يا بنات المنتدى أنا في حاجتكم،أريد جوابا صريحا لسؤالي

[كبرياء دمعة]

أوووف ،بسيف لقيت واحد فهمني ،أنت صح ولد بلاد ،بصح والله يالزين ،نيتي صافية ،حبيت نميلها ليا ممبعد نخطبها ما نيش نلعب ،وهوما دخلو عليا غير روح روح روح ،أزدم ،أخطب ....ما فادوني تقريبا في والو...حلبونا شويا يا سيدي

كل هاد الردود و كل هاد الاراء و مافادوك فى والوا
على الاقل كلمة شكر كى حاولوا يساعدوك
ربى يجيب اللى فيه الخير
شكرا على كل حال​

 

[عاشق الوحدة]

خويا لاكان حاب نعطيك فكرة باش تدخل لقلبها انشاء الله
ممكن رقم بورتابلك أو ابعثلي في الخاص
اذا أردت

 

[ولد بلاد]

خويا لاكان حاب نعطيك فكرة باش تدخل لقلبها انشاء الله
ممكن رقم بورتابلك أو ابعثلي في الخاص
اذا أردت

ماشي خير كون عطالنا عمرو و عمرها

ماراكش رايح تعطيلو لاروسات تاع 16 سنة

ولا واش رايك خو
​

 

[عبد الحق +213]

كل هاد الردود و كل هاد الاراء و مافادوك فى والوا
على الاقل كلمة شكر كى حاولوا يساعدوك
ربى يجيب اللى فيه الخير
شكرا على كل حال​

يا أخت كبرياء دمعة ،بارك الله فيك وفي أعضاء المنتدى ،الله لا يطيحلك دمعتك ،راني برك نحب نهدر مرتاح مع الأعضاء وليس شيئ أخر ،يا سيديما تزعفيش واسمحيلنا

 

[تلمسان المتمردة]

يا اخي موضوع لا يحتاج للتفكير أبدا الحل الوحيد روح لها للدار و خطبها الا وافقت يعني تحبك و الا ما وافقتش يعني ما تحبكش .​

وانشاء الله توافق

 

[عبد الحق +213]

ماشي خير كون عطالنا عمرو و عمرها

ماراكش رايح تعطيلو لاروسات تاع 16 سنة

ولا واش رايك خو
​

والله في عمري 25 ،وهي ما عمباليش ،أظنها أقل مني ،لكن لشدة خوفي من الفشل معها ،ارتأيت أن استشيركم،هات لا روسات تشوف

 

[عبد الحق +213]

يا اخي موضوع لا يحتاج للتفكير أبدا الحل الوحيد روح لها للدار و خطبها الا وافقت يعني تحبك و الا ما وافقتش يعني ما تحبكش .​

وانشاء الله توافق

شحال واعرة تقولك طفلو ما نحبكش

 

[نرجس هبةالرحمان]

اذا كنت انت متقدرش تحكي معاها ابعتلها طفلة تعرفها و قوللها اذا كانت موافقة ولا لالا

 

[ولد بلاد]

شحال واعرة تقولك طفلو ما نحبكش

لا لا كون دير هاد لحساب في مخك ماتفراش

باش نتفاهمو من لول
​

 

[mir@cle]

خويا لاكان حاب نعطيك فكرة باش تدخل لقلبها انشاء الله
ممكن رقم بورتابلك أو ابعثلي في الخاص
اذا أردت

عارفينها ....شفنها فالأفلام ... يرفع زوج كيلو تفاح ويزدم فيها، يطيح التفاح وهي تتحشم وترفع معاه التفاح ومبعد يقولها مكانش مشكل ماصرا والو، وقتاش نجي نخطبك؟؟؟ هي تتحشم وتقولو سقسي بابا

مكانش وصفة ستوندار أبدا ..راك غالط
​

 

[عبد الحق +213]

أخي الكريم إذا كانت نيتك طيبة كما تقول فمن الأحسن أن تدخل البيوت من أبوابها ... وإذا كان لك فيها نصيب تأكد أن الله عز وجل سيتمم لك هذا الأمر ... كما أن أمر المحبة والإعجاب .... فالقلوب بيد الله عز وجل يقلبها كيف يشاء ... فإذا سلكت الطريق المستقيم وكان في إرتباطكما خيرا ... أكيد أن الله عز وجل سيحببك لها ويزينك في عينها ... ودعك من التصرفات الأخرى التي تزيد من الإعجاب والتودد والحب والإرتياح ... فمن الممكن ينقلب الأمر الى العكس ... لأنه لا يجوز شرعا ...
والله أعلم
​

على فكرة ياأخت رحيل ،أنا صاحب موضوع الحب المحرم كان لا حظت ،هنا تعرفي بلي رانا في مجتمع يفرض عليك أشياء أنت ماراكش حابها،لكنوالله ذكرتيني أن القلوب بيد الله يقلبها كيف يشاء،يفكرك في الشهادة ان شاء الله

 

[الجمرة الخبيثة]

سلام خويا
نقولك واش تعمل ابعثلها كاش وحدا تعرفها تفريلك لافار تا كتروح تقلها بلي راه نويك لحلال وشوف واش ردت فعل تاعها ولا قبلت بيك

حنا نمووووووووووووتوا في طفل سيريوز من عدي متلعبهاش قدامها تبدا تبين في روحك خاتش رانا نتلقاو من ذاك الجور صراحة
متعود عاقل متعود مافيا فهمتني وحمر فيها لعين وصية لاننا نشتوا الراجل لفحل

مي نتا جامي لمحتلها ؟؟؟؟؟
مزالك الوقت بعيد باش تروح تخطب
كون تروح تخطب ترفض 100/100 بكل تاكيد
نقولك علاش تقول زواج بكري ومنيش عارفا

كون جيت نعرفك ونعرفها نفريها لخوي الله قالب
ان شاء الله تفرالك
وردلنا لخبر اوكي ..............

​

 

[Elif DZ]

لا يوجد خير من ولوج البيوت من ابوابها
و مادامت نيتكـ صافية فتوكل على الله
​

 

[*amina*]

روح خطبها وفترة الخطوبة كافية للتعرف فيما بينكما

 

[أبو الوليد القصباوي]

أخي الكريم إذا كانت نيتك طيبة كما تقول فمن الأحسن أن تدخل البيوت من أبوابها ... وإذا كان لك فيها نصيب تأكد أن الله عز وجل سيتمم لك هذا الأمر ... كما أن أمر المحبة والإعجاب .... فالقلوب بيد الله عز وجل يقلبها كيف يشاء ... فإذا سلكت الطريق المستقيم وكان في إرتباطكما خيرا ... أكيد أن الله عز وجل سيحببك لها ويزينك في عينها ... ودعك من التصرفات الأخرى التي تزيد من الإعجاب والتودد والحب والإرتياح ... فمن الممكن ينقلب الأمر الى العكس ... لأنه لا يجوز شرعا ...
والله أعلم
​

اجعل التقوى زادك وانصب الآخرة أمامك

 

[عبد الحق +213]

اجعل التقوى زادك وانصب الآخرة أمامك

ربي يبارك فيك ،دعينا بالثبات ان شاالله

 

[[ايمآن]]

عادي اخي عبد الحق مدام نيتك صافية ربي يسهلك
روح قوللها ولا ابعثلها وفهمها بلي راك جاي من الباب
واكيد تفرح وتعرف قيمتك
ربي معاك

 

[معاك يا الخضراء]

السلام
راني وليتلك
شوف نقلك
1 ما تبعتلها حتى واحد:cursing:
انا كون يبعتلي كش واحد نقول راهو مش قادر على شقاه :angel_not:
2 خليك تقيل على قولة المصري
ان كون نشوف واحد طايح و لا مهتم بزاف نمرقو :angel_not:
3 تقدر تقربلها كي تكون في جماعة
هاكا توالفك بالشوية باه ما تبنالهاش غريب:angel_not:
4 غير اخزرلها في عينيها و ما تهدرش:angel_not:
سحر العيون عندو تاثير خاص:001_wub:
5 شوف لحوايج الي تحبهم و ديرهملها
هاكا تكسب قلبها:001_wub:
6 ما تسمطش عليها فالهدرة بزااف و لا تبقا تحكي برك:001_wub:
باعتباري فتاة:angel_not: هادو لحوايج ياثرو فيا بزاف انا قتلك وانت ربي يعاونك​

 

[programmeur]

شوف خويا
على ما فهمت انت راك حاب تعرف رأيها فيك
يعني اذا تقبل ولا لالا
على مأأظن الاخت معاك ياالخضرا راهي محقة
أنت زدم وعرف غيل كيفاه تهدر برك
وتقوللها أنيسة ممكن دقيقة من وقتك راني حاب نتكلم معاك
وتكلم معاها بهدوء وانشاء الله يكون غيل الخير
وكي تاخد رايها جيب يماك و زدم من الباب و ألف مبروك
مايكون غيل الخير ان شاء الله
وغيل ماتنساش تعرضنا نهار العرس برك هههههههههههههههههههههههه

 

[homework]

ياخويا الاعجاب مشي حرام شوف مليح مع روحك كي تقرر قرار نهائي اهدر معها وقللها نيتك صافية لانو لبنات ايخافوا على سمعتهم