ارواحو تشوفو الاساتذة واش يقولو لتلاميذ؟؟؟؟؟

[الميزان]

السلام على اهل اللمة
راح نحكيلكم قصة صراتلي مع استاد الفرنسية
واحد النهار دخل الاستاد مقلق وقعد يقولينا حنايا لعرب ماشي مخليصين :confused1:
وزيد قالك بلي هاد النقص نتاع الاخلاص راه يمشينا فالدم يعني جايبينها بالوراثة
انا غاضتني كي قعد يقولينا كيما هاك يتهم اجدادنا والي قبل اجدادنا بعدم الاخلاص وقالك بلي حنايالعرب يليقلينا غير لعص :cursing: باش نخدمو مليح انا ماحبيتش نحكي معاه فالموضوع :angel_not: خليت حت لواحد النهار وقالينا كل واحد يديرلي مشكلة من مشاكل المجتمع في موضوع ويعطينا الحل نتاع ديك المشكلة
انا قلتله بلي المجتمع يعاني من نقص الاخلاص مي ماشي هادي هي المشكلة المشكلة كي يجي واحد ماشايف والو ويقعد يتهم امة كاملة بهاد المشكل وقلتله بلي نتايا منهم قعد يضحك زعماك
وحل المشكلة كي ينقارضو الي كيفك
انا الي مافهمتهش هو
عادي الاستاد يحكي مع التلاميد نتاعه بهاد الطريقة زعماك هو القدوة نتاعنا
وزعماك هو عنده الصح فالهدرة الي قالها
على ربي مانكونش طولت عليكم ونكون خيرت القسم المناسب

 

[bilale-007]

هاذي هي العقلية لخلتنا من العالم الثالث

 

[نور الصباح الجزائرية]

ماشي قع الاساتذة كيف كيف ما تعممش و الله كاين اخرين ماشاء الله عليهم

 

[الشلفي02]

ما لاحظتش بلي هرب على الدرس
ماعليش ماكاش لي فاقلو و مكاش لي رجعلو الصرف
راكم مضيعين

 

[MARIA_4algeria]

المهم نتوما قراكم وفهمكم الدرس
انا خطرة الاستادة غلطتلي في النقطة رحت قلتلها صلحيهالي قالتي بزاف عليك!!!
هادي استاذة ولا كيفاه؟​

 

[nawal 88]

علاه هو gاوري ههههههههههههه راه صاري أكثر من كهذا اختي واش يجيك من أستاذ يسفه قدام تلاميذو....

 

[hasna.m]

الدسارة هذى مع التلاميذ ماشى مليحة
​

 

[سماح4]

مش كل الاساتذة وبلاك قالها في لحظة غضب ،وفعلا فينا نحن العرب هذه الميزة نفتقد للاخلاص وشوفي الوضع لي راهي عايشة فيه البلاد تعرفي ....بصح بلاك مازلتي صغيرة وكي تكبري وتتخرجي من الجامعة ان شاء الله وتلتحقي بالعمل في ذاك الوقت تفكري هذا الكلام ....ومع هذا فانا وأستاذكي لا نعمم بل هناك رجال شرفاء في البلاد....(على فكرة أنا كذلك أعمل في التعليم.)

 

[بنت قسنطينة]

السلام عليكم
لا يمكن ان نعمم الاشياء ... تبقى هناك ظواهر شاذة لا يقاس عليها
لان هناك الكثير من الاساتذة المميزين .. الذين يعرفون جيدا قيمة عملهم
و الضمير هو المحرك الرئيسي لهم ... و اقول هذا من منطلق احتكاكي بهم
و كذا لصلتي الوثيقة بهذا الميدان
الله يوفقكم
يا رب​

 

[M!ss_f@ti]

كآين من كآين
لوكآن نجو نهدرو على الأسآتذة يسمآط المنتدى

كآين ربي

 

[هند تلمسان]

هههههههههههههههههههههههههههههههههههههههههههه والله عجبتيني

استاذتنا تع التاريخ عكس الاستاذ هذا تماما مرات تجهلني تقولي حنا بلاصتنا مع امريكا حنا نخدمو وماعلاباليش قلتلها مرة راهم حاقرينكم حاطينكم مع العالم الثالث

 

[somiasahraoia]

وعلاه رانا من العالم الثالث

 

[messikimo]

كاين منهـــــــــــــــــــــــــــــــــــــــا​

 

[الميزان]

شكرا على المرور نتاعكم
ونقوليكم سمحولي لحقاش عممت فالعنوان

 

[mina009]

بقاو اساتذة هوما اللي ماشي مخلصين

 

[عفاف الجزائرية]

الله يهديهم ولا يديهم
​

 

[DARINE05]

لوكان جا مخلص راهو يدير في الدرس تاعو لي قاعد يمنشر في العرب وهو منين من المريخ

 

[touti_dz]

حنا الاساتذذة تاعنا الكل يسبو في العرب وا لجزائريين

 

[هايدي 28]

كآين من كآين
لوكآن نجو نهدرو على الأسآتذة يسمآط المنتدى

كآين ربي

كلامك مش في محلوا نريد أحترام
شوفي أختي راكي مرقتيها بزاف مش مليح تهدري هكذا
شوفي روحك وراكي وشوفي شكون وصلك لراكي فيه


كاد المعلم أن يكون رسولا
أتمنى أنك فهمتي كلامي بدون غضب
شكرا لك

 

[نور الصباح الجزائرية]

مش كل الاساتذة وبلاك قالها في لحظة غضب ،وفعلا فينا نحن العرب هذه الميزة نفتقد للاخلاص وشوفي الوضع لي راهي عايشة فيه البلاد تعرفي ....بصح بلاك مازلتي صغيرة وكي تكبري وتتخرجي من الجامعة ان شاء الله وتلتحقي بالعمل في ذاك الوقت تفكري هذا الكلام ....ومع هذا فانا وأستاذكي لا نعمم بل هناك رجال شرفاء في البلاد....(على فكرة أنا كذلك أعمل في التعليم.)

صحيح اختى انا لاحضت انهم متحاملين على الاساتذة و انا كذالك استاذة لكن تذكرو انو الاستاذ بشر يتعب و يمل و احيانا تمر عليه لحضات صعبة انا اضن انو الان ممن يردون ممكن يكون هناك زتلاميذ يدروسن عندى لكن اقولهم تكبرو و تدخلو ميدان العمل و تعرفو جيدا