ديرونجمو

HWK4ALGERIA

:: عضو بارز ::
أحباب اللمة
إنضم
30 مارس 2010
المشاركات
1,473
نقاط التفاعل
2
النقاط
37
العمر
14
صحيتوآخاوتي ، لاباس اعليكم؟ الحمد لله.
راني حاير في وحد الطبع عند بعض الناس ايجي لعندك ويقولك " سامحني اخويا معليش انديرونجيك؟" :glare: وللأسف احنا حنان وقلوبنا واسعة وديما انقولو "ايه اتفضل واش ايخصك خويا لعزيز"
ظرك انتا الا عارف روحك راح اديرونجي كاش واحد علاش امالا اتروح عندو وتستسمحو باش اديرونجيه؟ علاش الناس فاضية شغل ؟
اذا كان انت عارف روحك بللي راح اتروح لكاش واحد وتتصرف امعاه تصرف ماشي امليح علاش اتروح العندو اصلا؟ والا وجهك بارد ومقصدر؟ والا كي اتقوللو زعما " سامحني آخويا " يسما كلي ماولاتش ديرونجمو هكذاك:cursing: علاش ديما نحاولو نخدعو بعضانا بشتى أنواع حروف الهف واللف والدوران كيما السي وخويا وشريكي ....إلخ.... على باش انبررو افعال خاطئة اصلا.
انت ديجا كي اتحبس واحد في نص الطريق واتقوللو "سامحني آخويا معليش انديرونجيك" ديجا هكذا راك ديرونجيتو، والا راني غالط؟
ايلا راني غالط صافي راني اموسوس وضربتين في الراس توجع "غالط + موسوس"
ويلا راني صحيح قولوها معايا بالصوت العالي "بركاونا بلا ديرونجمو كرهنا خلاص" بشوي بشوي حتى تتنحى هاذ الطبيعة الخاسرة تاع اديرونجمو بالظرافة على الاقل من الاجيال القادمة.
شكرا وسامحوني على الديرونجمو:001_unsure:
 
تمت الموافقة على الموضوع و لي عودة فيه .
 
اسمحلي خويا معليش انديرونجيك!!!!!هههههههههه هاذا يتسمى مريض و حب يمرض الناس معاه .. ربي يجيبلو ساعة الشفاء ان شاء الله
 
شعب غير تاع ديرونجمون
واش نديرولو زعمة يتبدل ماشكيتش تصلح معاه
قالك اللي فيه نgة مايتنgى
 
هاد سموه تلحليح المرافق لديرنجـــــمو
بصح مليح هاذ تلحليح كي يكون مره فلعام
ماشي كل صباح متصبح على فوgيرتو وزاده ديرنجموه
وتاني ماشي مليح الي ايجك كي لهبش جامي سمع بحاجه اسمها الادب
يقلك ياو اسمع ديرلي..........يعني كل حاجه في بلاصتها
وخير الامور اوسطها
وسلااااااااااااااااام
 
والله عينيا مقفولين ما قدرتش نقري
وزيد داير الكاسك الغنا مطروشني
******
 
هدا الكلام ..اسمحلي خويا معليش انديرونجيك!..انتاع انسان ضعيف في اسلوب الحوار
 
اسمحلي خويا معليش انديرونجيك!!!!!هههههههههه هاذا يتسمى مريض و حب يمرض الناس معاه .. ربي يجيبلو ساعة الشفاء ان شاء الله
والا يهنينا منو ونرتاحو من الديرونجمو تاعو.
 
آخر تعديل:
هاد سموه تلحليح المرافق لديرنجـــــمو

بصح مليح هاذ تلحليح كي يكون مره فلعام
ماشي كل صباح متصبح على فوgيرتو وزاده ديرنجموه
وتاني ماشي مليح الي ايجك كي لهبش جامي سمع بحاجه اسمها الادب
يقلك ياو اسمع ديرلي..........يعني كل حاجه في بلاصتها
وخير الامور اوسطها

وسلااااااااااااااااام
كلام جميل وكلام معقول
شكرا
 
والله عينيا مقفولين ما قدرتش نقري


وزيد داير الكاسك الغنا مطروشني

******
امالا اسمحلنا على ديرونجمو.
 
هدا الكلام ..اسمحلي خويا معليش انديرونجيك!..انتاع انسان ضعيف في اسلوب الحوار
أو ذو حيلة ويعرف كيفاش يقضي صوالحو على ظهور الناس
 
سامحني اخويا معليش انديرونجيك؟......سبحان الله قلبهم أبيض وي شاورو......راك درونجيتني بعد ههههه.....
..........شكرااا على الموضوع وإذا قلقتك أسمحلي....
 
السلام عليكم
حبس نديرونجيك بي هاد الرد
 
سامحني اخويا معليش انديرونجيك؟......سبحان الله قلبهم أبيض وي شاورو......راك درونجيتني بعد ههههه.....
..........شكرااا على الموضوع وإذا قلقتك أسمحلي....
السماح خويا مادامك ديرونجيتني بالظرافة
 
hadi hiya aldsara enta3 la3rab​
 
الديرونجموا و مشتقاته كتريا شعبا نبت معاه ههههههه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top