبدات تسرد عليه كيف ان ايامه كانت بلا معنى وانه بالتقائها به سوف تفتح له ابواب السعادة وكل مايتمناه الانسان......
اتعرف اجابها جواب لم تكن تتوقعه فلقد قال لها اذا كانت ابواب الدنيا تحت امرك لما لا تساعدين نفسك
الست اولى مني بهاته الاشياء .

 

[السلطانة]

مسكينة حاطة روحها جدات كاسندرا
الغجرية الgزانة
مالقينا مانقولو ناس تشرك بالله لكسب المال
والمشكل انو كاين لي يزيد يشجعهم ويشرك معاهم
الله يسترنا شكرا على الموضوع اخي

 

[ديالى]

بارك الله فيك اخي
هي ظاهرة جديدة قديمة في مجتمعاتنا الهدف منها الكسب المادي وفقط .
لكن المشكل انو هناك فئات لازلت تؤمن بهذه الخرافات ​

 

[iméne09]

جامي صراتلي مي خرطي في خرطي غير باش يديو دراهم يشركو بالله وناس عاونوهم بارسكو كاين لي يامنو ياخي مرضا ياخي
الله يهديهم​

 

[missa_1]

هدي قاع مصراتليش المهم راك عرفت رديت عليها منخافوش عليك

 

[Soumia_Sétifienne]

هههههههههههههههههههههههههههههههههههه جامي صراتلي

 

[مروة MARWA]

ههههههههههههههههههههههههه حطيتيلها سعدها في يدهااااااااا
​

 

[tarek ess]

شكرا لكم جميعا على الردود

 

[FANINA.DZ]

انا وحدة ماصراليش كيما هاد الموقف و الغيب في علم الله عملت مليح
ثانكس

 

[chiguevara]

هههههه هذي هايلة مي الحمد الله جامي ما صراتلي بصح كاين منها مي في الاغواط منشوفهاش ياسر كاين ليطلب بلا ما يهرج ما والو

 

[sarita00]

سلام
صدقتلها................