يعيشكم ادخلو ومدو رايكم

noumira

:: عضو مُشارك ::
إنضم
29 نوفمبر 2009
المشاركات
224
نقاط التفاعل
0
النقاط
6
العمر
37
السلام عليكم اعضاء اللمة كي راكم غاية نتمنى تكونو كامل لاباس المهم حابة نسقسيكم في موضوع ونتمنى جاوبوني لخاطرش عندي قة كبيرة فيكم المهم انا انشاء الله في 3 جوان يدوني بمنى اني نروح عروسة البارح كانت عندي بنت عمي قعدنا نحكو ومجمعين قاتلي نوصيك حاجة قلتلها وشنو هي قاتلي ردي بالك تبقاي في اتصال مع حباباتك قلتلها علاه قاتلي كاين رجال لي ما يحبوش نساهم يكون عندهم حبابات على بالكم حسيت بالدوخة وحسيت قلبي رايح يحبس انا صراحة عندي 2 حباباتي بمعنى خواتاتي وزيد زوجي على بالو بلي هدو حباباتي وكيما خواتاتي وعشرة عمر ماشي غير من البارح نعرفهم يعيشكم فهموني هل الشيىء لي قالتو بنت عمي صح ريحوني ربي يريحكم
 
اختي انتي شاوري رجلك وادا وافق معليك الا اتبعاه فيما يقول هو ادرى بمصلحتك وتحياتي لكي والف مبروك وانشاء لله حياة ملية بسعادة وفقك الله في حياتك الجديدة اختك اسماء
 
آخر تعديل بواسطة المشرف:
صح اختي كاين رجال ميحبوش نساهم يبقاة في اتصال مع حباباتهم

المهم انتي هدري معاه و شوفي واش يقولك و ربي يوفقك

مبروووك عليك و العاقبة للذرية الصالحة
 
تكذب عليك مكانش منها
 
مبروك عليك لعقوبة لدرية الصالحة
انت سقسيه وشوفي ردة الفعل مع انو شيىء عادي
تكدب عليك تقولك كاين وكاين
انا متاكدة ان يقولك
حاجة نورمال
شكرا
 
شوفي ختي .......كيما قالولك كاين رجال من رجال .......كاين الي يقولك انا المرا تاعي ما تحكيش مع حباباتها واخر ما يهدر والوا .....انتي ما عليك غير تسقسيه وتشوفي ....كيما انا مراة خالي مازالها تحكي مع حباباتها وحباباتها يجو عندها وترووح عندهم....نتمنالك اف سعادة ....سلامي
 
ميكون غير الخير انشاء الله
 
وعليكم السلام
اختي ليس كل الرجال مثل بعضهم هناك المتفهم وهناك من لا يتفهم
اسالي زوجك عن هاته الامور واكيد يكون متفهم لانها شيء اكثر من العادي لا اشكال
ومبروك الزفاف وبالهناء في الحياة الزوجية
 
شوفي اختي لعزيزة نفهمك وانتي دبري راسك
ميش من النهار الاول اللي تروحيلو تقوليلي حباباتي ونهار وطول ونتي معاهم ومخلياتو
على الاقل كي تروحي بعد شهر ولا ابداي اجبديلو عليهم بالشوي
مرة على مرة يجيبوك للدار باه يعرفهم
وهو كي يشوفهم بنات فاميليا ويحبولك الخير ومرتاحة معاهم ماهوش رايح يمنعك بصح ميش معناها ديما حباباتك
الطفلة كي تتزوج تنسى كلش دار والديها كي يقوللها انسايهم خلاص
بصح لازم التصرف يكون ضريف
وكون تمشي برايي في وقتنا الواحد اصبح يخاف من المخالطات
قبل ما تتزوجي كانو عندك حباباتك مي كي تزوجتي نتي ربي يهنيك وهوما ربي يهنيهم كي تروحي لداركم وتلاقايهم يعني اشري العافية لروحك
ودبري راسك
 
مبروووووووووك عليك
كاين و كاين
مادام هومة تاع الصح خواتك علاه تبعدي عليهم
 
الله يجيب الخيرررررررررر
 
الثقة هي كل شيئ اذا كان زوجك يثق بك فمبروووووووووك عليك شرط أن لا تخوني ثقته
 
ههههه اعلاه عمي حسان

انا لم نسمع بها أبدا


كثير من الناس تزروجوا و لم يجبروا نسائهم على قطع اتصالتهم سابقة مع حبيباتهم او أقاربهم

و لماذا قطع اتصال ؟


لم نسمع بها
 
هاذي صح الرجال ميحبوش تقعدي اون كونتاكت مع حباباتك و انا حسب رايي الشخصي عندهم الحق
 
اول شيء

مبروك عليك

و الله يتمملك حنونه على خير

اما بخصوص السؤال

فلا اضن ان الزواج يفترض على الشخص ان يقتلع من جذوره و ان يقطع علاقاته

ربما علاقاتك بهن

و اتصالاتك بهن ستقل

لكن انقطاع ، فلا اضن ان له اساس من الصحة

و شكرا
 
~ .. الســــــلام عليــــكم ..

.. مســاكي نور و ورد و زهــور خيتو ..
.. كيف الحـال ؟ .. ان شاء الله بخيــر يالغاليــة ..

.. أختي مين الي يقدر يعش بلا أحبـاب و أصحــاب ؟! ..
.. حتى واحد مـا يقدر .. لأنـــهم يشــاركونــا الفرحــة و الحــزن ..
.. لكن بدون إفراط في كثــرة الملتقيــات و المنتديـات النسويــة لأنهــا أحيـانا ..
.. تســبب المشــاكل في مجتمعنــا الجــزائري ..

.. و ثــانيـــا إنتي قلتي و كتبتي بيديكي يالغالــة :

وزيد زوجي على بالو بلي هدو حباباتي وكيما خواتاتي وعشرة عمر

.. إذا خــلاص .. وزيد هــذا الكــلام لازم يكون بينكـ و بين زوجكـ ..
.. أي حــاجة في بالك و تحبي تستفســري عليهــا .. أتكلمي معــاه مــاشي مـع أحد ثاني ..
.. و ان شاء الله يكون نعمــى الزوج و تكوني أجمــل و أروع زوجــة في العالــم ^^ ..

.. ربي يحفظكـ و يحميكـ إنتي و زوجكـ خيتو ..
.. و لكي مني كل الــود و أجمــل باقـة ورد بمنــاسبــة زواجكـ ..
.. و ربي يرزقكمـ بالأولاد و البنــات الصالحين ..

~ .. دمتي في حفظ الرحمـن ..

 
حاجة غريبة المرة الاولى لي نسمع بيها هههههه املاك انا تاني نقول لراجلي مانحبش يكون عندك صحابك كيما انت ما تحبش يكون عندي صحاباتي لووووووووووووووووووووووول
 
حاجة غريبة المرة الاولى لي نسمع بيها هههههه املاك انا تاني نقول لراجلي مانحبش يكون عندك صحابك كيما انت ما تحبش يكون عندي صحاباتي لووووووووووووووووووووووول

على كل حال مشكورة خيت على ردك
 
~ .. الســــــلام عليــــكم ..

.. مســاكي نور و ورد و زهــور خيتو ..
.. كيف الحـال ؟ .. ان شاء الله بخيــر يالغاليــة ..

.. أختي مين الي يقدر يعش بلا أحبـاب و أصحــاب ؟! ..
.. حتى واحد مـا يقدر .. لأنـــهم يشــاركونــا الفرحــة و الحــزن ..
.. لكن بدون إفراط في كثــرة الملتقيــات و المنتديـات النسويــة لأنهــا أحيـانا ..
.. تســبب المشــاكل في مجتمعنــا الجــزائري ..

.. و ثــانيـــا إنتي قلتي و كتبتي بيديكي يالغالــة :



.. إذا خــلاص .. وزيد هــذا الكــلام لازم يكون بينكـ و بين زوجكـ ..
.. أي حــاجة في بالك و تحبي تستفســري عليهــا .. أتكلمي معــاه مــاشي مـع أحد ثاني ..
.. و ان شاء الله يكون نعمــى الزوج و تكوني أجمــل و أروع زوجــة في العالــم ^^ ..

.. ربي يحفظكـ و يحميكـ إنتي و زوجكـ خيتو ..
.. و لكي مني كل الــود و أجمــل باقـة ورد بمنــاسبــة زواجكـ ..
.. و ربي يرزقكمـ بالأولاد و البنــات الصالحين ..

~ .. دمتي في حفظ الرحمـن ..


ربي يخليك اخي العزيز وربي يوفقك
 
اول شيء

مبروك عليك

و الله يتمملك حنونه على خير

اما بخصوص السؤال

فلا اضن ان الزواج يفترض على الشخص ان يقتلع من جذوره و ان يقطع علاقاته

ربما علاقاتك بهن

و اتصالاتك بهن ستقل

لكن انقطاع ، فلا اضن ان له اساس من الصحة

و شكرا

الله يسلمك وعقوبة ليك صح واش قلتي كلشي وصلة الرحم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top