علاه هاكدا والى متى

اشتك اشتك

:: عضو مُتميز ::
إنضم
8 أفريل 2010
المشاركات
541
نقاط التفاعل
0
النقاط
16
بسم الله الرحمان الرحيم

من غير مقدمات ندخل في الموضوع

علاه هاكه والى متى

البارح تفرجت في حصة المسامح كريم وهي حصة تونسيه واذا بها واحده جزائريه جات لتونس باه توجه نداء وتبحث على ابنها المفقود وكي سالها المنشط انتم ما عندكمشي في دزاير حصه كيف هاكه قاتله لا عندنا خاطي حبسوها كي مات المنشط انتاعها ضحك المنشط وقاللها ربي يستر

المهم علاه الاعلام الي عندنا هاكه واشي ما لقوشي منشط اوخر ينشط الحصه قلو الشوميره عندنا والا حتى كون اينحو واحده من هاك الكاليتيات الي يقدمو في النشره ام ياسر

وراكم عارفين اول الغيث قطره و الحصه التونسيه وين رايحه رايحه تتشهر معناها كي يسمعو الدزيريين بهاك المراه احتمال ايعاندوها ويولي الاعلام التونسي يحل في المشاكل الاجتماعيه انتاع الجزائريين مالا وشي نحن ما عندناشي اعلام يتولهى بمشاكلنا والا يا رسول الله المراه مش لاقيه وين تعيش عايشه في دار ما تزيهاشي هي وذرها و الناس قاعده تتفرج عليها والا يا حتى كونه في صلاة الجمعه لمولها حتى كل واحد يدفع 10 الاف بركه يا لطيف الخير قل وهذا هو السبب الي خلى الطفل ما زال صغير ايهج من لبلاد ونايا مانيشي نذم في الحصه التونسيه والا المراه الي راحتلها (انشاء الله ايجيبوهلها اليوم قدام غدوه) ولكن لازم وزارة الاعلام ايديرنا حصه تهتم بمشاكل المجتمع الجزائري وتحاول تحلها على الاقل بش انخففو من حدتها ويحس المجتمع بالي الدوله لاهيه بيه و تسمعله مش حتى نظلو رايحين لتونس

يا ولى حشومه

 
ربيى يبارك فيك​
 
ههههههههه

واله يا خويا هادي هي بلادنا
 
يا خويا الله غالب حنا معندنا ما نديرو هادي هي بلادنا ان شاء الله تتسقم

مشكووووووووووور خيوووووووو
 
عندك الحق خويا
بارك الله فيك
 
وشكون قالك كي مات حبسوهااا

من بعد مامات رياض ربي يرحمو زادو كملوها تقريبا عاام

لكن لاسباب ربما تنظيمية او شي توقفت الحصة. ولا دخل لوفاة رياض فيها.
 
يخي حاله يخي
اصلا شكون قال بلي حنا عدنا اعلاام حنا عدنا يتيمه
تنش هادا ماكان اما هديك لكنال وثالثه غير نسكت خيرلي
كاش نهار يقدمو نشره الاخبار في كاش قناة نيابة على دزاير
خطراش كريم بوسالم راسو يوجع فيه
 
اخي الكريم راك في الجزائر كل شي ممكن ربي يهدي الجميع
 
كلامك فيه الصواب اتمنى التقدم لبلادي
 
راك تهدر على دزاير وتحوس على المستحيل نقولك حاجة نديرو واش نديرو دزاير ما تتقدمش
 
و الله يا خويا عندك الحق لوقتا و هنا هاك لازم يفطنوا لحوال هاد الامة و صاح لازم الاعلام يكون يخدم الشعب
 
ديما هك كرهونا ..ربي يصلح لحوال برك
 
راك تهدر على دزاير وتحوس على المستحيل نقولك حاجة نديرو واش نديرو دزاير ما تتقدمش

سلام
اخي الاعلام من الواجب ان يكون في خدمة الشعب لكن للاسف الاعلام العربي كله ليس بالمستوى المرجو منه فهو موضوع لخدمة السياسة فقط لا اكثر
واختي لماذا هذا الياس الجزائر ان شاء الله تتقدم لا تفقدي الامل
 
ربي يهدي ماخلق سبحان الله والله كي نتفرجها نقول كامل طلعت بيهم غير اليتيمة مسكينة واش راح دير يتيمة وماكانش شكون بيها شكراعلىالموضوع
 
ربي يهدي ماخلق سبحان الله والله كي نتفرجها نقول كامل طلعت بيهم غير اليتيمة مسكينة واش راح دير يتيمة وماكانش شكون بيها شكراعلىالموضوع


اميييييين يا ربي

شكرا اختي على مرورك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top