تابع مادا ستطبخين اليوم اختي (2)اااااااااااااااااااا

[عفاف الجزائرية]

السلام عليكم لبنات

راني غايبة عليكم هاذ اليامات لانو والدتي دارت عملية استئصال المرارة

ادعيولها بالشفاء و ان شاء الله عن قريب نرجعلكم

صباح النور اختي لعزيزة ونتمناو الشفاء العاجل للوادة الكريمة

 

[nada242008]

السلام عليكم لبنات

راني غايبة عليكم هاذ اليامات لانو والدتي دارت عملية استئصال المرارة

ادعيولها بالشفاء و ان شاء الله عن قريب نرجعلكم

ربي يشفيها ان شاء الله

 

[وردة رمال الذهبية]

صباح الخير على احلى بنات اللمة
وش راكم ان شاء الله صبحتو لاباس كامل
والله العظيم توحشت القعدة معاكم
ان شاء الله من اليوم نولي ندخل
صحة قهوتكم كامل وصحة واش باش اطيبو
بصحتكم كااامل واش درتو الايامات اللى فاتوني
حنا غدانا جاري فيك +بوراك +بيري+مرقاز+سلاطة خضرة
وراهي تسلم عليكم ماما بززززاف و بنت واد سوف​

 

[وردة رمال الذهبية]

صباح النور اختي لعزيزة ونتمناو الشفاء العاجل للوادة الكريمة
​

 

[هبه الرحمان]

ان شاء الله يا رب

شكرا ليكم اخواتي ندووووووووش و عفاااااااااف

 

[هبه الرحمان]

شكرا ليك أختي وردة رمال الذهبية

 

[وردة رمال الذهبية]

لا شكرا على واجب

 

[وردة رمال الذهبية]

وين راكم يالبنات راقدين ؟​

 

[عفاف الجزائرية]

انا لبارح في العشاء درت غراتان باذنجان ولحم مرحي مخلط مع لاصوص طوماط ومن فوق البيشاميل طبقة بطبقة
ونفس الطبق لخويا لكن بالبطاطا ما ياكلش الباذنجات
وبوراك بالفرماج ولجاج المرحي
وفلفل حميص ولا ماشي عارفة كيفاه تسموه
وسلاطة
وخبز الدار
واليوم الغدا جلبانة بالقرنون ورايحة نقلي طراف دجاج وبقى لفلفل من لبارح وندير سلاطة
جاب لبارح بابا الجاج رايحة نخلصو بين نهار وليلة
ان شالله تكونو كامل بخير عليكم
بوسة لندوشتنا
​

 

[nawal1980]

ربي يجيب الشفا لماماك هبة وكذلك لماماك سامية

 

[وردة رمال الذهبية]

صباح النور اختي عفوفة وش راكي ان شاء الله صبحتي بخير
صحة قهوتك
بصحتك العشاء تاع البارح
وبصحتك الجلبانة
حنا درناها البارح​

 

[nawal1980]

بصحتك واش طيبتي عفوفة

 

[وردة رمال الذهبية]

ربي يجيب الشفا لماماك هبة وكذلك لماماك سامية

صباح النور اختي نونو وش راكي ان شاء الله صبحتي بخير
صحة قهوتك وبصحتك الوبيا
امين يارب العالمين ياربي اشفي كل امهات اللمة العزيزة
راهي تسلم عليك ماما​

 

[nawal1980]

هد المادلان الي دارتو البارح يجي زاكي (بزيادة) وخفيف يدوب في الفم
لحوالي 22حبة مادلين كبار
في الميكسور او الباتور
نحط 3 بيض +كاس سكر+3/4كاس زيت +كاس حليب +2ليفور خميرة كيميائيةفاني +قشور قارص او برتقال +1/2كوب جوز هند (اختياري) +2كوب فرينة +1/2كوب نشاء ويمكن تعويضه بالفرينة بالنشا يجي خفيف كتر
نعنر المولات المخصصة للمدلان كي يقعد شوية عجينة تاع المادلين نضيفلو الكاكاو هد الخطوة اختيارية ونشبح بيه فوق لي العجينة البيضا
ندخلو فرن مسخن 180°مدة 30 د بدون ما نحل الكوشة

 

[عفاف الجزائرية]

صباح النور وردة ونوال وكل لبنات اللي راهم داخلين وخارجين
واش رايحين تديرو اليوم في الغدا
انا راني ايد في الغدا وايد في الكروكي نتاع ام ندوش وايد في اللمة
اختي ضيفة عندنا ومروحة غدووا قاتلي ديريلي زوج كيلات
والله يا فوفة من نهار عطيتيهلي ودرتهولهم ماهوش خاطي الدار
كل ما يخلاص يقولولي عاوديلنا
​

 

[عفاف الجزائرية]

يعطيك الصحة نوال بالاك كي نكمل الكروكي نزيد نديرو لدارنا نبدللهم شويا
​

 

[nawal1980]

صباح النور وردة ونوال وكل لبنات اللي راهم داخلين وخارجين
واش رايحين تديرو اليوم في الغدا
انا راني ايد في الغدا وايد في الكروكي نتاع ام ندوش وايد في اللمة
اختي ضيفة عندنا ومروحة غدووا قاتلي ديريلي زوج كيلات
والله يا فوفة من نهار عطيتيهلي ودرتهولهم ماهوش خاطي الدار
كل ما يخلاص يقولولي عاوديلنا
​

بصحتكم اختي عفاف وبصحة اختك

 

[nawal1980]

ان شاء الله يعجبكم هاد الوصفة تان نعتمدها لعمل الكيك كي نكون مزروبة نرمي كلشي في الميكسور ويالله

 

[nada242008]

هد المادلان الي دارتو البارح يجي زاكي (بزيادة) وخفيف يدوب في الفم
لحوالي 22حبة مادلين كبار
في الميكسور او الباتور
نحط 3 بيض +كاس سكر+3/4كاس زيت +كاس حليب +2ليفور خميرة كيميائيةفاني +قشور قارص او برتقال +1/2كوب جوز هند (اختياري) +2كوب فرينة +1/2كوب نشاء ويمكن تعويضه بالفرينة بالنشا يجي خفيف كتر
نعنر المولات المخصصة للمدلان كي يقعد شوية عجينة تاع المادلين نضيفلو الكاكاو هد الخطوة اختيارية ونشبح بيه فوق لي العجينة البيضا
ندخلو فرن مسخن 180°مدة 30 د بدون ما نحل الكوشة

نوال كون حطيتيها في ركن الحلويات جاتك تشهي

صباح النور وردة ونوال وكل لبنات اللي راهم داخلين وخارجين
واش رايحين تديرو اليوم في الغدا
انا راني ايد في الغدا وايد في الكروكي نتاع ام ندوش وايد في اللمة
اختي ضيفة عندنا ومروحة غدووا قاتلي ديريلي زوج كيلات
والله يا فوفة من نهار عطيتيهلي ودرتهولهم ماهوش خاطي الدار
كل ما يخلاص يقولولي عاوديلنا
​

يعطيك الصحة عفاف باين عليك انت اللي تعرفي تطيبي يجيك مليح
وماتنسايش تطيبيهم على الجوانب يجي خير
بصحتكم وربي يعاونك وسلمينا على اختك

 

[وردة رمال الذهبية]

بصحتك اختي نونو المادلين
وبصحتك اختي عفوفة الكروكر
حتى انا البارح درتو كلاوه كامل ماخلاوى حتى حبة في الصحن قالولي حتى غدوا عاوديهلنا
قلتلهم لالا راح ندير موس الليمون تاع ندى
إذا نجحلي نصورهولكم​