تابع مادا ستطبخين اليوم اختي (2)اااااااااااااااااااا

[صبرا يانفس]

شكرالك اختي

 

[كوثر الوهرانية]

صباح الخير يا اهل الخير كي صبحتوا و كيراكم

 

[ياسمين 177]

صباح الخير على الجميع واش صبحتوا بخير.
تحياتي للجميع

 

[هبه الرحمان]

صباح الخير

 

[وردة رمال الذهبية]

صباح النور على احلى واجمل بنات اللمة
وش راكم كاااامل ان شاء الله صبحتو بخير
صحة قهيوتكم واحد واحد
ان شاء الله في الغداء راح ندير سباقيتي​

 

[فاتي الجزائرية]

صباح الخير اعليكم ان شاء الله اصبحتمابخير

 

[هبه الرحمان]

صباح الأنوار عليكم

انا راح نطبخ معكرونة بالفلفل الحلو

 

[وردة رمال الذهبية]

صباح النور اختي فاتي
وش راكي ان شاء الله صبحتي بخير
انا الحمد الله
صحة قهيوتك​

 

[هبه الرحمان]

هاذ القاطو طبيبتو البارح الي حبت الوصفة تخبرني

 

[وردة رمال الذهبية]

يعطيك الصحة هبه راكي شاطرة في الكوزينة
تسلم ايديك
ننتظر جديدك يا فحلة​

 

[هبه الرحمان]

و هاذي ثاني طبق الجلبانة بابطاطا في الفرن

 

[هبه الرحمان]

الله يسلمك حبيبتي وردة الرمال الذهبية

 

[وردة رمال الذهبية]

يعطيك الصحة حنونتي على الطبق اليشهي
ممكن تقوليلي واش درتي في الطاجين إذا مافيهاش ازعاج
إذا عجبني نطيبو في الليل
بصحتك اختي الطاجين والقاطو
تأكلوه بالشفاء والهناء ​

 

[هبه الرحمان]

الله يسلمك

الطاجين ساهل الطياب ما يديلكش بزاااف وقت

1- ديري الملح للجلبانة و حطيها تفور كي طيب نص طياب نحيها و ديريلها توابل الي تحبي - فلفل اسود + كمون...كيما يحب قلبك
2- حطي البطاطا تتشرشم و كي طيب رابيها
3-حطي كأس روز يتسلق
4- خلطي الجلبانة و البطاطا و الروز و زيديلهم 4 عضام و فرماج الكمية الي حبيتي
5- للتزين شرشمي 2 عضام و اقسميهم كيما في الصورة و زيني بيهم الطبق
و أدخلي الصينية الى الفرن حتان اطيب

و بالصحة و لهنا

 

[وردة رمال الذهبية]

شكرا اختي على الطبق الساها ويبان بنين
بلاك في الليل نجربها

 

[كوثر الوهرانية]

صباح الخير عليكم وردة ياسمين فاتي هبة
مشاء الله عليك هبة راكي جايبتها فالكوزينة الله يعطيك الصحة اختي

 

[وردة رمال الذهبية]

صباح النور اختي كوثو وش راكي انتي
و وش راهي عجوزتك ان شاء الله بخير
صحة قهيوتك​

 

[هبه الرحمان]

صباح الخير أختي كوثر ان شاء الله تكوني بخير

 

[كوثر الوهرانية]

الحمد الله خواتاتي و عجوزتي مزالت فالسبيطار راكم عارفين مشي حجا ساهلة

 

[هبه الرحمان]

ان شاء الله يا ربي يشفيها