يا بنات المنتدى أنا في حاجتكم،أريد جوابا صريحا لسؤالي

[عبد الحق +213]

عندما يعجب الإنسان بفتاة ،والله يعلم أن نيته طيبة لا يريدإلا ما يرضي الله
ماذا يفعل كي يكسب مكانة في قلبها،ويقنعها بإمكاني ةبناء أسرة معه ،ساعدوني من فضلكم فلدي بعض الصعوبات في التقرب من فتاة أعجبت بها ،قد يقال لي اذهب لخطبتها مباشرة :أقول تعرفون بنات اليوم يرغبون في التعرف أكثر قبل إبداء الرأي بالقبول أو الرفض ... ،يا بنات المنتدى ورجاله لا تبخلو علينا بخبراتكم

 

[معاك يا الخضراء]

خويا روحلها و صارحهاو وشوف ردة فعلها ممكن تكون من النوع الي ما يشتيش يتعرف قبل الخطبة تسما ادا تروح نت تحكي برك تقول هادا راهو يتمسخر
لازم تكلمها و تعرف رايها مش كل البنات عقلية واحدة
الله يجيب الي فيه الخير​

 

[عبد الحق +213]

خويا روحلها و صارحهاو وشوف ردة فعلها ممكن تكون من النوع الي ما يشتيش يتعرف قبل الخطبة تسما ادا تروح نت تحكي برك تقول هادا راهو يتمسخر
لازم تكلمها و تعرف رايها مش كل البنات عقلية واحدة
الله يجيب الي فيه الخير​

ما فهمتيش قصدي ،أنا راني نحوس على تصرفات معينة وسلوكات يحبوها البنات بصفة عامة،هكذا كي أضمنمكانة في يقلبها،بعد ذلككي تقبل باينة نروح نخطبها مالا علاه نعيي روحي هكاك ماشي باطل

 

[* تسنيم *]

السلام عليكم
اخي اذا كنت ناويها صح روح واتكلم عليها او قابها وقلها ختي اني جاي من باب وحاب نجي نخطب ....هي قادرة ماتردش عليك وقادرة تقلك روح لبابا....واذا تعرف وحدة تعرفها ابعتهالها تسقيها لكان قابلة هكا احسن
ربي يوفقك ان شاء الله

 

[A-MIRA]

انا نضن بلي لازم تصارحها و اذا مقدرتش شوف وحدة قريبة ليها و احكيلها دك هي تحل المشكل
bonne chance

 

[معاك يا الخضراء]

ما فهمتيش قصدي ،أنا راني نحوس على تصرفات معينة وسلوكات يحبوها البنات بصفة عامة،هكذا كي أضمنمكانة في يقلبها،بعد ذلككي تقبل باينة نروح نخطبها مالا علاه نعيي روحي هكاك ماشي باطل

انت الي ما فهمتش قصدي
انا نقلك على حوايج ديرهم عادي:angel_not:
مي قادر انت تروح ديرهم الطفلة هادي تقول راهو ناوي يتمسخر بيا و تفوتك:crying:
فهمتني ؟؟؟
تسما لازمك تعرف نوع الطفلة هادي
هل تحب علاقة قبل الخطبةhmy:
و لا من النوع الي يقولك ارواح لبابا hmy:
نتمنى تكون فهمت فكرتي​

 

[nawal1980]

ولا عندها باباها ولا واحد من العائلة اهدلر معاه سينو ابعت واحد من فاميلتك يهدر مع فاميلتها باش تروح مع يماك تشوفو العروسة ومن بعد كل شيء ساهل بعدما تقبل بيك
وان شاء الله بالتوفيق
ادخلو البيوت من ابوابها

 

[كبرياء دمعة]

ماكانش منها بنت تحب تتعرف قبل الخطبة
برايى روح ليها مباشرة قولها رانى حاب نخطبك اسكو نقدر نجيب والديا و نجى نخطبك
ويدا نيتك صافية و ناوى لحلال روح اخطبها ماشى تتعرف عليها
​

 

[بنت بلادي و نص]

انت احكي معاها و شوف ردة فعلها

على حساب هاداك شوف مبعد واش دير

كييما قلت صحا يمكن ما تبغيش واحد ما تعرفوش

و حاول تبين ليها بلي ناويها للحلال ماشي غير تلعب فيها

و ان شاءا لله نسمعو عليك الخير

و ربي يسهل
​

 

[ahlem1]

هذه صراتلي
جاني شاب وجاب اخته معاه وقاللي يا بنت الناس راني حاب ندخل من الباب وجبت اختي باه تعدفي باللي راني serieux وانا احترمت صراحته و اخلاقه malgré ما كتبش المكتوب
هذه تجربتي ان شاءالله تستفيد منها

 

[عبد الحق +213]

راني نخاف مالا ما يكتبش المكتوب

 

[nawal 88]

روح ليها واخطبها

 

[lyrics]

على فكرة مش كامل البنات يحبوا التعارف قبل الزواج....

ممكن ادا حبيت تتعرف عليها راح تحسبك بلي جاي تجوز وقت بيها وتروح ...دوك على حساب الطفلة وعقليتها لكن في الاول لازم تبينلها انك مهتم بيها...وهادا يعتمد على الراجل وشطارتو

 

[عبد الحق +213]

على فكرة مش كامل البنات يحبوا التعارف قبل الزواج....

ممكن ادا حبيت تتعرف عليها راح تحسبك بلي جاي تجوز وقت بيها وتروح ...دوك على حساب الطفلة وعقليتها لكن في الاول لازم تبينلها انك مهتم بيها...وهادا يعتمد على الراجل وشطارتو

شكرا على المشاركة ،بصح شطارتو هاديك لي راهي محيرتني ،كاين بنات رغم أنها تميل لطفل ما تبينلوش ،وأنا كان طحت في طفلة هك ،ما نطولش ونبعد لأنو رايح نحط في بالي بلي ما عجبتهاش

 

[lyrics]

شكرا على المشاركة ،بصح شطارتو هاديك لي راهي محيرتني ،كاين بنات رغم أنها تميل لطفل ما تبينلوش ،وأنا كان طحت في طفلة هك ،ما نطولش ونبعد لأنو رايح نحط في بالي بلي ما عجبتهاش

امالا يا خو نقولك لازم تزدم وتحاول بشتى الطرق

تندم كي ترفضك وقت قصير وتنسى خير ما تندم طول حياتك كي ما جربتش

وادا كانت من نصيبك حتى واحد مايديهالك....مي ربي يقول اسعى يا عبدي وانا نعينك
اتكل على ربي وازدم:angel_not:

 

[عبد الحق +213]

امالا يا خو نقولك لازم تزدم وتحاول بشتى الطرق

تندم كي ترفضك وقت قصير وتنسى خير ما تندم طول حياتك كي ما جربتش

وادا كانت من نصيبك حتى واحد مايديهالك....مي ربي يقول اسعى يا عبدي وانا نعينك
اتكل على ربي وازدم:angel_not:

بارك الله فيك ،كلامك مليئ بالتحدي

 

[ولد بلاد]

هههههههههه واااااااااحد ما فهم السيجي الغاشي طايح كتر من النايض


اووووووو حاب يقول كيفاش ندير باش نجبدها ليا

الشرات و لعفايس هادوك :angel_not:

اعبد الحق ان شاء الله برك ما نكونش غالط انا تاني :001_wub:
​

 

[رحيل 82]

أخي الكريم إذا كانت نيتك طيبة كما تقول فمن الأحسن أن تدخل البيوت من أبوابها ... وإذا كان لك فيها نصيب تأكد أن الله عز وجل سيتمم لك هذا الأمر ... كما أن أمر المحبة والإعجاب .... فالقلوب بيد الله عز وجل يقلبها كيف يشاء ... فإذا سلكت الطريق المستقيم وكان في إرتباطكما خيرا ... أكيد أن الله عز وجل سيحببك لها ويزينك في عينها ... ودعك من التصرفات الأخرى التي تزيد من الإعجاب والتودد والحب والإرتياح ... فمن الممكن ينقلب الأمر الى العكس ... لأنه لا يجوز شرعا ...
والله أعلم
​

 

[عبد الحق +213]

هههههههههه واااااااااحد ما فهم السيجي الغاشي طايح كتر من النايض


اووووووو حاب يقول كيفاش ندير باش نجبدها ليا

الشرات و لعفايس هادوك :angel_not:

اعبد الحق ان شاء الله برك ما نكونش غالط انا تاني :001_wub:
​

أوووف ،بسيف لقيت واحد فهمني ،أنت صح ولد بلاد ،بصح والله يالزين ،نيتي صافية ،حبيت نميلها ليا ممبعد نخطبها ما نيش نلعب ،وهوما دخلو عليا غير روح روح روح ،أزدم ،أخطب ....ما فادوني تقريبا في والو...حلبونا شويا يا سيدي

 

[M!ss_f@ti]

أخي انآ نجآوبكـ بكلـ صرآحة
اذآ أنت مآبلغتش سن الزوآج ومآ عندكش خدمة موحآل تصدقكـ
انآ نقولكـ قوللهآ بلي انت تحبهآ واطلب منهآ تستنآك واذآ كآنت حآبة ابعث وآلديكـ وحط يدكـ عليهآ كيمآ نقولو
وربي يجمعكمـ في الخير ان شاء الله
تحيآتي​