نسقسيكم برك باتنة من الدزاير ولالا؟

D

dana1993

:: عضو بارز ::
أوفياء اللمة
السلام عليكم
راح ندخل ديراكت
شوفو باتنة ولاية لاحظت انها دايما منسية في كل شي
حتى في ضربة كيما هاذي؟
الزلزال كل يوم ميحبسش سيرتو هنا عندنا في بلدية المعذر راه كل يوم
لرض انشقت في بلاصة يقولولها عزام و تنفست هي بين عين ياقوت و بومية
مع الضربة تاع الزلزال جا الحجر واش من حجر لي يكسر الديار الناس تاع العمارات هربت
لكن وين الدولة
اقل شي اقل شي يقولو في نشرة الاخبار الخاصة بيسك ماراهيش تحل ماشاكل المجتمع
النشرة الفرنسية هدرت علينا وحنا والو
الهزات راهي 50 هزت لحد الآن مرت 20 حسب الجيولوجيين الالمانيين والاسبانيين لي جاو
ويقولك هادوك لي فاتو خفاف مازالت المتوسطة والقوية؟
وين احتياطات الدولة
مابغينا والو غير ينصحو الناس الجاهلة واش دير من الاحتياطات
حنا بعد الضربة الاخيرة في الثانوية تشققو لحيوت والاعمدة ظهرت والله تظيد تضرب صاي يطيح المبنا
حسبنا الله ونعم الوكيل
ترقبو البقية من الاخت himina
شكرا على المرور
فكرة من dana1993+himina
بارك الله فيكم​
 
واش دانة لباس انا في الثانوية وين نقرا يعني مصرا والو
meme win nskoun fi stand makn walou haja khfifa aw raki fi bald miki
 
واش تحبي ختي هدي هي دولتنا ولكن متقوليش باتنة منسية بسكو هي احلى المدن فيها كلش وشابة تانيك
وخاصتا شاوية اروع ناس مي معليش اصبرو برك​
 
ياا حصراه يا حنوونة
راكي تهدري على الدزاير؟؟؟

واقيل لوكان يجي البركان الدولة ما تتحركش
​
 
حسبنا الله ونعم الوكيل
ربي يهدي لبلاد
شكرا على الموانسة
وربي يستر من لي جاي
بارككم الله​
 
النشرة راهم غير يهفو فالعباد
ان شاء الله مايكون غير الخير ​
 
ربي يحفظكم آمييين
​
 
ايه رانا عايشين على هامش الدولة الناس راهي خلعانا ومفجوعا كل ليللة يباتو يسناو والله رانا في حالا مزرية
 
ممكن راهم خايفين على مشاعر الرئيس ..ميخفاش اعليك بعد البومبة لي ترطقت اعليه تم ولى كل ما يسمع اسم باتنة لحمو يشوك وحوايج أخرى ههههههههههههه بصح بعيد الشر كي تموتو نشوفوكم في النشرة.​
 
ممكنننننننننننننننننننننننننننننننننننننننننن
​
 
الله يجيب الخيرررررررر
 
ربي يستركم ويحفظكم من كل سوء للاسف مازالنا من العالم الثالث ماعدنا غير الدعاء
 
ايه راكي تعرفي بلادنا مايحبوش في نشرة يهدرو الصح غير خرطي وربي يستركم ​
 
اليتيمة العديمة راهي تتكلم غير على زوج حوايج
الرايس واش دار وواش واسة
والخضرة بفتح الخاء
والباقي متحوسش عليه
​
 
هي على الاقل يتفكروها في الصيف....اتناء مهرجان تمقاد....شوفي الولايات للي مكاش خلاص
 
هدي هي بلاد ميكي ربي يعطيكم الصبر ان شاء الله
 
ان شاء الله هاذا واش رانا دايرين
يتفكرونا غير في الشطيح والرديح كيما قلتي تاع تيمقاد مي الباقي تا الضربات الصحاح كيما هادو والو هنا وين يبان الصح
لهاونا بالخضرا و خلاونا في الخضرة
و زيد زيد مي كان لكبير فوقنا
ربي يستر ويهدي ما خلق
شكرا للجميع على التواصل​
 
.... ناس باتنة دائما في قلوبنا ... خيار الناس
1264856647.gif
 
الله يسلمك
جزاك الله خيرا شكرا​
 
ربي يحفظكم من الاضرار وان شاء الله سلامات.
والنشرة راهي غير للمدح .​
 
توقيع dahman kz
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom