نبعتلها e_mail

M!ss D!or

:: عضو بارز ::
أحباب اللمة
إنضم
14 أكتوبر 2009
المشاركات
3,661
نقاط التفاعل
652
النقاط
171
ياحصرة على أيامات زمان





قبل ماتطور التكنولوجيا :thumbdown:


بكري نشفا عليها لا facebook لا msn لا منتديات لا...
و كنا متهنيين :yahoo:



في النهار النساء راهم مع شغل الدار و البنات يقراو

و الرجال راهم يخدمو ولا تلقاهم في القهاوي :angel_not:


و في الليل يتلمو العايلات و يسهرو كيف كيف يعملو فيها قعدة بالتاي و الكاوكاو و غير الضحك :angel_not:
و جدة راهي تحاجي :001_wub:

vb-0337-2.jpg

والله فوووور بزاف :thumbup:







ودوك يالطيف :glare:


ندخل لدار نلقا أختي tconecté و يما في télé تتفرج

واحد مايهدر مع لاخر أيا أنا تاني نجبد PC تاعي وراني قاعدة

وساعة على ساعة تكودني باش نهدر مع أختي نولي نبعتلها e_mail أيـــــه ههههههه :angel_not:


والله الدنيا ماشيا و تزيد تصماط :thumbdown:




و أنتم قولولي كيفاش راكم تشوفو في التطورات التكنولوجية هادي :confused1:

esk مأثر عليكم ولا لا :confused1:
 
آخر تعديل:
مساء النور صافو

موضوع مميز
من قبل كانت القعدات واللمات ف الدار
جو عائلي حنين و دافيئ و تحسيهم قراب لبعض
تعلاق و ظحك وامبيونص جامي صرات
و ظرك
نات تيليفون تيليفيزيون
كل واحد هامل في بحرو و واحد ميسمع بخوه
اني قلتلكم
غير بروفيتو من الدنيا هادي رراهي زايدة غير تسماط
b8
صح خويا والله عندك الحق ماحلاها هاديك الأيامات
يعطيك الصحة :thumbup1:

و عليك الــb8 :angel_not:​
 
آخر تعديل:
راحت النية يا صافي

يعطيك الصحة


 
صحيتي حبوبة على الموضوع
وي وانراهم ايامات زمان واش جاب لجاب
 
الحمد لله
مازالت عندنا لمبيونس في الدار
وكاين الجو العائلي

شكرا

 
الحمد لله كل ليلة قصرة مع الشيباني ويمااااااا
 
والله غيل عندك الحق اختي
شعال من مرة يقولي الوالد ماراكش قاع تريح معايا كيما كنت قبل
 
الحمد لله


مازالت عندنا لمبيونس في الدار
وكاين الجو العائلي

شكرا
بصحـــــتكم
دوك راك مع الجو العائلي :confused1:

ياك راك معانا :angel_not:​
 
ههه لالا ماشي لهاد الدرجة نتباعتو بالامايل
عندنا اوقات نتجمعو فيها ونقصرو

مي بيان سير تكنولوجيا تأثر بطريقة او بأخرى
مرسي عليك حنونة
 
والله غيل عندك الحق اختي
شعال من مرة يقولي الوالد ماراكش قاع تريح معايا كيما كنت قبل
شفت كيفاه خو
والله pc دالنا كامل وقتنا :thumbdown:
 
ههه لالا ماشي لهاد الدرجة نتباعتو بالامايل

عندنا اوقات نتجمعو فيها ونقصرو

مي بيان سير تكنولوجيا تأثر بطريقة او بأخرى
مرسي عليك حنونة
أيا لاباس كي ماركمش تتباعتو بالاميل ههههههههه:angel_not:
مرسي أختي
 
ههههههههههه
حنا كل واحد حاكم قرنيه هههههههه
مي علا الاقل تجمعنا البلايستيشن والتعلاق
اواه حنا نتلمو من داك نتلمو ونعلقو علا كاش واحد من الخاوه
ههههههههههههه المشكل نجتمعو منين داك علاش ماشي كل يوم
وبصحتكم vive التقعااااد :angel_not:
 
صح جبتيها لقعدات لحلويان قاع راحو
مع تكنولوجيا هادي حنا مايلمنا غير وكان راحت تريسيتي
كاش نهار مطر ولا ريح تمكاك نجيبوها ترقعيج
صحا عـ لميضووووووووع
 
صح جبتيها لقعدات لحلويان قاع راحو


مع تكنولوجيا هادي حنا مايلمنا غير وكان راحت تريسيتي
كاش نهار مطر ولا ريح تمكاك نجيبوها ترقعيج

صحا عـ لميضووووووووع
ههههههههههههه مالا أدعي يروح التريسيتي هكا باش تعمري القرعة بالــBien :angel_not:
مرسي أختي
 
آخر تعديل:
عندنا مزال و الحمد لله و كل حاجة في بلاصتها و قتها و كي نشوف باللي كل واحد في جيهة ندير شوية نش و ندخل ذاك في ذاك تنوض الفوضى و مبعد يشوفوني نضحك عليهم يفيقوا لرواحهم و ترجع لومبيونس و الضحك
 
حنا عايلتنا تحكي مع بعض فقط لما تنقطع الكهرباء
نسلموا على بعض ونسقسوا بعض ..أنت وش حوالك ؟؟ انا بخير وانت؟؟؟ وش تحكيلنا ؟؟ مكانش منها ... وين راك ماراكش تبان ... c'est pas vrais ..... وش راك داير السنة؟؟؟ راك علمي ولا أدبي ؟؟؟ أووو خسارة عليك

يرجع الضو ..كل واحد يحكم طريقو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top