التجار يا محلاهم...يشارجيو ال battrie بالدراهم

[nermina]

عروفين أحنا بحبنا للربح السريع و ابتكارنا لأي عفسة من شأنها تدخل الدراهم .
شي تجار في العاصمة و ضواحيها و شي أصحاب محلات الtaxiphone او المواد الغذائية عامة...و لا حتى cordonier تلقاهم دايرين خدمة يشارجيو ال batterie ديال الهواتف النقالة و انت و ما حبيت.
إدا حبيت تعطيلهم ال chargeur او يشارجيولك هو بالمساك و كلشي بسومتو.
شي ناس الساعة عندهم ب 30 دج و شي جار وحدخرين ب 40 دج .
و عــــــــاش الصوردي في بلادي​

 

[alaa_oran]

ههههههههههههههههههههه
اول مرة نسمع بيها هادي
عيش تشوف وتسمع
شكرا لك

 

[Anissa_vanissa]

مافيها والو العبد كي يخدم باش يعيش صح ولا لالا وخاصة اذا كانت بالحلال
وتبقى مشكلة الاسعار تختلف من كل واحد
علا خاطر يحبو يربحو

 

[nermina]

مافيها والو العبد كي يخدم باش يعيش صح ولا لالا وخاصة اذا كانت بالحلال
وتبقى مشكلة الاسعار تختلف من كل واحد
علا خاطر يحبو يربحو

عندك الحق ختيتو المهم دايما يبقى لحلال خير من لحرام​

 

[naim_biskra]

صح كاينة منها هذي العفسة بصح مشي عيب ولا حرام

 

[nermina]

صح كاينة منها هذي العفسة بصح مشي عيب ولا حرام

طبعا مادامت حلال ما فيهاش عيب كل واحد يخدم على شرو ​

 

[nermina]

لحياة صعيبة
خلاتنا نشرو التريسيتي من سونلغاز و نعاودولها البيعة هههههه
اااااااااااه يا بلادي راكي تعبتيني
​

ههههههههههههههههههه الحمد لله اللي رانا عايشين هانيين تحيا بلادي

 

[MR-REDOUANE]

ما فيها حتى عيب كاين ناس يخدمو هذي الخدمة ليسونسيال حلال خير من السرقة و ديفوا يطيح واحد اونبان نشارجي بصواردي خير من بليزير تع بعض الناس