كي تتزوج واش تدي؟؟؟

[وردة رمال الصحرا]

السلام عليكم
:angel_not:واش راكم خوتي ان شاء الله بخير:angel_not:
الموضوع موجه للاولاد و البنات و يا ريت تعتمدوا الصراحة
وعدم التعصب في آراءكم::angel_not:
أيا نبدا بسم الله:
عجباتك وحدة:001_wub: تكلمت مع داركم عليها:angel_not: وافقوا :yahoo:أيا تقدمتلها رسميا :blushing:
هذي مراحل تفوت على كل واحد ...و انا لي حابة نعرفوا نظرة الشباب في هذا الوقت للبنت لي حابة تخدم :angel_not: و إذا شرطت عليك تخدم تهد قع واش درتو؟؟؟ كل واحد يقول رايو اوكي؟؟:angel_not:
و انتوما يا البنات : حابين تخدموا ولا لا :confused1: و لي تخدم علاش حابة تخدم؟؟؟ و لوين حابة توصل؟؟:confused1:
حابة نقاش راقي و انتوما اهلوا ناس اللمة الطيبين....بارك الله فيكم ....و أرجو التفاعل لأهمية الموضوع
:001_wub:تحياتي:001_wub:​

 

[[ايمآن]]

سلام
انا وحدة نقعد في الدار لا خدمة لا والو وكي نحتاج نخدم
بصح معليش لازم المرا تقعد في الدار
في الضرورة برك
تحيتي
​

 

[[ايمآن]]

اذا كان طلب منها متخدمش يعني متخدمش واذا رفضت انا بالنسبه لي تحكم دارهم
هاذي هي منحتاجهاش تخدم

hmy: يالطيف
كيراك لاباس
:cursing: ان شاء الله تجيك وحدة تخدم بالسيف عليك:glare::glare:

 

[BeSt GlAdiAtOr]

ختي نوارة
يجي نهارها ويسهلها ربي وكي نفري لافار لي قلتلك عليها --فرصة العمر--
يرحمها ربي
​

 

[وردة رمال الصحرا]

سلام
انا وحدة نقعد في الدار لا خدمة لا والو وكي نحتاج نخدم
بصح معليش لازم المرا تقعد في الدار
في الضرورة برك
تحيتي
​

ما شاء الله مليح انك تفكري في دارك و زوجك .......يعطيك الصحة اختي و ربي لا يحوجك تخدمي ان شاء الله
أسعدني تواجدك شكرا جزيلا

اذا كان طلب منها متخدمش يعني متخدمش واذا رفضت انا بالنسبه لي تحكم دارهم
هاذي هي منحتاجهاش تخدم

ايه خويا كاين بزاف عندهم نظرتهم هذي...أيا ربي يسهلك ان شاء الله ... بصح حاولوا تقنعوا البنات و زيد اذا خدمتها نظيفة و مافيهاش اختلاط بزاف و تقدر توازن بين دارها و خدمتها معليش مافيها والو
بارك الله فيك أخي

 

[وردة رمال الصحرا]

ختي نوارة
يجي نهارها ويسهلها ربي وكي نفري لافار لي قلتلك عليها --فرصة العمر--
يرحمها ربي
​

الله يسهلك آسيدي و هذيك هي تدي وحدة من الشا... ما تخدم ما والو و حتى اذا خدمت عندهم الأمان هنا
شكرااا

 

[السلطانة]

وعليكم السلام ورحمة الله وبركاته
احم احم نبدا
انا ماشكيتش نخدم
السبب:التعليم في بلادنا وحالتو لي تشف مالgري زادولهم في لاpاي ،بصح الخدمة مع الجيل هادا صعيبة ،يهبلوني جيل غير تاع تمسخير وتركاب وادا كتبلي ربي وقريت وزيد واش نقري :لغة عربية اكيد نهبل
معناتها:الخدمة=السكر،الضغط،الاعصاب،التوسويس....
مالا نريح في الدار نخدم الزوج والابناء ونوقف عليهم احسن
الله غالب نقرا باه نتزوج ونحكم الدار خخخخخ
vive البيدون والنشافة

 

[اسيرة الاحلام]

انا نقرى باه نثقف روحي برك ماشي باه نخدم

منحبش كلمه اسمها خدمه

ربي يطيحني في راجل مستور حالو و ميحتاجنيش باش نخدم

​

 

[killer of dracoula]

" اقرأ جيدا مابين السطور "


" القوانين وضعت لكي تخرق "
​

 

[H@teM]

السلام عليكم
انا واحد من الناس مرتي
متخدمش بلاصتها الدار وحااااجة
متخصها غير تهدر ولا تشاور يجيها
انا تهنيني برك في داري وعيلتي نعطيها وش تحب
مشكورة
​

 

[مريومة85]

السلام عليكم
عن نفسي الامر صعب
يعني اذا الوحدة تعودك على عملهاصعب عليها تركه
ضف الى ذلك ماعادش كاين لامان في الرجل ممكن يتخلى على رفيقة عمره بضحكةمزيفة من وحدة في سن بنته................
​

 

[وردة رمال الصحرا]

وعليكم السلام ورحمة الله وبركاته
احم احم نبدا
انا ماشكيتش نخدم
السبب:التعليم في بلادنا وحالتو لي تشف مالgري زادولهم في لاpاي ،بصح الخدمة مع الجيل هادا صعيبة ،يهبلوني جيل غير تاع تمسخير وتركاب وادا كتبلي ربي وقريت وزيد واش نقري :لغة عربية اكيد نهبل
معناتها:الخدمة=السكر،الضغط،الاعصاب،التوسويس....
مالا نريح في الدار نخدم الزوج والابناء ونوقف عليهم احسن
الله غالب نقرا باه نتزوج ونحكم الدار خخخخخ
vive البيدون والنشافة

ههههههههه والله ردك هايل هااااااااايل
يعطيك الصحة اختي ، صدقيني الخدمة الكبيرة في خدمة الدار و الأولاد و الاعتناء بنفسك انت كمرأة
ربي يعاونك و يسعدك بارك الله فيك

انا نقرى باه نثقف روحي برك ماشي باه نخدم

منحبش كلمه اسمها خدمه

ربي يطيحني في راجل مستور حالو و ميحتاجنيش باش نخدم

أكيد أختي الثقافة رح ترجع ليك و لدارك و لزوجك و لأولادك
بارك الله فيك و ربي يرزقك ما تتمني
شكرااا

 

[mahdi.dz]

انا واش ندير اذا كانت المرى هي اللي تخدم نقعد في الدار خير ههههههه ؟؟؟؟؟؟
اها المرأة مايليقش تخدم لازم تقعد معززة مكرمة في دارها يجيها المصروف لباب الدار
تقبلي مروري
​

 

[وردة رمال الصحرا]

السلام عليكم
انا واحد من الناس مرتي
متخدمش بلاصتها الدار وحااااجة
متخصها غير تهدر ولا تشاور يجيها
انا تهنيني برك في داري وعيلتي نعطيها وش تحب
مشكورة
​

ايييه مالا ربي يهنيك و يهنيم مع بعض إن شاء الله راك الثاني من الأولاد لي جايين كونتر الخدمة
بارك الله فيك و ربي يرزقك الزوجة الصالحة

السلام عليكم
عن نفسي الامر صعب
يعني اذا الوحدة تعودك على عملهاصعب عليها تركه
ضف الى ذلك ماعادش كاين لامان في الرجل ممكن يتخلى على رفيقة عمره بضحكةمزيفة من وحدة في سن بنته................
​

يعني ماكيش حابة تخدمي...يعني راكي كيما كل البنات .....لحد الآن الردود كلها ما شاء الله متوافقة ربي يهنيكم و يعطيكم ما تتمناو
شكرااا

 

[وردة رمال الصحرا]

انا واش ندير اذا كانت المرى هي اللي تخدم نقعد في الدار خير ههههههه ؟؟؟؟؟؟
اها المرأة مايليقش تخدم لازم تقعد معززة مكرمة في دارها يجيها المصروف لباب الدار
تقبلي مروري
​

أيا مليح ربي يهنيك ان شاء الله و يرزقك الزوجة الصالحة لي تتمناها
شكرا ليك و بارك الله فيك

 

[missa_1]

ايه لاعبينها قاع رجالا زعما مرتي متخدمش ياو فاقو
كاين والله الي يديها هي تخدم عليه

 

[وردة رمال الصحرا]

ايه لاعبينها قاع رجالا زعما مرتي متخدمش ياو فاقو
كاين والله الي يديها هي تخدم عليه

علاه اختي ما ظنيتش لاعبينها...لي يديروها و يدو ازواجهم باش يخدموا عليهم اسمحيلي نقولك هذو عديمي المسؤولية...بصح المرا هنا تلقاها مفتخرة .... نورمالمو تحشم راجلها مريح و هي مش مخلية بلاصة ... ربي يهدي برك
بارك الله فيك اختي

 

[killer of dracoula]

ايه لاعبينها قاع رجالا زعما مرتي متخدمش ياو فاقو
كاين والله الي يديها هي تخدم عليه

 

[missa_1]

ايه عندي سنين وانا نقرى او نتعب ونطيح ونوض ومبعد يجي سي فلان يقلي متخدميش هاذي قاع متكونش

 

[وردة رمال الصحرا]

السلام عليكم
اختي وردة الرمال راكي دايرة حالة ليوم بالمواضيع
أدامك الله ذخرا للمنتدى
احم احم هادا الموضوع راني حاب نحكي فيه ندير فيها تاي و ممبعد نحطلكم سعدكم ف ايدكم يالي حابين تخدمو هههه

شوفي أولا كل شيئ يبدا بالمفاهمة ....نحكي على روحي ....عندي مبدأ نمشي عليه و لا أحيد عليه أبدا: اذا كان الرجل قادرا على مشاق الحياة و يقدر يعيشها و يعيش ولادو..المرا ممنوع عليها تخدم...تحكم دارها تربي ولادها و تتهلى في راجلها هوما أولى بيها.....اما اذا كان الرجل حالتو حالة ومش لاحق..لابأس أن تقوم المرأة بعمل تعاون بيه المهم يكون شريف ..ومن المستحسن يكون عمل في البيت مثلا خياطة .....الخ
يا لبنات متقوليلوليش مالا علاش قرينا..راكم قريتو باش تحصنو رواحكم و باش تثقفوا و توقفوا ضد مصاعب الحياة.
.مقريتيش باش تخدمي و تخلي ولادك عند الجيران
.مقريتيش باش تخلي راجلك ساخف على ماكلة سخونة و بنينة
.مقريتيش باش يطلعو ولادك ناقصين حنان
.مقريتيش باش تدخلي على 6 تاع لعشية شعرك مشبشب:blink: و يجي راجلك تعبان متقدريش حتى تنحي عليه و لا تسهري معاه
و في الاخير منطولش عليكم علابالي كرهتو مني هههه
نختموها بكلام المصطفى و كلام المولى
حيث انو وصى المرا تتهلى في راجلها و انها متشوفش الجنة اذا كان مش راضي عليها
انا نقول هادي تكفي
سؤال في الاخير: مازال كاينة الي حابة تخدم ؟:confused1::thumbup1:
​

الله يسلمك خويا لي اسمك غريب
و بصحتك التاي
أيا نبدا في ردي على تعليقك:
اولا لي قلتو كامل صحيح و انت ما شاء الله عليك منصف يعني مديت الأحقية لخدمة المرا كي ما تكونش قادر و كيما قلت هذي ما فيها والو
انا نقولك حاجة كنت ضد حاجة اسمها الخدمة لخاطر معظم لي يخدموا من النسا تلقاهم و بكل إحترام مضيعين امور كثييرة راك تكلمت عليها
بصح كي كملت قريت و راني قريب نتخرج و حا ندخل ماستر و دكتوراه ان شاء الله ... و زيد تخصصي يتطلب مني نكون واعية بحال المجتمعات للإصلاح و حابة نكون مصلحة و داعية .... و انا دارسة شريعة ...حابة نكمل نخدم و نمد العلم لي تعلمتو للأجيال و ندعو و نتنقل لكل مكان إذا ربي يسرلي... و طبعا هذا الزواج جاي جاي في الطريق فلازم نعرف وين نعيش و مع شكون رح نعيش
و انا بكلامي هذا مانيش ندعو الى انو المرأة لازم تخدم راني نحكي على روحي كمثال و لا كعينة... و نرجع نقول ماكانش قد المرأة لي تهني من بيتها و أولاده او زوجها
ان شاء الله تكون فهمتني .....طولت اكثر منك
ردك أسعدني كثيرا بارك الله فيك