نصح حياتي يروح في لقرايا مع لخر ..............

[iméne09]

عندك الحق مانعرف علاش مايحبوش لمرا تخدم بورتون تلقايها قايمة بدارها كما يلزم الحال بصح بزاف الوحدة تقرا وتعيا وتستنى بعشر عينين وقتاش تخدم ومع تالي تحكم الدار والله حرام عليهم مي راكي تعرفي الحقرة حنونة ماعندنا مانديرو يا تقبلي يايخليك ويروح يعطيك الصحة هندوش موضوع هااااااااااايل​

 

[hind*alg-]

يا هندوا اي الناس عقليات

يا اختي انا مرتي متخدم متقرى بعد الزواج
انا لماه برك متزوج؟؟؟؟ لكان تخدم ولا تقرى؟؟؟
انا مدامني متزوج قادر على شقايا ونعيشها على ربي
احسن عيشة كون هك منمرمدش بنت الناس معايا
انا كي تهنيني في بيتي واهلي هاديك احسن خدمة عندي
لكان على النار ساهلة هاو النميروا 14 يقضولك مورك
هههههههههههه​

امممممممم
من جهة عندك لحق
وهي لمرا لازم تقوم بدارها وبولادها
مي
والله ديقلي شووية
.....
المهم ياخو حاتم ربي يرزقك بنت لحلال ادا مازال مازوجتش
وادا اك مزوج ربي يخليهالك
المهم صحة ولهنا​

ربي يحفظك اختي​

و يعينك مع خينا حاتم​

:angel_not::angel_not::angel_not:​

​

السلام قبل ........ المهم المرأة كي تكون قارية ولا جاهلة مش كيف كيف كي تعود مثقفة تنفع روحها حتى ولو كان ماتخدمش تربي أولادها مليح مش كيما الجاهلة​

هاجة باينة وشكون تحب تقعد جاهلة
باش يلعبوهالها
....
شكرا لمرورك مهدي​

 

[hind*alg-]

أوكي شكرا لك على هاد الموضوع

شويا راح نقلقك​

ساهلة ادي واحد
باهم ما قرا ما والو بروفيتور
مزوج غير على المال لا حب و لا هم يحزنون درك تخدمي من نهار الخطبة


:crying::crying::crying:
لالالالالالالالالالالالا
والله ما نديرها
:thumbdown::thumbdown::thumbdown:​

اوكي نرجع للسيريو​

يا أختي معاك المرا تخدم ربي ما حرمش هاد بالكلية لكن يوجد ضوابط لعملها
اما اذا كان الراجل في حالو و قادر على شقاه و علاه ما يخبيش الؤلؤة في صدفة رعايتو أفضل ما يعرضها على الخلق​

بوركت​

عندك لحق اخي
مي انا قصدي
ماشي تخدم على راجلها:glare:
تخدم على روحا
مي عام ولا عامين
وزيد خدمة لي ما تديش لوقت
انا وحدة مانخدمش نهار كامل وانا برا
شكون يطيب وشكون يغسل و......
كي يولو عندها ولاد تحبس وتلها بيهم وبدارها
شكرا لك اخي مرورك اسعدني
:angel_not::angel_not:
​

اسيدي غير قومي بالعايلة والدار والاولاد الدنيا ومافيها وقرايتك فيدي بيها ولادك.​

ماشي لازم الخدمة.​

اممممممممممممم
ان شاء لله
.....
شكرا لمرورك لغالي​

مساء الخير

لايختلف اثنان في قضية تعلم المراه, الله سبحانه وتعالى يقول في كتابه العزيز
(قل هل يستوي الذين يعلمون والذين لايعلمون)
صدق لله لعظيم

وكل ماتتعلم تفيد نفسها قبل كل شيئ وتفيد اسرتها واولادها والمجتمع

صحيح

لكن مش لازم تخدم خاصة اذا كان مكان العمل بعيد او فيه مشاكل في النقل او ماشابه

هدي انا مانديرهاش:thumbdown:
,تولي تقرا وتكتب فيها براكه مثلا تقرا الورقه نتاع الدوا ههههه
البنات يحبوا يخدمواباش يعزوا رواحهم ويكونوا معزوزين فالمجتمع وكاين ليخدموا باش يتزوجوا اذا قعدوا فالدار مايتزوجوش على حسابهم ​

لالالا
انا حبيت برك نبرد قلبي
تغيدني روحي نقرا نقرا معلخر .....
مي هي كلش مكتوب ربي
وعمبالي كي توصل لصح
اي وحدة تشد دارها وتقوم بيها
.......شكرالك مرورك جميل لاتحرمنا منو​

 

[hind*alg-]

واش نقولك حبيبتي ديجا قلتيها يحبوها تقرا وما تخدمش هاد الله اعلم كي رايحين احنا لبنات نفهموها ................. بصح مشي كامل كاين وكاين
على العموم مرسي على الموضوع.........

شكرا ليك حنونة ولاتحرمينا من طلتك

يعطيك الصحة أخي

هاد الشي الي ولا هم معم النساء تع زمانا الخربان​

قوليلي يرحم الوالدين الراجل لي يديك طامع في خدمتك
وش تسناي منو ؟؟؟؟؟​

هداك لله لاتوصلو نقعد في دارنا خييييييير:scared:

صح ليجان هذا واش يحوسو ... يحبو مرا قارية تكون تعرف تهدر مع الناس ماشي جايحة و تكون تعرف بزاف صوالح و زيد يخموا كي يولو عندهم ذراري كيفاش تقدر تربيهم و تعلمهم و هي جاهلة و زيد.... و زيد .... و ميحبهاش تخدم على اللي يغير عليها و ميحبهاش تتعامل مع الرجال ...

هههههههههه
ايه رايك شباب صحة حنونة

عندك الحق مانعرف علاش مايحبوش لمرا تخدم بورتون تلقايها قايمة بدارها كما يلزم الحال بصح بزاف الوحدة تقرا وتعيا وتستنى بعشر عينين وقتاش تخدم ومع تالي تحكم الدار والله حرام عليهم مي راكي تعرفي الحقرة حنونة ماعندنا مانديرو يا تقبلي يايخليك ويروح يعطيك الصحة هندوش موضوع هااااااااااايل​

امممممممممم

مغسي حنونة:001_wub: ردك اسعدني

 

[nina bonoise]

يجيبها قارية و يخليها في الدار
هههههههه باه تقريلوا ولادوا

 

[nina bonoise]

كون انا يديرلي هك نقعد في دارنا خير
من درك راني قاتلة روحي في القراية و مبعد وش يصرالي نبقا في الدااااار ؟​

 

[hind*alg-]

يجيبها قارية و يخليها في الدار
هههههههه باه تقريلوا ولادوا

ايييه باشيقتصد دراهم ليكور هههههههههه

كون انا يديرلي هك نقعد في دارنا خير


من درك راني قاتلة روحي في القراية و مبعد وش يصرالي نبقا في الدااااار ؟​

شفتي وقيل نشدو دار مندك وخلاص وعلاص اني نعصر في روحي على لقراية
..............شكرا لمرورك نورتيني

 

[manita_a]

حنونة اول شيء توحشتك ههههههههه
ثاني شيء مليح الوحدة كي يجي يخطبها واحد الشرط الاول الي تكتبو هو اني نخدم و داري وحدي ههههههه
سينو ماكان لاه لاخاطر كيما الطفلة كيما الطفل كيما هو قرا تعب احنا ثاني
كيما و يحب الدراهم احنا اكثر منو هههههههههه

 

[nina bonoise]

ايييه باش يقتصد دراهم ليكور هههههههههه

ههههههههه راكي لقيتيها ​

شفتي وقيل نشدو دار مندك وخلاص وعلاص اني نعصر في روحي على لقراية
..............شكرا لمرورك نورتيني

مالة راني كيفك راني قريب ننشف وليت زوج عواد لازم نروح نوزن نشوف قداه وليت ديما و انا رايحة جاية ليكور مخطانيش
مي بربي ان شاء الله ندي الباك انا و الناس لي قاتلة روحها بالقراية صح
مرسي حنونتي على الموضوع​

 

[M!ss_f@ti]

أنآ نقرآ بآه غدوة نلقى رآسي في كآش سوجي وانآقش مع النآس بوآش نقدر
مآشي بآه نخدمـ وندخلـ ادرآهمـ

أنآ الرآجلـ لي يشرط في الخدمة مآ هوش رآجلـ

سلآآآآآآآمـ

 

[hind*alg-]

مالة راني كيفك راني قريب ننشف وليت زوج عواد لازم نروح نوزن نشوف قداه وليت ديما و انا رايحة جاية ليكور مخطانيش

مي بربي ان شاء الله ندي الباك انا و الناس لي قاتلة روحها بالقراية صح

مرسي حنونتي على الموضوع​

ربي يوفقك:001_wub:

أنآ نقرآ بآه غدوة نلقى رآسي في كآش سوجي وانآقش مع النآس بوآش نقدر
مآشي بآه نخدمـ وندخلـ ادرآهمـ

أنآ الرآجلـ لي يشرط في الخدمة مآ هوش رآجلـ

سلآآآآآآآمـ

احترم رايك اختي شكرا لمرورك

 

[hind*alg-]

عام ولا عامين معلش هاذي نتفاهمو فيها هههههههههه
مي غيرها لالا وديري في بالك كي تخدم تجي للدار تعبانه وزيد الشغل نتاع الدار وهو تاني ميحبهاش تكون تعبانه يعني محال تعطيه حقو كامل كاين عدة امور متقدرش توفرهم كي تكون خدامه

اي على جال هادي قتلك عام ولا عامين قيسما تبرد قلبها ومبعد هي وحدها تكره
و دارها اولا بيها
.........
:glare:ما نزيدش نروح نقرا وخلاص

 

[hind*alg-]

ههههههههههههه متقوليش طاحلك لمورال ياااااااو اقراي علا روحك هههههههه

هههههههههههههه
ايه ما تتلعبليش بزاف حبسو لقراية وندمو:sad:
انا نقرا نحطها احتياط انسيجامي كاشما يصرا نلقاها:001_wub::angel_not:
وزيد نلقاها
نقري ولادي ههههه باش نقتصد دراهم ليكور

.........
المهم نشالله يوفقني ربي

 

[بنـ MaPa ـت]

bilal22 لي شافو يقوللنا وين راه راهو روشارشي ختي هند تعملي مزية لوكان جيبيه عند الباب​

 

[نجاة40]

انا نخدم اختي شفت النساء لي مايخدموش
واش صاري فيهم ومانيش حابة نولي كيفهم
وكل واحد يمد رجلو على قيس فراشو
​

 

[hind*alg-]

انا نخدم اختي شفت النساء لي مايخدموش

واش صاري فيهم ومانيش حابة نولي كيفهم
وكل واحد يمد رجلو على قيس فراشو​

اممممممممممممممم


ربي يوفقك حنونة:001_wub: اتهلاي في روحك:angel_not:

هههههههههههه اكي وليتي مي خلاص انساي الشيكوله هههههه

ههههههههه شيكولة بلاما تهدر عليها

bilal22 لي شافو يقوللنا وين راه راهو روشارشي ختي هند تعملي مزية لوكان جيبيه عند الباب​

ماهوش هنا هرب:glare:

 

[azzedine02]

القاري قاعد و الحابس يخدم كاين ربي