• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

رحلة الى سايبيريا

H

HWK4ALGERIA

:: عضو مثابر ::
أحباب اللمة
إعلان :
أعلن لكم اخوتي اخواتي انه واسثنائيا رمضان السنا راح ايكون في شهر اوت :scared:
وعليه اقترح عليكم السفر الى سايبيريا انفوتوفيها رمضان مي ماشي بسبة السخانة تاع الجو بسبة السخانة تاع الاسعار والاعصاب المتوترة وحاولو تتخيلو معايا رمضان في اوت بعد موسم دراسي متعب مليء بالتوتر والتgراف وبعد الخسارة تاع المنتخب الوطني ضد منتخب مصر (حاشاكم) واش راح انقوللكم خلي كي يدخل رمضان وانا نحكيلكم اليوميات كيما يلزم الحال هذا اذا كنا اهنا اما اذا كنا في سايبيريا فالوضع مختلف والنهار اقصير.
​
 
خايف نموتوا الكل من البرد ونحوسوا على السخانة
رمضان ضرك يفوت كيما تاع العام ليفات محسوب
وكان على الاسعار ضرك نعودا نطيبوا غير شكشوكا ولا بيتزا ولا بطاطا

الطماطم رخيسة والبطاطا كيف كيف في رمضان من المفروض
 
ان شاء الله يا خويا والله شبنا بلا وقت، والاسعار انقولك خويا الصراحة الايام هاذو كاين وحد الكاميو ايدور يبيع 8 كيلو باطاطا ب 20 الف و والطماطم ثاني رخيسة والبصل واللفت والزرودية والله رحمة ربي ما تشقا ما يقيسك الهرج تاع السوق.
 
والسخانة تاع الجو وش حلها ؟؟؟
قول في زوج اخويا
 
وينك ووين رمضاااان
عنجد خليتونا نحس بجووووع
 
والله خويا لعزيز واش انقولك انا بكري ما كنتش نامن بالظاهرة تاع الاحتباس الحراري مي لقيتها صح مي اعلينا ماشي اعليهم انا نسكن في قلب الصحرة والحرارة ديما مرتفعة براسك ماكانش الشتا عندنايعني الحكاية ماشي حكاية سخانة تاع الجو لانها حاجة امحتما.
 
مرحبا بيك خويا غمض عينك اوحلها تلقاه في وجهك اخويا وساعتها ما عليك الا انك تستسلم للامر الواقع واضيفو عندك شهر والا 29 يوم
 
هذاك اللي عندو لبحر وانا واش اندير اللي عايش في قلب الصحرة؟ انعوم في الرمل ؟؟؟؟؟ ياخي زهر ياخي.
 
رمضانكم كريم
كيما قلنا هاو جا سيدنا رمضان ف أوت بالضبط والله ماوخر سمانة،،، فالوقت المحدد،،، مرحبا بيه،،، ولازم انكونو مستعدين للمواجهة،،، مي ماشي تاعو لا لا هو ضيف عندنا نشتاقولو بزاف،،، مي لازمنا انديرو حسابنا من العباد وسيرتو لحشايشية واللي موالفين بدعاوي الشر ياويلك وتحكي معاه،،، والا اتغانو،،، يبرقلك عينيه،،، تقول راح ياكلك،،، ربي يلطف بينا،،، وانفوتوه على خير....
اما الجو اليوم والله رحمة ربي،،، والعباد انا شخصيا مازال مافتحتش،،، وماقابلت حتى واحد،،، مي هاذي واش انقوللكم،،، أنا شخصيا راني آلاز وأعصابي هادية واتقول مانيش صايم أصلا.
شكرا.
 
غير رمضان الي مانفوتوش في بلاد واحد اخرى
 
هيا نروحو لسيبيريا يلا
 
قال فراشة الايمان:
هيا نروحو لسيبيريا يلا
إضغط للتوسيع...
انبشرك،،، سايبيريا السنا هي اللي جات اترمضن عندنا،،، ههه،،، من ال 95 ماشفتش اوت فيه النسمة كيما عام السنا،،، رحمة من عند ربي سبحانو،،، ربي يعود علينا رمضان بالخير والبركة إن شاء الله،،، وصحة فطوركم.
 
ههههههه صحيت ضرك قول رانا في اوت و بعد خسارة المنتخب الجزائري امام الغابوني
هاو رمضان ديما يسهل فيه ربي
خليها عالله و ماتحسبهاش
و تلقاه فات لمح البصر​
 
قال معاك يا الخضراء:
ههههههه صحيت ضرك قول رانا في اوت و بعد خسارة المنتخب الجزائري امام الغابوني
هاو رمضان ديما يسهل فيه ربي
خليها عالله و ماتحسبهاش
و تلقاه فات لمح البصر​
إضغط للتوسيع...
راهو فات ديجا،،، من النهار اللي دخل،،، اما الخسارة تاع المنتخب الوطني معليش راهم كانو صايميين،، اوتروما مايربحوناش،،، ها خلاص منتخبنا معندوش الزهر،،، نهار لعبوه ف رمضان،،، ونهار جابولو كورة معوجة،،، ونهار لعبوه فالسخانة والرطوبة،،، ونهار كسرولو الكيران،،، ونهار جابولو حكم ضاربو السلك،،، ونهار كانو عيانين،،، المهم كل يوم وكيفاه.
صحة فطوركم.
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom