اتبع التعليمات في الفيديو أدناه لمعرفة كيفية تثبيت تطبيق المنتدى على هاتفك.
ملاحظة: This feature may not be available in some browsers.
والله يا اختي مرة الوقت يجري والعمر يجري والناس ما هداهاش ربي تقوللك نسلك في ضميري مي معلابالهمش بلي راهم يجي النهار اللي يانبهم ضميرهم على اماراتون اللي راهم يديرولكم فيه
ربي يكون في عونكم اختي لعزيزة وربي يهديهم هاذا ما نقولو
يا مروى اختي نقولك بلي المعدل اللي كنتي تدي فيه في السيام انسايه
باسكو في الليسي ما يمدلكش 17 و 18 مستحيل
ما تخميش فيه بزاف والله راح تودري شا بقالك
ربي يوفقك
هههههههه سي لافي في لالجيري .. واش نقولك أختي ربي يوفقك وأدعي ربي كشما يديرلك سبيل وتجيبي المعدل ألي تحوسي عليه ..
وربي ينجحك سلام ..
و الله ماني عارفة واش نقلك
كلنا في الهوا سوا
الله غالب لازمنا نتحملو
و مانيأسوش
رحمة ربي كبيرة
رانا كامل كيف كيف زادو كملو علينا بالاضرابات نقرا علوم تجريبية و معامل المات 5 وهي عندي اخفض نقطة مانعرف علاه مارانيش نفهم وماشي غير انا اغلبية القسم
ربي ينجحنا ان شاء الله
ختي رانا قاع كيف كيف
و سيرتو المات
مانيش نحكم عند البروف حبة !
الله يجيب الخير
و ربي يكون في العون
دوكا ولا ليكووور هو لي يقري في لاكلاس يقولك راكم تهدرو ويلعبها قولقان ومريض مي في ليكور لا راسو لا والو يعودلك حتان تكرهي
حالتي كيما حالتك
ربي وكيلهم
لازم نقراو وحدنا بلا بيهم اوكي
شكرا
والله اختي راهو الاستاذ مظلوم وانتم كدليك مظلومين تعرفي ليه الاستاذ مظلوم عنده توزيع في الشهر واش يدرس ومن بعد تسجلي وين وصلتي بما يخص تلك الشهر وتقدم للادارة وكاين اساتذة مايخافوش يهمهم التلميذ ومايهماشي ضرر الادارة وانا استخدمتها الطريقة هادي لانها تهمني راحة التلميذ قبل راحتي والضغط عليه حتى انه يخرج فارغ من المعلومات واصلا تعرفي ماعادش كاين اساتذة في وقتنا هدا لانهم صاروا يقروا وهمهم دخل الجورني ولالا ماش فهم التلميذ ولالا
انا نقولك اقري الدعم وحاولي اقري في داركم مليح وربي يوفقك وماتعمليش عليهم وبالتوفيق
صح كيما قلتي يا اخت ماشي كامل ليبروف كيق كيف شكون لي مازال يخمم في التلميذكل واحد يهموه صلاحو مي حاشا البعض
شكرا ليك اختي وربي يكون في عونك
والله اختي هربت منه التعليم لانه مسؤولية وامانة في رقبتي
وانا صراحة حابة نكون نخدم بصدق وامانة كيما يقولو ندي حاجة الحلال
السلام
أنقلك كلمة قاع قرينة و الشيخ لي قريت عندو المات في math ولة أنتومة ماراطو حن rally ولة كتبة ماتلحقيه و لة فهامة ماتفهميه شاهية عجرتو من عقلو
أنا قريت بروقرام جديد في الليسي " أول فئران التجراب راه يتحدث " وقريت علوم تجريبية
شاهية كنت نقرة في الدار مع صحابي الكبار لي قراو البروقرام القديم كي يشوفوني صحابي يقولولي كي دير تفهم معاهم
" واك غير الرموز متبدلين " و كي الامتحان قاع ينخلعو في مجيد شحال جاب
المهم لي يحب يقرة مشي شرط مع الشيوخة
عندك الإرادة و اتكلي على ربي و تشوفي .. المعدل لي تبغيه تجيبيه
" الباك التاعي كي جبتو وحد الشيوخة كي سمعو بية بغاو يهبلو قالك سيبا فري ... "
المهم
الله يعاونكم
و السلام عليكم