هل من نصيحة تفيدني ؟؟

[anfel zahida]

السلام عليكم
راني حايرة و معرفتش الجواب:001_unsure:
راهم كاين غاشي يديروا الشر و يكون هو الظالم أمبعد كي يجي وقت المحاسبة الظالم يغلب المظلوم بصح هل يحس بتأنيب الضمير كي كلى حق المظلوم ؟؟؟؟؟:sad:
أنا شخصيا صراتلي و كنت أنا الظلم و غلبت المظلوم بصح على يامات بديت نحس بتأنيب الضمير و تمنيت لوكان ننضرب و نتسب على أني نعيش بتأنيب الضمير و الله غير واعرة
من فضلكم أريد رأيكم

و شكرا على المرور

 

[loca]

او صاي دروك فات حال لوكان يجي ندم قبل الا تصرا هاديك حاجة للنندمو عليها لوكان رانا غاية بصح انت اطلبي سماح من هدا لي ظلمتيه والا كان راح وصاي معندك ماديري غير انك اعترفتي بخطا تاعك وانا عجبتيني بهاد شي ومتكريش خطا وتاني لي فات مات مكان علاش تزعفي روحك بصح عندك تسمحي في حقك تقولي بلاك اني نظلم من جديد لالالا متسمحي في حقك ما تظلمي وربي يهنيك انوشة.

 

[makour]

صح لازم الواحد يخمم فاللي جاي وانتي اختي تسرعتي الحل اللي نقدر نمدهولك اعترفي بالغلطة تاعك واطلبي السماح من اللي غلطتي في حقوا صدقيني رح تحسي بواحد الراحة

 

[anfel zahida]

صح لازم نعمل بالنصيحة شكرا

 

[loca]

العفو ازين لا شكر على واجيب خيتي .

 

[بيارق العطاء]

صدقيني حتى انا صرات معايا ومارتحتش خاتي كي طلبت السماح وكيما الواحد مايحبش يظلموه هو ثاني لازم مايظلمش .

 

[yesmine]

مساء النور

مساء النور

أختي أنفال لقد قرأت موضوعك ونصيحتي لك هي كما يلي
الحمد لله أنك تبت قبل فوات الأوان لأن الظلم ظلمات يوم القيامة
ارجعي الى الله عز وجل واطلبي منه السماح والغفران فان الله كريم يقبل توبة التائب اذا كانت التوبة من القلب
أما الناس الذين ظلمتيهم فردي لهم حقوقهم كاملة
واطلبي منهم المسامحة

أتمنى لك التوفيق

 

[anfel zahida]

مساء النور

أختي أنفال لقد قرأت موضوعك ونصيحتي لك هي كما يلي
الحمد لله أنك تبت قبل فوات الأوان لأن الظلم ظلمات يوم القيامة
ارجعي الى الله عز وجل واطلبي منه السماح والغفران فان الله كريم يقبل توبة التائب اذا كانت التوبة من القلب
أما الناس الذين ظلمتيهم فردي لهم حقوقهم كاملة
واطلبي منهم المسامحة

أتمنى لك التوفيق

و الله يعطيكم الصحة و فرحتوني كي وقفتوا معايا بنصائحكم أنا ليوم عملت بيها بالصح الحاجة لي حيرتني هو أني كي طلبت السماح ( صديقتي هي المقصودة) قالتلي بلي مارانيش حاقدة عليك ولا كرهتك بالعكس نتي ختي :sad::sad: لتما حسيت الدنيا تدور بيا حتان ندت نبكي و الله غير وقفتوا معايا وقفة دزيرية و الله غير شرفتوني صحة صحة صحة

 

[homework]

حمدو لله كاين ناس عندها ضمير ، الناس تعتبر الضمير ضعف و هزيمة و احنا معنا ربي

 

[SOUHA]

اعترفي بالغلطة تاعك واطلبي السماح من اللي غلطتي في حقوا صدقيني رح تحسي بواحد الراحة

 

[makour]

waw el hamdoulillah rabi mafihe ghir el khir

 

[anfel zahida]

waw el hamdoulillah rabi mafihe ghir el khir

:thumbup: صحة صحة و ألف صحة على نصيحتك

 

[bouaz]

كل بني ادم خطاؤ الا من رحم ربك اطلب السماح ودرك كل شي عاد معكوس في بلادنا

 

[noumira]

اختي العزيزة مكاش الواحد كيما يرقد وضميرو مرتاح يا اختي ربي يجيب الخير

 

[عفاف الجزائرية]

يا اختي الحاجة المليحة اللي درتيها انك حسيتي انتي بغلطتك واعترفتي بيها
مي والله كاينين اشخاص دايرين البدع بالحقرة والظلم وعاملين رواحهم ملائكة مي هاذو قلوبهم ميتة ما عندهم الاحساس
ربي يهدي ما خلق
​

 

[رضوان39]

أختي أنفال العيب ليس في الخطأ وإنما العيب من يتمادى في الخطأ
شكرررررررررا . لكي