تابع مادا ستطبخين اليوم اختي (2)اااااااااااااااااااا

[حكيك]

صباح الخير ياسمينو:001_wub::001_wub:
والله الحمد لله ..يتوحشك الخير
مام أنا توحشتكم والله:001_wub:

امين نشالله وراني رايحة ندير بطاطا بكبدة تاع الدجاج معلاباليش واش يسميوها
المهم ساهلة:angel_not::angel_not:
​

الله يعاونك وبصحتك

 

[nawal1980]

صباح الخير على كل الحبوبات الىي في اللمة ان شاء الله تكونو ملا ح
هيلدا هادي غيبة واش راكي يا لالا
الله يجيب الشفا لماماك واتهلاي في الدار
يعطيك الصحة حكيك على الطريقة ان شاء الله المرة الجاية انجرب ننقي الخرشوف كيما انتي لانو حقيقة الفيتامينات كامل تروح في الما المغلي
ياسمين كيفاش راكي
انا نسخن الدولمة تاع البارح +سلاطة

 

[هــــيلدا]

صباح النور يالغالية
الحمد لله السؤال عليك

والله توحشتكم كامل
غيبتي مع لقراية الله غالب
بصح راني مرة علا مرة نجيكم هنا

والله دبرتيها كي ياكلولك حاجة مسخنة
حنا بابا كون تعاوديلو ماكلة الصباح للعشيا تقوم القيامة..
بصحتكم حبيبتي
​

 

[nawal1980]

هيلدا راجلك كيما تولفيه ووليدك كيما تربيه
الراجل يوالف ولا ولفتيلو كل يوم طياب جديد امالا ما يرضاش بالماكلا البايتة
انا مع راجلي معنديش مشكل مسكين حشيشة طالبة معيشة ما يغبنيش في الماكلة
وتان راجلي معظم الوقت يفطر برا يعني العشا نكون جهزت الجديد

 

[حكيك]

هيلدا راجلك كيما تولفيه ووليدك كيما تربيه
الراجل يوالف ولا ولفتيلو كل يوم طياب جديد امالا ما يرضاش بالماكلا البايتة
انا مع راجلي معنديش مشكل مسكين حشيشة طالبة معيشة ما يغبنيش في الماكلة
وتان راجلي معظم الوقت يفطر برا يعني العشا نكون جهزت الجديد

صح نوال كلام في محله وانا تاني معنديش مشكل وانما نغير شوية نقول تانيالعادة كيفاش تربى عند اهله
ربي يخليهولك ويحفضو

 

[nawal1980]

الله يسلمك حكيك ويحفظ كامل الغاليين على قلوبنا

 

[كوثر الوهرانية]

صباح الخير يا اهل اخير كيراكم تةحشتكم بزاف لبارح مقعدش معاكم بزاف جاني خبر تاعع عجوزتي دخلت لسبيطار راهي في حالة الله يجيب الخير برك
اختي هليدا تهلي في ميمتك و عاونيها راهي مريضة الله يشافيها انشاء الله
نوال بصحتك مرقة بالخرشف انا نديرها مع الحمص
حكيك كيراكي اختي كاش خبز اليوم
اختي ياسمين دبرتي عاى الفطور و لا مزال
انشاء الله تكون جدات اسماء ريحت من المرض و وردتي برات من الضرسة و سلامي الحار لكامل لبنات ايمان بسومة شموسة اسيا فاتي و بنت السوف و لكل الحبابات

 

[ياسمين 177]

صباح الخير عليك نوال وكوثر صبحتوا بخير
انا اليوم درت كيش بالدجاج بصح كيش ساهلة لان كاين الكثير ودرت تشكشوكة بالبتنجال وسلطة فول

 

[nawal1980]

ان شاء الله ما يكون غير الخير كوتر
ياسمين خلاص ولفتينا بالوصفات الشهية
ولا ما كاش ازعاج كي تطيب الكيش حطيهالنا نشوفوها
راه جاي الربيع والصيف ان شاء الله الواحد يعرف واش يطيب

 

[كوثر الوهرانية]

اختي ياسمين فهميني واش معنتها كيش بحرتلي والله ههههههههههههه

 

[nawal1980]

quiche
وياسمين ان شاء الله تحطهالنا نستفادو كامل

 

[ياسمين 177]

ان شاء الله ما يكون غير الخير كوتر
ياسمين خلاص ولفتينا بالوصفات الشهية
ولا ما كاش ازعاج كي تطيب الكيش حطيهالنا نشوفوها
راه جاي الربيع والصيف ان شاء الله الواحد يعرف واش يطيب

شوفي انا ندير الكثير من التورت والكيش وخاصة في رمضان وصفات عديدة نوعدك بالوصفات بصح تاع اليوم ساهلة مفيهاش مقادير بزاف ولا جات مليحة نحطلك الوصفة
كوثر نشا الله ربي يشفي عجوزتك ونشا الله غير الخير

 

[كوثر الوهرانية]

امين ياربي مشكورة اختي نوال

 

[هــــيلدا]

هيلدا راجلك كيما تولفيه ووليدك كيما تربيه
الراجل يوالف ولا ولفتيلو كل يوم طياب جديد امالا ما يرضاش بالماكلا البايتة

:001_wub: ربي يخليك حبوبة علا النصيحة
هكذا باش الشهر للول كامل نوكلو البايت ههههه:angel_not:
ايه والله عندك فيها حق
نشالله منلقاش مشكل معاه كيما بابا:001_unsure:
ربي يجيب الخير لينا ولكل المؤمنين
:001_wub:
صباح النور عليك كوثر
أمين خيتو ربي يشافيها
وربي يخليك:001_wub:
​

 

[كوثر الوهرانية]

ربي يخليك اختي ياسمين هي عندها مرض السكر و خايفين يقطعولعا رجلها الله يستر برك

 

[nawal1980]

ما يكون غير الخير كوتر

هيلدا بعدا ما شي هكدا كي تكون عندك البايتة وتكوني مشغولة ما شي كل يوم تان يهربلك وتقولي نوال ارماتني على راسي
رانا نستناو في الوصفات حبوبة ياسمين وربي يجازيك كل خير حبوبة

 

[ياسمين 177]

اختي ياسمين فهميني واش معنتها كيش بحرتلي والله ههههههههههههه

شوفي اختي كوثر الكيش هي نوع من التورتات المالحة ودائما تجي من الفوق بخليط يقولولو لاباراي ويكون مكون من الحليب والبيض والجبن او كريم فريش على حسب الوصفة كاين الكيش بالدجاج كاين بالفورماج كاين باللحم المرحي كاين كيش بالبصل الاخضر كاين بالسمك بالسلق وكذلك العجائن تختلف كاين بالعجينة المورقة بالمكسرة كاين الكثير نوعد اختي مين نخدم وحدة نحطهالك انا نخدمهم في هذا الوقت يجوا خفاف في العشا والغدا وفي رمضان نخدمهم في مكان البوراك نوع من التغييرو تحبي ديريها فيمول كبير كيما في الصغار

 

[حكيك]

صباح الخير كوثر
خير انشاءالله ربي يشفيها
وربي معاكم

 

[كوثر الوهرانية]

شكراا لكي اختي ياسمينعاى الشرح هبلتك معايا و نستنى الوصفة الله يعاونك

 

[حكيك]

البارح خدمت تارتولات باللحم نع تدى جاو هايليين وخاصة من كثرتلهم الجبن