أول لقاء

[soufi1932]

تحية خالصة إلى كل أعضاء اللمة​

قد يشوقكم العنوان ، لأنه فعلا مشكل أعيشه وأريد كم أن تنيرونوا بآرائكم .
أنا معجب بفتات ، أراه كل صباح وأنا متوجه إلى العمل ، لكن فترة رؤيتي لها لاتتعدى الدقائد كونها تركب حافلة اتجاهها ليس نفس اتجاه حافلتي .
في المنزل أقرر التوجه إليها والتكلم معها ، لكن أخاف ردة فعلها كوني لاأعرفا . كما أنني أسأل نفسي ماهي الكلمات التي اقولها لها في أول لقاء . :confused1::confused1::confused1::confused1:

أشيروا عليا حفكم الله .​

 

[عبد الحق +213]

يا أخي قبل أن أشير عليك ،سأفترض أنك تنوي الزواج بها ،وليس مثل شباب اليوم ...وأنت تعرف
أخي أنا برأيي لا تفاجئها ،حاول التمهيد لها حتى تهيأها للقاء الأول..لا أعرف كيف على حساب الوضعية ،إن كان لك أحد يعرفها اطلب منه الحديث لها عنك وبذكاء يعني ما يمرقش ،أو إذا كنت أنت قادرا من التقرب منها بصفة غير مباشرة والحديث معها قبل مصارحتها حتى تطمئن لك نوعا ما،بعد ذلك توكل على الله
أنا درست معي واحدة أربع سنوات ،لم تكن نيتي تجاهها الارتباط ،بل كنت أراها مجرد زميلة ،اليوم قلت في نفسي لم لا أقصدها ...فرغم أنها تعرفني وأعرفها جيدا إلا أن الأمر صعب علي فما بالك أنت،لكن لا تقلق أولها هو أصعبها بعد ذلك تتبسكط الأمور وتسهل ،لكطن أنصحك ....إذا سلكت طريقا لا تنوي إتمامه فلا تبدأه أصلا ...وبنات الناس صعاب ....بارك الله فيك ،اعرضنا للعرس

 

[soufi1932]

بوركت عبد الحق على رأيك ، وراك معروض إنشاء الله . اليوم يوم جمعة وفيه ساعة استجابة فادعو لي معك .

 

[loca]

اي من تشوفها ديما وباغي تحكي معاه عادي وعلاش لالالا بصح الا كنت باغيها تاع صح تروح تحكيها بصح لازم تكون هي متفهمة شوية زعما تقد تحكي معاه بلا ما تعرفك ؟ منضنش بصح بلاك انت روح ليها عادي بصح منعرف واش غادي يصرا من بعد ؟؟؟؟؟؟؟؟ ربي يهنيك خيي .

 

[1992meriem1]

ida sah rak nawiha lahlal roh liha w kolelha kasdek
mais lazem tetaked kbel beli machi makhtouba w tsaksi 3la la famille ta3ha
haka ta3ref win that rejlik
takabal morori
​

 

[المتفائلة خيرا]

الحل الصائب هو التوجه لأهلها ...

 

[دزيرية حرة الحراير]

والله يا اخي انا نشوف بلي لازم تسقسي عليها والا يوم تشوفها قلها السلام وربي اعاونك خو:001_wub:

 

[نقاء السطايفية]

شوف خويا طباع بين البنات تختلف على حساب العمر يعني كاين فرق بين وحده صغيرة وكبيرة اول حاجة لازم تديرها هي تسقسي عليها اسكو مرتبطة ولالا ادا عادت مش مرتبطة انا نفضل تبعثلها وحده تهدر معاها وتفهمها ادا تقبلت الفكرة ورحبت بيها تقدر تبادر انت وتهدر معاها وادا ماتقبلتهاش ونت كنت ناويها صح قلها ماعليش نجي نخطبك وخلي الباقي علا ربي ونا كون جيت في بلاصتها وتجي تهدر معايا طول ندي عليك فكرة بلي الي تعجبك تهدر معاها نقولك حاجة الا عادت كبيرة ومازال مارتبطتش 90 بالمية تقبل ونشالله ربي يوفقك

 

[رانيا ميسي]

السلام عليكم يا اخي انت حبيتها وراك ماكش عارف هي تحبك ولا لا روح ليها وتكلم معاها بلاك يهديها ربي ...... وربي معاك

 

[soufi1932]

أشكركم جميعا على احساسكم بم أحس ، وهذا دليل على أني فعلا أصبح لدي خواتات و اخوة .
ربي يهنيكم ، أدعيولي معاكم .

 

[Soumia_Sétifienne]

روح لاهلها خير هذا هو الصح وسقسي عليها اذا كانت ماشي مخطوبة .....وربي معاك خووووووووويا

 

[soufi1932]

صحيت معتز ، باه تروح لوالديها طول تبانلي بلي لازم نعرف رايهاقبل ولا لالا سينو نحرجها إذا كانت عندها واحد تتمناه ولا راني غالط؟؟؟؟؟؟؟؟؟؟؟؟؟؟؟

 

[soufi1932]

صباح الخير سمية ، كيفه نعرف بلي راهي قابلتني باه نروح نسقسي عليها ؟

 

[Soumia_Sétifienne]

صباح الخير سمية ، كيفه نعرف بلي راهي قابلتني باه نروح نسقسي عليها ؟

صباح النور.....عندك الحق قادرة تكون عندها واحد في حياتها..امالا اول خطوة روح اهدر معاها هي قلها بلي راك ناويها لحلال وكلام كيما هكذا معلاباليش كيفاه لمهم :001_wub: ..ان شاااااااااااااااااء الله تكون من نصيبك

 

[messikimo]

تشجع وفقـــــــــــــــــــط​

 

[imado]

ربي يكون معاك أخي ... النية هي كل شيء واذا نوا واحد نية مليحة مايخيبوش ربي ..... bon courage mon frere

 

[رانيا ميسي]

ربي يوفقك شكرا

 

[soufi1932]

شكرا لاهتمامكم جميعا

 

[سلطان زماني]

لا تسمع كلام احد من الشباب راك حاب رايي
اول ما تشوفها الصباح قاردها بحجراا فلقها وبعدين رووح اجري عندها العبها مشي نتا او نسيت لرااس المهم
كي توصل عندها عنقها وقلها ياليتها فيا ولا فيك مين ابن الذين فسو ولا حسو الي عمل فيك كدا
ورفدها وقلع لصبيطار اي المستشفه روحو تمشو باش طولو ونت رافدها بلاك تخليها تمشي المهم اول ماتوصلو المستشفه انا اضمنلك انك ر اح تعيشو احلا قصة حب والاطباء و الادوية راح تشهد على حبكما
وتيتيتي مثل مارحتي مثل ما جيتي

 

[messikimo]

روحلها وصارحها بحبك ليها​