لا للنحافة.......لقد مللت

[sheherazed]

السلام عليكن

يا أخواتي والله لقد مللت وكرهت من نحافتي التي لم ترضى ان تفارقني:cursing:،

مرات يقولولي كولي العقدة ومرات يقولولي لازم تنامي مليح ومرات لازم تاكلي مليح...............وجربت كامل هاد الشي وما كانش نتيجة:crying:


والمشكلة اني ما كنتش نحيفة بهاد الشكل غير في سنوات قليلة مضت،:sad:



في الاول كنت نقول ممكن القلق والدراسة والتخمام هو اللي بهدلني:angry:ولكن الان والحمد لله خلصت دراستي وراني قاعدة فالدار هانية وما خصني حتى شي:001_unsure:

فأين المشكل؟؟؟؟؟؟؟؟؟تخيلوا اني وزنت روحي الشهر اللي فات وصبت 44 كلغ:scared:


الله يخليكم حابة نسمن شويا او على الاقل نولي لطبيعتي:crying:


ممكن تساعدوني؟؟؟؟؟؟؟؟؟؟؟؟؟؟؟؟؟

 

[sheherazed]

:tears::tears::tears::tears:

ما كانش حتى مساعدة أو على الاقل رد :closedeyes:

 

[remanous]

والله يا ختي رانا نعانيو في نفس المشكل

ربي يكون معانا ونشوفو فيها حل

 

[angel]

يقولولك دايما جربي الحلبة مي انا وحدة من الناس منحبهاش


على خاطر فيها ريحة ماشي مليحة

شوفي نحوسلك ونقلبلك بالخبر


ايه كاينة حاجة خرا بلاكي تشربي دوا على خاطر ماشي مليح اوكي


يكذب عليك يقولك الدوا يسمن


وان شاء الله ترتاحي في اقرب وقت يارب

​

 

[ايمان صبرينة]

قالولي وصفة مليحة تسمن وتجيب نتيجة وللي هي الرايب تاخدي كاس وتديري فيه ملعقة عسل يوميا وان شاء الله تسمني باذن الله

 

[احلام جزائرية]

هو كاين الف حل منو الزهو والاكل ويفاجي الانسان على قلبو وذرك الناس يااختي شهرزاد الكل راهي تحب الرقيقة

 

[السلطانة]

جربي الحلبة وكولي معاها لعسل
ضربة ضربة
وانشالله تجيب معاك نتيجة
تحياتي اختي الفاضلة وماتقلقيش روحك

 

[هــــيلدا]

ايه كيما قالولك
الحلبة هي الحل
صح ريحتها تعيف بصح مليحة باش تسماني

 

[lyrics]

أختي انا صراحة سمعت بلي اقراص خميرة البيرة مفيدة وتساعد في كسب الوزن وفتح الشهية بالاضافة الى ذلك فهي غنية بالفيتامين b12 اللي عندو فوائد جمة اللي تنعكس على نضارة بشرتك واشراقة شعرك وقوة أظافرك ....

 

[mouna1993]

kouli lhlba rahi mliha wdiriha fi 9r3a ta3 ma wfri lhlba fiha bach troh irtha ta3ha wki thbi touchrbi lma ouchrbi mn lma ta3 l9ar3a wana rani ndir fuha i6ari9a hadi bizou

 

[sheherazed]

شكرا لكن يا حبيباتي

وعلى حساب الردود أرى أنكن قد أجمعتن على الحلبة،وان شاء الله راح نجربها ونرجعلكم بالخبر


وفيما يخص أقراص الخميرة فقد سمعت أن لها دور فعال في زيادة الوزن ولكن في نفس الوقت لها اثار سلبية فيما بعد والله أعلم


على العموم شكرا لكل من عطرت وزينت صفحتي بمرورها الرائع ونصيحتها الاروع

 

[salmadz]

أنا عندي نفس المشكل التاعك بصح بالعكس هههههههههه
أنا كرهت مالسمانة و ماقدرتش نحبس الماكلة كي نتقلق نولي غير نبلع و عندي شوية ظروف هاد اليامات راني مقلقة بزاف:busted_red: واش نقولك راني بلع بلع بلع الله يجعل الخير
وقيلا نعطيك شوية دم و اعطيني شوية دم بالاك نتي تسماني وانا نشيان ههههههه
ندخلو في الموضوع
شوفي ختي ماكان لا حلبة لا زعكة الديب :yahoo:
الماكلة ثم الماكلة ثم الماكلة
شوفي انا واش درت
رحت عند اختصاصية غدد دارتلي تحاليل شافت اذا هرموناتي طبيعية ام لا
و للاسف لقاتهم طبيعيين و قاتلي السمانة التاعك ناتجة عن الاكل الكثير و خاصة الحلويات نمووووووت ع لحلوة سورتو شكوووووووولاطة
أعطاتني ريجيم تبعتو شوية امبعد حبست
علابالي راكي تقولي واش بيها تحكيلي في قصة حياتها :heh:
دوك نقولك الحل التاعك وشنو
روحي عند اختصاصية غدد شوفي اذا هرموناتك نورمال لاخاطرش كاين ناس ياكلو الدنيا كامل و مايسمانوش هاد النوع الجسم التاعو يحرق بزاف
اذا كانت هرموناتك طبيعية راح تفهمك الطبيبة على المواد الغذائية اللي لازم تاكليها و شحال تاكلي منها
انا دخلت عليا غير ماتاكليش هادي و ماتاكليش هادي ,,,,,
و اهم شئ انك تاكلي كولي في كل وقت تقهواي مليح صباح يالوكان بالخبز و زيت الزيتون زيدي ع العشرة ديري كاسكروط كاش حاجة لفطور افطري مليح ع تلاتة كولي كاش حاجة اومبعد القهوة و كولي ع الستة و زيدي اتعشاي مليح كولي السقايط فرامج معجون حلاوي قفريط نتي و مصروفك
لوكان تاكلي هاكدا و الله شهر تعاودي تكتبي موضوع لا للبدانة لقد مللت
ربي يعاونك و يسمنك ان شاء الله طمنيني عليك ok

 

[شهد .]

كولي الحلبة بصح ريحتها مش شابة ول لعقدة
وانا عيا منين ما شهيتي تكون مبلعة ناكول الحار ولهريسة ما تخطينيش
انا درت موضوع على النحافة شوفيه وردي عليا
ربي معاكم
​

 

[lyrics]

شكرا لكن يا حبيباتي

وعلى حساب الردود أرى أنكن قد أجمعتن على الحلبة،وان شاء الله راح نجربها ونرجعلكم بالخبر


وفيما يخص أقراص الخميرة فقد سمعت أن لها دور فعال في زيادة الوزن ولكن في نفس الوقت لها اثار سلبية فيما بعد والله أعلم


على العموم شكرا لكل من عطرت وزينت صفحتي بمرورها الرائع ونصيحتها الاروع

من فضلك ممكن تقوليلي واش هي هاد الآثار الجانبية ؟؟:wink:

 

[sheherazed]

أنا عندي نفس المشكل التاعك بصح بالعكس هههههههههه
أنا كرهت مالسمانة و ماقدرتش نحبس الماكلة كي نتقلق نولي غير نبلع و عندي شوية ظروف هاد اليامات راني مقلقة بزاف:busted_red: واش نقولك راني بلع بلع بلع الله يجعل الخير
وقيلا نعطيك شوية دم و اعطيني شوية دم بالاك نتي تسماني وانا نشيان ههههههه
ندخلو في الموضوع
شوفي ختي ماكان لا حلبة لا زعكة الديب :yahoo:
الماكلة ثم الماكلة ثم الماكلة
شوفي انا واش درت
رحت عند اختصاصية غدد دارتلي تحاليل شافت اذا هرموناتي طبيعية ام لا
و للاسف لقاتهم طبيعيين و قاتلي السمانة التاعك ناتجة عن الاكل الكثير و خاصة الحلويات نمووووووت ع لحلوة سورتو شكوووووووولاطة
أعطاتني ريجيم تبعتو شوية امبعد حبست
علابالي راكي تقولي واش بيها تحكيلي في قصة حياتها :heh:
دوك نقولك الحل التاعك وشنو
روحي عند اختصاصية غدد شوفي اذا هرموناتك نورمال لاخاطرش كاين ناس ياكلو الدنيا كامل و مايسمانوش هاد النوع الجسم التاعو يحرق بزاف
اذا كانت هرموناتك طبيعية راح تفهمك الطبيبة على المواد الغذائية اللي لازم تاكليها و شحال تاكلي منها
انا دخلت عليا غير ماتاكليش هادي و ماتاكليش هادي ,,,,,
و اهم شئ انك تاكلي كولي في كل وقت تقهواي مليح صباح يالوكان بالخبز و زيت الزيتون زيدي ع العشرة ديري كاسكروط كاش حاجة لفطور افطري مليح ع تلاتة كولي كاش حاجة اومبعد القهوة و كولي ع الستة و زيدي اتعشاي مليح كولي السقايط فرامج معجون حلاوي قفريط نتي و مصروفك
لوكان تاكلي هاكدا و الله شهر تعاودي تكتبي موضوع لا للبدانة لقد مللت
ربي يعاونك و يسمنك ان شاء الله طمنيني عليك ok

هههههههههه والله هادي هي الدنيا،ربي كيما يعمل للعبد ما يعجبوش:glare:
بالعكس حبيبتي والله انا كنت متمنية تدخل وحدة تعاني من مشكلتي ولكن معكوسة حتى تنور الموضوع بنصائحها لانو المثل يقول:سال المجرب وما تسالش الطبيب:heh:
وشكرا وشكرا والف شكر على نصيحتك اللي ما كانتش في بالي وان شاء الله تجيب نتيجة مريحة وكيما قلتي لازم تعطيني من دمك ونعطيك من دمي ونجيو كيف كيف:wink:
ونزيدك حاجة لازملك الى جانب الريجيم تعملي الرياضة بشكل مستمر وبطريقة منتظمة حتى تتمكني من الحفاظ على رشاقتك:yahoo:

وما تنسايش تشربي الماء بزااااااااااااااااااف وخاصة في الصباح


وان شاء الله تنقصي 10 كلغ وانا نزيد 10 كلغ:yahoo:


:ax_flw::ax_flw::ax_flw::re_gards::re_gards::re_gards:

 

[sheherazed]

كولي الحلبة بصح ريحتها مش شابة ول لعقدة

وانا عيا منين ما شهيتي تكون مبلعة ناكول الحار ولهريسة ما تخطينيش
انا درت موضوع على النحافة شوفيه وردي عليا
ربي معاكم​

بارك الله فيك على النصائح حبيبتي

وان شاء الله رح ندخل لموضوعك ونصيب فيه اللي يريحني ويحقق امنيتي:tears:

 

[sheherazed]

من فضلك ممكن تقوليلي واش هي هاد الآثار الجانبية ؟؟:wink:

بالتأكيد روحي،انا سمعت ومن عند مجربين انو النتائج في البداية تكون ايجابية ويزيد وزن الطفلة وتعمل خدود:yahoo::heh:ولكن بعد ما ينتهي مفعول الدواء ولا الخميرة يولي عليها هاديك السمانة بالتجاعيد:scared:وترجع الطفلة تبان كي شغل عندها 50 عام


ما ننصحكش تاخدي بهاد النوع من الادوية:surrender:

 

[lyrics]

بالتأكيد روحي،انا سمعت ومن عند مجربين انو النتائج في البداية تكون ايجابية ويزيد وزن الطفلة وتعمل خدود:yahoo::heh:ولكن بعد ما ينتهي مفعول الدواء ولا الخميرة يولي عليها هاديك السمانة بالتجاعيد:scared:وترجع الطفلة تبان كي شغل عندها 50 عام


ما ننصحكش تاخدي بهاد النوع من الادوية:surrender:

هاد المعلومة لا أساس لها من الصحة مجرد افكار مبنية على اعتقادات خاطئة يعني الناس تستخدم فيها من بكري ومازالت ليومنا هادا (حتى زين الاثات يمدها كعلاج )
بصح منين سمعتي بيها ؟؟
املاتيك رجع الخبز هو من احد اساب ظهور التجاعيد هههههههههههههههههههههه:no_1:

propriétés de la levure de bière

De par sa composition, la levure de bière est un aliment qui présente de très nombreux avantages nutritifs et curatifs.

— La levure de bière favorise l'assimilation alimentaire dans son ensemble, et possède une excellente
valeur nutritive en protéines puisque 35 g de levure de bière apportent autant de protides que 100 g de
viande.

— La levure de bière augmente la résistance, non seulement à la fatigue mais aux infections en général,
ceci du fait d'une amélioration du terrain biologique, ainsi que d'une action sur la phagocytose par une
augmentation et une plus grande activité des phagocytes : cellules dont le rôle est d'englober les corps
étrangers - notamment les microbes - afin de les détruire dans leur cytoplasme.

— La levure de bière constitue un excellent complément alimentaire pour les régimes déséquilibrés en
protéines (particulièrement en acides aminés essentiels) et en vitamines du groupe B, déséquilibres
malheureusement trop souvent rencontrés aujourd'hui à travers les aliments habituels proposés par notre
société de consommation qui sont de moins en moins conformes à ce qu'ils devraient être, notamment avec
la cuisine industrielle ingérée de plus en plus journellement par des millions de gens au détriment de la cuisine
familiale traditionnelle, et la mode de nombreux régimes amaigrissants - mal équilibrés ou mal compris de leurs
adeptes - suivis aujourd'hui de façon anarchique par une grande partie de la population.

— Enfin, les levures de bière alimentaires vivantes - dites médicinales - ont d'importantes propriétés
thérapeutiques sur le plan intestinal et cutané.
​

هادي باه تكوني مهنية

Tolérance de la levure de bière
La levure de bière est d'une parfaite innocuité et ne présente aucune contre-indication (seules les personnes qui suivent un traitement anti-dépressif à base d'IMAO - inhibiteurs de la monoamine oxydase - doivent éviter d'en prendre du fait qu'elle contient de la tyramine, cette association pouvant provoquer une brutale hypertension artérielle), elle est dénuée de troubles secondaires aux doses conseillées ci-dessus et n'a aucune incompatibilité avec d'autres thérapeutiques, en dehors évidemment des médications antifongiques qui détruisent la levure de bière vivante.

A signaler enfin que la levure de bière naturelle ne contient pas de gluten et peut donc être prise par les personnes intolérantes à cette protéine (voir "Régime sans gluten"), sauf si l'emballage comporte la mention : "présence de gluten".


En conclusion, la levure de bière est un remarquable complément alimentaire qui permet de maintenir ou de retrouver son capital santé/beauté d'une façon naturelle dans les meilleurs délais. A vous d'en juger en commençant dés demain des cures régulières de ce champignon microscopique qui est, contrairement à ceux beaucoup plus mal famés qui provoquent des mycoses, l'un de vos meilleurs amis pour bien et mieux vous porter.


​

خميرة البيرة ماراهيش رايحة تنفخك بالهواء كي البالون لكن تحفز شهيتك وتغذي جسمك بمكوناتها
فهي غنية بالبروتينات/ الاملاح المعدينة/ الفيتامينات GROUPE B :


والله اعلم :wink:

 

[sheherazed]

هاد المعلومة لا أساس لها من الصحة مجرد افكار مبنية على اعتقادات خاطئة يعني الناس تستخدم فيها من بكري ومازالت ليومنا هادا (حتى زين الاثات يمدها كعلاج )
بصح منين سمعتي بيها ؟؟
املاتيك رجع الخبز هو من احد اساب ظهور التجاعيد هههههههههههههههههههههه:no_1:



هادي باه تكوني مهنية




خميرة البيرة ماراهيش رايحة تنفخك بالهواء كي البالون لكن تحفز شهيتك وتغذي جسمك بمكوناتها
فهي غنية بالبروتينات/ الاملاح المعدينة/ الفيتامينات GROUPE B :


والله اعلم :wink:


[/B]

والله غير فرحتني بهاد الخبر وعملتلي الشجاعة الكافية باش نسييها :yaw:

وراح تكوني أول المشكورين اذا سمنت:luve_2:


بصح قوليلي تعرفي كانش وحدة مجربتها؟؟؟أنا قالولي جربناها وما خرجتش علينا:du_nno:

الله يفرحك حبيبة:luve_1:

 

[عفاف الجزائرية]

والله وقت عجب ناس تحوس تشيان وناس تحوس تسمان
انا نحوس نشيان كرهت حياتي وانا هكذا
المهم اختي عندي وحدة قريبتنا كانت رقيقة مطرق ودارت وصفة نتاع موز وتمر وعسل نجيبهالك بالتفصيل ونحطهالك وان شالله تنفعك
​