تقبلي تبيعي ذهبك من اجل راجلك

[وجدان القلب]

نعم اقبل
معليش نبيع ذهبي لاخاطر راح يكون في عوني كيما راح نكون في عونو







بصح ان شاء الله مانوصلوش لهديك الحالة

 

[hasna.m]

انا نبيع ذهبى من اجل راجلى

بصح لظروف معينة ولازمة
الذهب ينفع مولاه وانشالله مانحتاجش نبيع
​

 

[Eva dz]

لوكان يطلب عينيا نمدهملو :shay:

مي طبعا كي نكونو محتاجين الدراهم بزااااف

خاطرش الذهب راس مال ، تبيعو كي تكون في ظرف خاص و تكاد تسقط من الحافة

و اللي ما تبيع ذهبها في حتى موقف نقوللها

:tongue_2:الذهب اللي راكم تهدرو عليه ، يجيب السعادة !

ياو زينة في اليدين ، ما يعطي هيبة ما يعطي محبة

لا مقارنة بين الراجل و المال

شكرا لك

 

[نجاة40]

اذا كانت السبة معقولة نسقسي بابا
بصح اذا كان دار كريدي على ظهري
والله مايشوفهم​

 

[beautiful -soul]

ويييييييييييييييييييييييي نقبل مانقولش لا
على عيني وراسي
ماكاش مشكل
...:closedeyes:
...تحياتي
سلام...
​

 

[amoulita@mosta]

نقبل نبيع ذهبي علا جالو وين راه البروبلام يا خواتاتي بصح بشرط من بعد كي ربي يفرج عليه يرجعولي بسيف عليه هههههههههههههههههههههههه ولا كيفاه؟

 

[محاربة صحراء]

هههههههههه وين مشكل ادا كان رجلي ادا ماكانش رجلي اي روح يوقد علاه قودة علية واش يشري هوا ولي انا لبيع عليه

 

[zagane]

السلام عليكم
المرا هي لي تتعاون مع رجلها على الزمان

 

[POLIYANA]

وعلاه لالا يخي هو راجلي ومدامني قبلت نعيش معاه نكمل حياتي معاه تسما نديرو كلش على جال حياة مليحة نعقبوها مع بعض
ويا لالة يخي راني عايشة معاه تسما كي تتزير السنتورة عليه كيما راكي تقولي انا تاني راني معاه في نفس القارب تتسما تخلى عليا ههههههههههه ​

 

[TOUTA32]

نعاونو باللي قدرت عليه بصح ماشي نبيعو كامل يقفز على روحو مايطمعش في ذهب مرتو​

 

[ibtesem]

انا شخصيا مستعدة اني ابيع ذهبي على جال زوجي لان الضر مريحش اكون عليه
برك راهو على الكل
والحياة تعاون واحد يرفد خوة هذا زوج ماشي اخ
غدوى كي كون عندو مراحش يبخلني
والمعدن الاصيل ابان وقت الشدة
شكر للموضوع​

 

[Sârsoùra L'mkàlChà]

ايه اكيد نقبل بالصح كي تكون السنتورة مزيرة بزاف كيما قلتي

انا عندي ماما باعت ذهبها و كلش علا جالو
​

 

[sallyqueen]

السلام عليكم ورحمة الله
ميرسي امرتي على هاد الميضوع الشباب
انا تبانلي باللي الانسان اللي نختاره باش يكون راجلي ونكمل حياتي معاه لازم نكون عاملة فيه كونفيونس توتال تسمى كون يطلب عينيا نعطيهملو والزواج مودة ورحمة مشي كل واحد رافد خدمي ورا ظهرو ويستنى التاني يعمل غلطة باش يقتلو ويتهنى منه هههههههه
وكيما قالوا ناس بكري مول التاج ويحتاج ولازم الازواج يعاونو بعضاهم بعض باش يقدرو يربو اولادهم على الحب والتعاون خير ماللي يربوا لي كريمينال هههههههه
ميرسي حنونتي على هاد الطرح الرائع وربي يرزقك بولد الحلال اللي مايخليك تختاجي واااااااااالو ويفششك وتعيشي معاه la belle viiiiiiiie ​

 

[دحمان الحراشي]

السلام عليكم
نظن انو البنت الي تساوي بين المال وزوجها عمرها مراح تبني اسره وعمرها ما راح تعيش سعيده
شكرا