الزعاف خلاني نعمل حاجة grave

[M!ss D!or]

هاد ليامات والله ماراني عارفة واش بيا ليدور بيا نشعل فيه و نتقلق على أتفـــه الأسباب و حابة غيــــــر نقعد وحدي و نبكي بيني و بين روحي بدون سبب و حاااسة قلبي مقبوض​

والله ماراني عاااااااارفة وااااااااااش بيـــــــا ​

وزيد اليوم الزعاف خلاني نعمل حاجة grave لا يرضاها ربي لا العبد مي والله plus fort عليا​

نشوف في الدنيا ضيقة ​

المهم أنا فرغت قلبي و إنشاء الله تحسو بيا :crying:​

و تكفيني كلمة أصبري منكم ​

شكرااا ​

أستغفر الله​

 

[JSK 14 CH]

لاتحملي قلبك اختاه مما لايستطيع حمله قليلا فقط اصبري فان الله مع الصابرين ولاتحزني فان الله معك ومعنا جميعا

 

[M!ss D!or]

مشكووووور خويا

الله يصبرنا​

 

[مروة MARWA]

اولا يا ختي هادي حالة نفسية قادرة تكون نتيجة حاجة صراتلك ماتخميش بزااااااف ولا شيء يستحق
نقولك نصيحة ولا واحد راح يقولك خيرمنها روحي اتوضاي وصلي واقراي قران خاصة سورة الكهف اليوم وان شاء الله رح تحسي بالراحة "الا بذكر الله تطمئن القلوب" واصبري
ربي يكون معاااااااااااااك
​

 

[M!ss D!or]

مشكووووور أختي مروة
والله عندك الحق إلا بذكرالله تطمئن القلوب​

 

[مروة MARWA]

مشكووووور أختي مروة
والله عندك الحق إلا بذكرالله تطمئن القلوب​

لا شكر على واجب اختي
ربي يوفقك في حيااتك
​

 

[IMAN02]

اقراي قرآن تريحي
راني حاسة بيك انا تان منين داك تصرالي

 

[loca]

لالالا خيتي علاش عليك هكا ولي يحكو معاك علاش تزعفي عليهم لالا حاولي تبقاي مع روحك بلا متبكي بصح وتخمي مع عمرك وان شاء الله تروح عليك هاد العين يا زين كيما يقولو عجايز غي العين هادي باين ههههه لالالا حنونة متزعفي روحك متحاجةربي يهنيك .

 

[mina009]

يا اختي هاذي حالة نفسية كثيرا ما تحدث لكن افضل حل لزوالها هو قراءة القران...و ربي يجيب الخير ان شاء الله

 

[ميرهان]

استغفري حبيبتي و خلي ثقتك في ربي كبيرة وكل مشكلة ولها حل
تقبلي مروري يا الغالية

 

[sam_houssem]

ربي يكون معاك
ويصبرك و يرفد عليك
مي خيتي انا من عندي نقولك منين تصرالك كيما هكاك نوضي صلي لربي زوج ركعات وهزي المصحف اقراي شوي قرآن ونضمنلك رايحة تحسي روحك خير بالبزاف
وكيما نعرفو كامل "الا بذكر الله تطمئن القلوب"
ربي معاك
والا تحتاجي اي شيء نحن في الخدمة
سلام​

 

[M!ss D!or]

اقراي قرآن تريحي
راني حاسة بيك انا تان منين داك تصرالي

عندك الحق أختي مشكورة​

 

[M!ss D!or]

لالالا خيتي علاش عليك هكا ولي يحكو معاك علاش تزعفي عليهم لالا حاولي تبقاي مع روحك بلا متبكي بصح وتخمي مع عمرك وان شاء الله تروح عليك هاد العين يا زين كيما يقولو عجايز غي العين هادي باين ههههه لالالا حنونة متزعفي روحك متحاجةربي يهنيك .

مشكورة حنونة أرواحي سبعي عليا ههه
​

 

[M!ss D!or]

يا اختي هاذي حالة نفسية كثيرا ما تحدث لكن افضل حل لزوالها هو قراءة القران...و ربي يجيب الخير ان شاء الله

مشكورة أختي و عندك الحق ماكانش ماخير من كلام ربي​

 

[M!ss D!or]

استغفري حبيبتي و خلي ثقتك في ربي كبيرة وكل مشكلة ولها حل
تقبلي مروري يا الغالية

مشكورة حنونة والله كلامك يريح​

 

[M!ss D!or]

ربي يكون معاك

ويصبرك و يرفد عليك
مي خيتي انا من عندي نقولك منين تصرالك كيما هكاك نوضي صلي لربي زوج ركعات وهزي المصحف اقراي شوي قرآن ونضمنلك رايحة تحسي روحك خير بالبزاف
وكيما نعرفو كامل "الا بذكر الله تطمئن القلوب"
ربي معاك
والا تحتاجي اي شيء نحن في الخدمة

سلام​

مرسي بزااااف خويا والله عندك الحق كلام ربي يطمن القلب
​

 

[bessmounette]

ماتقلقيش روحك حبيبتى صح كامل تصرالنا و نتقلقو على اتفه الاسباب شدة و تفوت شوفي اقراي قران و لا جاتك دمعة ابكي باش تفرغي قلبك ما تخليش كلش لداخل و شوفي اقرب انسان ليك احكيلو وفرغي واش كاين في خاطرك و ديري في راسك حاجة ماتستهل لواحد يقلق روحو على جالها اوكي حبيبتى و كشما حتجتي رانى كي اختك سلام حنونة​

 

[M!ss D!or]

ماتقلقيش روحك حبيبتى صح كامل تصرالنا و نتقلقو على اتفه الاسباب شدة و تفوت شوفي اقراي قران و لا جاتك دمعة ابكي باش تفرغي قلبك ما تخليش كلش لداخل و شوفي اقرب انسان ليك احكيلو وفرغي واش كاين في خاطرك و ديري في راسك حاجة ماتستهل لواحد يقلق روحو على جالها اوكي حبيبتى و كشما حتجتي رانى كي اختك سلام حنونة​

والله يا أختي حطيتي يدك على الجرح تحبي الصح قلبـــــي معــــمر مي مارانيش لاقيا لمن نفرغ قلبي
مرســــــــــي بزاف حنونة كي فهمتيني
ربي يصبرنا​

 

[bessmounette]

حبيبتى قولتهاك و نعاودهالك كاشما سحقيتى ولا حبيتى تحكي راني هنا كي اختك كامل تصرالنا و مشكل ما تلقايش لمنتفرغى قلبك و كون واحد مايكونش ماقيوس ولله ما يفهمك وما يحس بالجمرة غير لي كواتو وراني هنا في كل وقت​

 

[M!ss D!or]

حبيبتى قولتهاك و نعاودهالك كاشما سحقيتى ولا حبيتى تحكي راني هنا كي اختك كامل تصرالنا و مشكل ما تلقايش لمنتفرغى قلبك و كون واحد مايكونش ماقيوس ولله ما يفهمك وما يحس بالجمرة غير لي كواتو وراني هنا في كل وقت​

والله رتحتلك ورايحة نقولك واش كاين في قلبي
أستنايني دوك نجردلك في الرسائل الخاصة ههه​