السلام عليكم ناس اللمة ان شاء الله الجميع بخير
اليوم رايح نطرح موضوع مهم.
اول شي نتمنى مايكونش مكرر
ثاني شي نتمنى مشاركات واسعةوفعالة بعيدة على اي تجريح
الموضوع باين من عنوانو
كاين ظاهرة منتاشرة بزاف من المنتدى واطلع حتى اعلى هرم في السلطة
يااعضاء علاه حنا ديما نحبو اللي يجاملنا وينمقنا بالكلام ونقولوا هذا صح يحبنا_وطبعا نبدا بروحي
باش ماتقولوش راه مستثني_ في نفس الوقت الانسان اللي يحب بنصحنا وينبهنا على اخطائنا وينتاقدنا نحطوه حاسد وغيار وحاب يكسرنا .
في اوروبا مثلا الناس وصلت لاعلى المراتب في كل المجالات وكي تبحث على السر تلقى انو العمل ثم العمل والعاطفة جانبا.وهنا يحضرني المثل الشعبي ^^خوذ راي اللي يبكيك وماتخذش راي اللي يضحكك^^
نظن كل شي واضح بلا مانكثرو لكلام مالا نستنى ردودكم وان شاء الله تكون موضوعية.
تحيات sami19280
